1500 പാക്കറ്റ് പുകയില ഉൽപന്നങ്ങൾ പിടികൂടി

സുൽത്താൻ ബത്തേരി: വയനാട് അസി. എക്സൈസ് കമീഷണർക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ പള്ളിക്കണ്ടിയിലെ വീട്ടിൽ നടത്തിയ പരിശോധനയിൽ 1500 പാക്കറ്റ് നിരോധിത പുകയില ഉൽപന്നങ്ങൾ സുൽത്താൻ ബത്തേരി എക്സൈസ് സംഘം പിടികൂടി.

കുഴിപ്പറമ്പത്ത് നിർജാസിനെ (29) അറസ്റ്റ് ചെയ്തു. സുൽത്താൻ ബത്തേരി റേഞ്ച് ഇൻസ്പെക്ടർ വി.ആർ. ജനാർദനൻ, അസി. എക്സൈസ് ഇൻസ്പെക്ടർ കെ.ബി. ബാബുരാജ്, പ്രിവന്റിവ് ഓഫിസർ സി.കെ. ഷാജി, സിവിൽ എക്സൈസ് ഓഫിസർ ശിവൻ, അഖില, ഡ്രൈവർ അൻവർ സാദത്ത് എന്നിവരാണ് പ്രതിയെ പിടികൂടിയത്.