ആ​ന​ക്ക​ലി, വൈ​ദ്യു​താ​ഘാ​തം;രാ​ജു​വി​ന്റെ​യും സു​ധ​ന്റെ​യും മ​ര​ണ​ത്തി​ൽ പ്ര​തി​ഷേ​ധ​മി​ര​മ്പി

സു​ൽ​ത്താ​ൻ ബ​ത്തേ​രി: പു​ൽ​പ​ള്ളി ചീ​യ​മ്പ​ത്ത് പൊ​ട്ടി​ക്കി​ട​ന്ന വൈ​ദ്യു​തി ലൈ​നി​ൽ​നി​ന്ന് ഷോ​ക്കേ​റ്റ് യു​വാ​വ് മ​രി​ച്ച​തി​ലും കാ​ട്ടാ​ന ആ​ക്ര​മ​ത്തി​ൽ ബ​ത്തേ​രി ക​ല്ലു​മു​ക്കി​ൽ ഗൃ​ഹ​നാ​ഥ​ൻ മ​രി​ച്ച​തി​ലും വ​ൻ​പ്ര​തി​ഷേ​ധം. ചീ​യ​മ്പ​ത്ത് 73ലെ ​സു​ധ​ൻ (32) ആ​ണ് ഷോ​ക്കേ​റ്റ് മ​രി​ച്ച​ത്. ക​ല്ലു​മു​ക്കി​ൽ മാ​റോ​ട് കോ​ള​നി​യി​ലെ രാ​ജു (48) ആ​ണ് കാ​ട്ട​ന​യു​ടെ ​ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​ത്. ഇ​രു​സം​ഭ​വ​ങ്ങ​ളി​ലും പ്ര​തി​ഷേ​ധം ശ​ക്ത​മാ​യ​തോ​ടെ മ​ന്ത്രി​മാ​രാ​യ എ.​കെ. ശ​ശീ​ന്ദ്ര​നും ഒ.​ആ​ർ. കേ​ളു​വും സ്ഥ​ല​ത്തെ​ത്തി.

ബു​ധ​നാ​ഴ്ച രാ​വി​ലെ മു​ത​ലു​ള്ള ക​ന​ത്ത മ​ഴ വ​ക​വെ​ക്കാ​തെ​യാ​യി​രു​ന്നു ക​ല്ലൂ​രി​ൽ നാ​ട്ടു​കാ​രു​ടെ പ്ര​തി​ഷേ​ധം. രാ​ജു​വി​ന്റെ മൃ​ത​ദേ​ഹം കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ നി​ന്ന് ആം​ബു​ല​ൻ​സി​ൽ കൊ​ണ്ടു​വ​ന്നു. ഏ​താ​നും ബ​ന്ധു​ക്ക​ളും മൃ​ത​ദേ​ഹ​ത്തോ​ടൊ​പ്പം ആം​ബു​ല​ൻ​സി​ലു​ണ്ടാ​യി​രു​ന്നു. വ​നം വ​കു​പ്പി​ന്റെ വാ​ക്കു​ക​ളി​ൽ വി​ശ്വാ​സ​മി​ല്ലെ​ന്നും പ്ര​ശ്ന​ത്തി​ന് ശാ​ശ്വ​ത​മാ​യ പ​രി​ഹാ​രം കാ​ണ​ണ​മെ​ന്നും ആ​വ​ശ്യ​പ്പെ​ട്ട് പ്ര​തി​ഷേ​ധ​ക്കാ​ർ ക​ല്ലൂ​രി​ൽ റോ​ഡ് ത​ട​ഞ്ഞു. സ്ത്രീ​ക​ൾ ഉ​ൾ​പ്പെ​ടെ​യു​ള്ള​വ​ർ മ​ഴ ന​ന​ഞ്ഞാ​ണ് റോ​ഡി​ലി​റ​ങ്ങി​യ​ത്. ഒ​രു കി​ലോ​മീ​റ്റ​ർ അ​ക​ലെ നാ​യ്ക്ക​ട്ടി​യി​ലേ​ക്കും, മ​റു​ഭാ​ഗ​ത്ത് മു​ത്ത​ങ്ങ​യി​ലേ​ക്കും വാ​ഹ​ന​ങ്ങ​ളു​ടെ നീ​ണ്ട നി​ര രൂ​പ​പ്പെ​ട്ടു. ബ​ത്തേ​രി - ക​ല്ലൂ​ർ - മു​ത്ത​ങ്ങ റൂ​ട്ടി​ൽ സ​ർ​വി​സ് ന​ട​ത്തു​ന്ന ബ​സു​ക​ൾ നാ​യ്ക്ക​ട്ടി​യി​ൽ എ​ത്തി തി​രി​ച്ചു പോ​രു​ക​യാ​യി​രു​ന്നു.

