‘പിറ​കി​ലൂ​ടെ വ​ന്ന് അ​ടി​ച്ചു​വീ​ഴ്ത്തി'; കാട്ടാനയിൽ നിന്ന് ജീ​വ​ൻ തി​രി​ച്ചു​കി​ട്ടി​യ ആ​ശ്വാ​സ​ത്തി​ൽ സു​ബൈ​ർ കു​ട്ടി

സു​ൽ​ത്താ​ൻ ബ​ത്തേ​രി: വെ​ള്ളി​യാ​ഴ്ച പു​ല​ർ​ച്ചെ ര​ണ്ട് മ​ണി​യോ​ട​ടു​ത്ത സ​മ​യ​ത്താ​ണ് ത​മ്പി എ​ന്ന സു​ബൈ​ർ കു​ട്ടി​യെ കാ​ട്ടാ​ന ആ​ക്ര​മി​ച്ച​ത്. ത​ട്ടു​ക​ട​യി​ൽ നി​ന്നും ക​ട്ട​ൻ ചാ​യ കു​ടി​ച്ച് പാ​ത​യോ​ര​ത്ത് കൂ​ടെ ന​ട​ക്കു​ന്ന​തി​നി​ടെ പിറ​കി​ൽ വ​ലി​യ നി​ഴ​ൽ ക​ണ്ട് തി​രി​ഞ്ഞു നോ​ക്കാ​ൻ ശ്ര​മി​ക്കു​ന്ന​തി​നി​ടെ ആ​ന ആ​ക്ര​മി​ക്കു​ക​യാ​യി​രു​ന്നു​വെ​ന്ന് ബ​ത്തേ​രി താ​ലൂ​ക്ക് ആ​ശു​പ​ത്രി​യി​ലെ​ത്തി​യ സു​ബൈ​ർ കു​ട്ടി​ പ​റ​ഞ്ഞു. വീ​ഴ്ച​യി​ൽ കാ​ൽ​മു​ട്ട് ചെ​റു​താ​യി പൊ​ട്ടി. പ​റ്റാ​വു​ന്ന രീ​തി​യി​ൽ ഉ​രു​ണ്ടു മാ​റി. ന​ട​പ്പാ​ത​യി​ലെ കൈ​വ​രി​യും ചെ​ടി​ക​ളും കാ​ര​ണം ആ​ന​ക്ക് സൗ​ക​ര്യ​ത്തി​ന് സു​ബൈ​ർ കു​ട്ടി​യെ ച​വി​ട്ടാ​ൻ ക​ഴി​ഞ്ഞി​ല്ലെ​ന്നു വേ​ണം സി.​സി.​ടി.​വി ദൃ​ശ്യ​ങ്ങ​ളി​ൽ നി​ന്നും മ​ന​സ്സിലാ​ക്കാ​ൻ.

എ​സ്.​ബി.​ടി, രാ​ഗം തി​യ​റ്റ​ർ റോ​ഡി​ലൂ​ടെ മു​ള്ള​ൻ​കു​ന്ന് ഭാ​ഗ​ത്തേ​ക്കാ​ണ് ആ​ന തി​രി​ച്ചു പോ​യ​ത്. പൊ​തു​വെ ആ​ന ആ​ക്ര​മ​ണ​കാ​രി​യാ​ണെ​ന്ന് ഇ​തു​മാ​യി ബ​ന്ധ​പ്പെ​ട്ട് പു​റ​ത്തു വ​ന്ന വി​ഡി​യോ ദൃ​ശ്യ​ങ്ങ​ളി​ൽ നി​ന്നും വ്യ​ക്ത​മാ​ണ്. ക​ട്ട​യാ​ട്, സ​ത്രം​കു​ന്ന് എ​ന്നി​വി​ട​ങ്ങ​ളി​ലൊ​ക്കെ ഈ ​ആ​ന എ​ത്തി​യ​താ​യി പ്ര​ദേ​ശ​വാ​സി​ക​ൾ പ​റ​യു​ന്നു​ണ്ട്. മു​ള്ളം​കു​ന്ന് അ​ഞ്ചു​മ്മ​ൽ ഇ​സ​ഹാ​ക്ക്, മു​ൻ ന​ഗ​ര​സ​ഭ ചെ​യ​ർ​മാ​ൻ ടി.​എ​ൽ.​സാ​ബു എ​ന്നി​വ​രു​ടെ വീ​ടിന​ടു​ത്ത് വ്യാ​ഴാ​ഴ്ച രാ​ത്രി ഒ​മ്പ​തോ​ടെ ഈ ​ആ​ന എ​ത്തി​യി​രു​ന്നു. അ​വി​ടെ നി​ന്ന് പ​ട​ക്കം പൊ​ട്ടി​ച്ച് തൊ​ട്ട​ടു​ത്ത കാ​ട്ടി​ലേ​ക്ക് ഓ​ടി​ച്ചു. പി​ന്നീ​ട് തി​രി​ച്ച് ഒ​രു മ​ണി​യോ​ടെ ആ​ന ടൗ​ണി​ലേ​ക്ക് നീ​ങ്ങു​ക​യാ​യി​രു​ന്നു.

ടൗ​ണി​ൽ പ​ഴ​യ ജ​യ ഹോ​ട്ട​ൽ നി​ന്നി​രു​ന്ന ഭാ​ഗ​ത്തെ പാ​ർ​ക്കി​ങ് ഏ​രി​യയി​ൽ അ​ൽ​പ സ​മ​യം നി​ന്നു. തൊ​ട്ട​ടു​ത്തു​ള്ള ആ​വ​ണ​ക്ക് തോ​ട്ട​ത്തി​ലും ക​യ​റി. അ​തി​ന് ശേ​ഷ​മാ​ണ് ടൗ​ണി​ൽ ദേ​ശീ​യ പാ​ത​യി​ലൂ​ടെ ന​ട​ന്ന​ത്. പു​ല​ർ​ച്ചെ ന​ട​ക്കാ​നി​റ​ങ്ങി​യ​വ​രും പ​ത്ര​വി​ത​ര​ണ​ക്കാ​രും ആ​ന​യു​ടെ മു​മ്പി​ൽ പെ​ടാ​ത്ത​ത് ഭാ​ഗ്യം കൊ​ണ്ടാ​ണ്.