കഞ്ചാവുമായി യുവാക്കൾ പിടിയിൽ

സുൽത്താൻ ബത്തേരി: മുത്തങ്ങ എക്സൈസ് ചെക്ക് പോസ്റ്റിൽ നടത്തിയ വാഹന പരിശോധനയിൽ വ്യത്യസ്ത സംഭവങ്ങളിലായി രണ്ടു യുവാക്കൾ കഞ്ചാവുമായി പിടിയിലായി. മൈസൂരു-കോഴിക്കോട് കെ.എസ്.ആർ.ടി.സി ബസിൽ യാത്ര ചെയ്യുകയായിരുന്ന മലപ്പുറം പുക്ലാശ്ശേരി പറമ്പിൽ വീട്ടിൽ വി.പി. രൻജിഷ് (34) 100 ഗ്രാം കഞ്ചാവുമായാണ് പിടിയിലായത്.

വാഹന പരിശോധനയിൽ 125 ഗ്രാം കഞ്ചാവുമായി കോഴിക്കോട് പടനിലം സ്വദേശി കരിപ്പൂർ വീട്ടിൽ കെ. ജംഷീദ് (28) അറസ്റ്റിലായി. സർക്കിൾ ഇൻസ്പെക്ടർ ടി. ഷറഫുദ്ദീൻ, എക്സൈസ് ഇൻസ്പെക്ടർ ടി.എച്ച്. ഷഫീഖ്, പ്രിവന്റിവ് ഓഫിസർമാരായ കെ.പി. ലത്തീഫ്, ടി.ബി. അജീഷ്, സിവിൽ എക്സൈസ് ഓഫിസർമാരായ എം. സോമൻ, ഇ. അനൂപ്, വി. ഷാനിയ, അഖില എന്നിവർ പരിശോധന സംഘത്തിൽ ഉണ്ടായിരുന്നു.