പ്ര​തി​ഷേ​ധം നേ​രി​ടാ​നാ​യി വ​ൻ പൊ​ലീ​സ് സ​ന്നാ​ഹ​മാ​ണ് എ​ത്തി​യ​ത്. മൂ​ന്ന് പൊ​ലീ​സ് ബ​സു​ക​ൾ പ്ര​ദേ​ശ​ത്ത് ത​മ്പ​ടി​ച്ചി​രു​ന്നു. പ്ര​തി​ഷേ​ധം അ​തി​രു വി​ട്ടാ​ൽ ശ​ക്ത​മാ​യി നേ​രി​ടാ​ൻ ത​ന്നെ​യാ​യി​രു​ന്നു തീ​രു​മാ​നം. മ​രി​ച്ച രാ​ജു​വി​ന്റെ കു​ടും​ബ​ത്തി​ന് 50 ല​ക്ഷം രൂ​പ​യാ​ണ് പ്ര​തി​ഷേ​ധ​ക്കാ​ർ ആ​വ​ശ്യ​പ്പെ​ട്ട​ത്.

എ​ന്നാ​ൽ പ​ഞ്ചാ​യ​ത്തോ​ഫി​സി​ൽ ന​ട​ത്തി​യ ച​ർ​ച്ച​യി​ൽ 11 ല​ക്ഷം ന​ൽ​കാ​മെ​ന്ന് അ​ധി​കൃ​ത​ർ പ​റ​ഞ്ഞു. ഇ​ക്കാ​ര്യം മ​ന്ത്രി അ​റി​യി​ച്ച​പ്പോ​ഴും പ്ര​തി​ഷേ​ധ​മു​യ​ർ​ന്നു.

സു​ധ​ന്റെ മൃ​ത​ദേ​ഹം ഏ​റ്റു​വാ​ങ്ങാ​തെ പോ​സ്റ്റ്മോ​ർ​ട്ടം ന​ട​ന്ന സു​ൽ​ത്താ​ൻ ബ​ത്തേ​രി താ​ലൂ​ക്ക് ആ​ശു​പ​ത്രി​യി​ലാ​യി​രു​ന്നു നാ​ട്ടു​കാ​ർ പ്ര​തി​ഷേ​ധി​ച്ച​ത്. സ​ർ​വ​ക​ക്ഷി നേ​തൃ​ത്വ​ത്തി​ലാ​ണ് മൃ​ത​ദേ​ഹം ഏ​റ്റു​വാ​ങ്ങാ​തെ പ്ര​തി​ഷേ​ധി​ച്ച​ത്. മാ​ന്യ​മാ​യ ന​ഷ്ട​പ​രി​ഹാ​രം, ആ​ശ്രി​ത​ർ​ക്ക് ജോ​ലി​യും ന​ൽ​ക​ണ​മെ​ന്നാ​വ​ശ്യ​പ്പെ​ട്ടാ​യി​രു​ന്നു നാ​ട്ടു​കാ​ർ സം​ഘ​ടി​ച്ച​ത്. അ​ധി​കൃ​ത​രെ​ത്തി രേ​ഖാ​മൂ​ലം ഉ​റ​പ്പു​ന​ൽ​ക​ണ​മെ​ന്നും പ്ര​തി​ഷേ​ധ​ക്കാ​ർ ആ​വ​ശ്യ​പ്പെ​ട്ടു.

ന​ഷ്ട​പ​രി​ഹാ​രം ന​ൽ​കാ​മെ​ന്നും ആ​ശ്രി​ത​ർ​ക്ക് ജോ​ലി​ക്കാ​യി സ​ർ​ക്കാ​രി​ൽ ശു​പാ​ർ​ശ ചെ​യ്യു​മെ​ന്നും അ​ധി​കൃ​ത​ർ ഉ​റ​പ്പു ന​ൽ​കി​യ​തോ​ടെ​യാ​ണ് സ​മ​രം അ​വ​സാ​നി​പ്പി​ച്ച​ത്. മ​ന്ത്രി ഒ. ​ആ​ർ. കേ​ളു​വും ഐ.​സി. ബാ​ല​കൃ​ഷ്ണ​ൻ എം.​എ​ൽ.​എ​യും സ​മ​ര സ്ഥ​ല​ത്തെ​ത്തി സ​ർ​ക്കാ​ർ തീ​രു​മാ​ന​ങ്ങ​ൾ അ​റി​യി​ച്ച​തോ​ടെ​യാ​ണ് മൂ​ന്നു മ​ണി​ക്കൂ​റോ​ളം നീ​ണ്ട ദേ​ശീ​യ പാ​ത ഉ​പ​രോ​ധ​സ​മ​രം അ​വ​സാ​നി​ച്ച​ത്.

