എം.ഡി.എം.എയുമായി യുവാക്കൾ അറസ്റ്റിൽ

സുൽത്താൻ ബത്തേരി: മുത്തങ്ങ എക്‌സൈസ് ചെക്ക് പോസ്റ്റിൽ നടത്തിയ വാഹനപരിശോധനയിൽ കേരള ആർ.ടി.സി ബസിൽനിന്ന് രണ്ട് വ്യത്യസ്ത കേസുകളിലായി രണ്ട് യുവാക്കൾ എം.ഡി.എം.എയുമായി പിടിയിലായി.

മലപ്പുറം താനാളൂർ കീർത്തി നിവാസിൽ സി.പി. ആകാശ് (22), മലപ്പുറം താനാളൂർ വെള്ളിയത്ത് വീട്ടിൽ വി. റഷീക് (21) എന്നിവരാണ് പിടിയിലായത്. ആകാശിൽനിന്ന് 2.24 ഗ്രാം എം.ഡി.എം.എയും റഷീകിൽനിന്ന് 0.3 ഗ്രാം എം.ഡി.എം.എയും പിടികൂടി. പരിശോധനക്ക് എക്‌സൈസ് ഇൻസ്‌പെക്ടർ പി.എ. ജോസഫ് നേതൃത്വം നൽകി.