വാകേരിക്കടുത്ത് വീണ്ടും കടുവയെ കണ്ടതായി നാട്ടുകാർ

സു​ൽ​ത്താ​ൻ ബ​ത്തേ​രി: വാ​കേ​രി​ക്ക​ടു​ത്ത് ക​ല്ലൂ​ര്‍കു​ന്നി​ൽ ബു​ധ​നാ​ഴ്ച വീ​ണ്ടും ക​ടു​വ​യെ ക​ണ്ട​താ​യി നാ​ട്ടു​കാ​ർ. ക​ല്ലൂ​ര്‍കു​ന്ന് സെ​ന്റ് ആ​ന്റ​ണീ​സ് പ​ള്ളിക്ക് സ​മീ​പ​മാ​ണ് റോ​ഡ് മു​റി​ച്ച് ക​ട​ക്കു​ന്ന ക​ടു​വ​യെ ക​ണ്ട​തെ​ന്ന് തോ​ട്ട​ത്തി​ലെ തൊ​ഴി​ലാ​ളി​ക​ള്‍ പ​റ​ഞ്ഞു. വ​നം വ​കു​പ്പ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. കാ​ൽ​പ്പാ​ടു​ക​ൾ പ​രി​ശോ​ധി​ച്ച വ​നം വ​കു​പ്പ് ഉ​ദ്യോ​ഗ​സ്ഥ​ർ പ​റ​യു​ന്ന​ത് ക​ടു​വ എ​ത്തി​യി​ട്ടി​ല്ലെ​ന്നാ​ണ്. എ​ന്നാ​ൽ, ക​ടു​വ​യെ ക​ണ്ട നാ​ട്ടു​കാ​രാ​യ ചി​ല​ർ അ​ത് അം​ഗീ​ക​രി​ക്കു​ന്നി​ല്ല.

ഏ​താ​നും ദി​വ​സം മു​മ്പ് ക​ല്ലൂ​ർ​കു​ന്നി​ൽ വാ​ക​യി​ൽ സ​ന്തോ​ഷി​ന്റെ പ​ശു​വി​നെ ക​ടു​വ ആ​ക്ര​മി​ച്ചു കൊ​ന്നി​രു​ന്നു. ന​ര​ഭോ​ജി ക​ടു​വ​യാ​ണ് പ​ശു​വി​നെ കൊ​ന്ന​ത് എ​ന്നാ​യി​രു​ന്നു വ​നം​വ​കു​പ്പ് അ​ന്ന് പ​റ​ഞ്ഞ​ത്. കൂ​ട്ടി​ൽ അ​ക​പ്പെ​ട്ട​തി​നു​ശേ​ഷ​മാ​ണ് ന​ര​ഭോ​ജി ക​ടു​വ​യു​ടെ മു​ഖ​ത്ത് ആ​ഴ​ത്തി​ൽ മു​റി​വു​ണ്ടെ​ന്ന് മ​ന​സ്സി​ലാ​ക്കു​ന്ന​ത്. അ​ങ്ങ​നെ​യെ​ങ്കി​ൽ ന​ര​ഭോ​ജി ക​ടു​വ​യ​ല്ല ക​ല്ലു​ർകുന്നി​ലെ പ​ശു​വി​നെ ആ​ക്ര​മി​ച്ച​തെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ദി​വ​സ​ങ്ങ​ളാ​യി മേ​ഖ​ല​യി​ൽ വേ​റെ ക​ടു​വ ഉ​ണ്ടാ​യി​രി​ക്ക​ണം. ക​ല്ലൂ​ർ​കു​ന്നി​ന്റെ ഒ​രു ഭാ​ഗം മു​ഴു​വ​ൻ റി​സ​ർ​വ് വ​ന​മാ​ണ്. സ്വ​കാ​ര്യ ഉ​ട​മ​സ്ഥ​ത​യി​ലു​ള്ള എ​സ്റ്റേ​റ്റു​ക​ളും ഇ​വി​ടെ​യു​ണ്ട്. അ​തി​നാ​ൽ ക​ടു​വ​ക​ൾ ഇ​വി​ടെ തു​ട​ർ​ച്ച​യാ​യി എ​ത്താ​നു​ള്ള സാ​ധ്യ​ത ഏ​റെ​യാ​ണ്.