രാ​ജു​വി​ന്റെ കു​ടും​ബ​ത്തി​ന് 11 ല​ക്ഷം ന​ൽ​കും; ആ​ദ്യ ഗ​ഡു അ​ഞ്ചു​ല​ക്ഷം ന​ല്‍കി

സു​ൽ​ത്താ​ൻ ബ​ത്തേ​രി: കാ​ട്ടാ​നാ​യു​ടെ ആ​ക്ര​മ​ണ​ത്തി​ല്‍ കൊ​ല്ല​പ്പെ​ട്ട ക​ല്ലൂ​ര്‍ മാ​റോ​ട് രാ​ജു​വി​ന്റെ കു​ടും​ബ​ത്തി​ന് 10 ല​ക്ഷം രൂ​പ വ​നം​വ​കു​പ്പി​ല്‍ നി​ന്നും ല​ഭ്യ​മാ​ക്കും. ഒ​രു ല​ക്ഷം രൂ​പ ഇ​ന്‍ഷൂ​റ​ന്‍സ് തു​ക​യും ഇ​തോ​ടൊ​പ്പം അ​നു​വ​ദി​ക്കും. രാ​ജു​വി​ന്റെ വീ​ടി​ന്റെ നി​ർ​മാ​ണം പ​ട്ടി​ക​വ​ര്‍ഗ​വി​ക​സ​ന വ​കു​പ്പ് ഏ​റ്റെ​ടു​ത്ത് ന​ട​ത്തും. മാ​റോ​ട് കോ​ള​നി​യി​ലേ​ക്കു​ള്ള റോ​ഡ് പു​തു​ക്കി പ​ണി​യാ​നു​ള്ള ന​ട​പ​ടി​ക​ള്‍ സ്വീ​ക​രി​ക്കും. ഇ​തി​നാ​യി എ​സ്റ്റി​മേ​റ്റ് പ​ഞ്ചാ​യ​ത്ത് ത​യാ​റാ​ക്കി പ​ട്ടി​ക​വ​ര്‍ഗ വി​ക​സ​ന വ​കു​പ്പി​ന് ന​ല്‍കും.

മ​ര​ണ​പ്പെ​ട്ട രാ​ജു​വി​ന്റെ കു​ടും​ബാം​ഗ​ത്തി​ന് സു​ല്‍ത്താ​ന്‍ ബ​ത്തേ​രി ഫോ​റ​സ്റ്റ് ഡെ​വ​ല​പ്പ്‌​മെ​ന്റ് ഏ​ജ​ന്‍സി​യു​ടെ കീ​ഴി​ല്‍ വി​ദ്യാ​ഭ്യാ​സ യോ​ഗ്യ​ത​യ്ക്ക് അ​നു​സ​രി​ച്ച് ജോ​ലി ന​ല്‍കും. ആ​ര്‍.​കെ.​വൈ പ​ദ്ധ​തി​ക്ക് കീ​ഴി​ല്‍ അ​നു​വ​ദി​ക്കു​ന്ന ഒ​മ്പ​ത് കി​ലോ​മീ​റ്റ​ര്‍ സോ​ളാ​ര്‍ ഹാ​ങ്ങി​ങ് മാ​റോ​ട് ഭാ​ഗ​ത്ത് സ്ഥാ​പി​ക്കാ​നും അ​തി​നോ​ട് ചേ​ര്‍ന്ന് സോ​ളാ​ര്‍ ലൈ​റ്റു​ക​ള്‍ സ്ഥാ​പി​ക്കാ​നും നി​ര്‍ദേ​ശം ന​ല്‍കി. മ​ര​ണ​പ്പെ​ട്ട രാ​ജു​വി​ന്റെ സ​ഹോ​ദ​ര പു​ത്ര​നും കാ​ട്ടാ​ന​യു​ടെ ആ​ക്ര​മ​ണ​ത്തി​ല്‍ അം​ഗ പ​രി​മി​ത​നു​മാ​യ ബി​ജു​വി​ന് പെ​ന്‍ഷ​ന്‍ അ​ന​വു​ദി​ക്കു​ന്ന​തി​നും മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ല്‍ നി​ന്ന് ധ​ന​സ​ഹാ​യം ല​ഭ്യ​മാ​ക്കാ​നും ന​ട​പ​ടി​യെ​ടു​ക്കും. കാ​ട്ടാ​ന ശ​ല്യം കു​റ​ക്കു​ന്ന​തി​നാ​യി പ്ര​ശ്‌​ന​ബാ​ധി​ത മേ​ഖ​ല​ക​ളി​ല്‍ ആ​ര്‍.​ആ​ര്‍.​ടി യു​ടെ നേ​തൃ​ത്വ​ത്തി​ല്‍ രാ​ത്രി​കാ​ല പ​ട്രോ​ളി​ങ്ങും ശ​ക്ത​മാ​ക്കും. വ​ന്യ​ജീ​വി ആ​ക്ര​മ​ണം ത​ട​യു​ന്ന​തി​നും പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ ഊ​ര്‍ജ്ജി​ത​പ്പെ​ടു​ത്തു​ന്ന​തി​നു​മാ​യി പ​ഞ്ചാ​യ​ത്ത് ത​ല ജാ​ഗ്ര​താ സ​മി​തി​ക​ള്‍ എ​ല്ലാ മാ​സ​വും വി​ളി​ച്ചു​ചേ​ര്‍ക്കും. പ​ഞ്ചാ​യ​ത്ത് പ്ര​സി​ഡ​ന്റും വ​നം​വ​കു​പ്പ് റെ​യി​ഞ്ച് ഓ​ഫി​സ​ര്‍മാ​രും ഇ​തി​ന് വേ​ണ്ട ന​ട​പ​ടി​ക​ള്‍ സ്വീ​ക​രി​ക്ക​ണം.

രാ​ജു​വി​ന്റെ മ​ക​ളു​ടെ തു​ട​ര്‍ പ​ഠ​ന​ത്തി​ന ചെ​ല​വ് പ​ട്ടി​ക​വ​ര്‍ഗ വി​ക​സ​ന വ​കു​പ്പ് പ​ദ്ധ​തി​യി​ല്‍ ഉ​ള്‍പ്പെ​ടു​ത്താ​നും നൂ​ല്‍പ്പു​ഴ പ​ഞ്ചാ​യ​ത്ത് ഓ​ഫി​സി​ല്‍ പ​ട്ടി​ക​വ​ര്‍ഗ വി​ക​സ​ന വ​കു​പ്പ് മ​ന്ത്രി ഒ.​ആ​ര്‍. കേ​ളു​വി​ന്റെ അ​ദ്ധ്യ​ക്ഷ​ത​യി​ല്‍ ചേ​ര്‍ന്ന യോ​ഗ​ത്തി​ല്‍ തീ​രു​മാ​ന​മാ​യി. ഐ.​സി. ബാ​ല​കൃ​ഷ്ണ​ന്‍ എം.​എ​ല്‍.​എ, ജി​ല്ല ക​ല​ക്ട​ര്‍ ഡി.​ആ​ര്‍. മേ​ഘ​ശ്രീ, ജ​ന​പ്ര​തി​നി​ധി​ക​ള്‍ തു​ട​ങ്ങി​യ​വ​ര്‍ യോ​ഗ​ത്തി​ല്‍ പ​ങ്കെ​ടു​ത്തു.

സു​ധ​ന്റെ വീ​ട് സ​ന്ദ​ര്‍ശി​ച്ച് മ​ന്ത്രി

പു​ൽ​പ​ള്ളി: പൊ​ട്ടി വീ​ണ വൈ​ദ്യു​തി ലൈ​നി​ല്‍ നി​ന്ന് ഷോ​ക്കേ​റ്റ് മ​ര​ണ​പ്പെ​ട്ട ചീ​യ​മ്പം 73 ലെ ​സു​ധ​ന്റെ വീ​ട് മ​ന്ത്രി ഒ ​ആ​ര്‍ കേ​ളു സ​ന്ദ​ര്‍ശി​ച്ചു. സു​ധ​ന്റെ കു​ടും​ബ​ത്തി​ന് അ​ര്‍ഹ​മാ​യ ന​ഷ്ട​പ​രി​ഹാ​ര തു​ക അ​ടി​യ​ന്ത​ര​മാ​യി ല​ഭ്യ​മാ​ക്കാ​ന്‍ കെ.​എ​സ്.​ഇ.​ബി അ​ധി​കൃ​ത​ര്‍ക്ക് നി​ര്‍ദേ​ശം ന​ല്‍കി.

മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ല്‍ നി​ന്നും സാ​മ്പ​ത്തി​ക സ​ഹാ​യം ല​ഭി​ക്കു​ന്ന​തി​ന് സ​ര്‍ക്കാ​ര്‍ ത​ല​ത്തി​ല്‍ ഇ​ട​പെ​ടു​മെ​ന്നും മ​ന്ത്രി കു​ടും​ബ​ത്തി​ന് ഉ​റ​പ്പ് ന​ല്‍കി. വൈ​ദ്യു​തി ക​ണ​ക്ഷ​ന്‍ ഇ​ല്ലാ​തി​രു​ന്ന സു​ധ​ന്റെ വീ​ട്ടി​ല്‍ ഉ​ട​ന്‍ ത​ന്നെ വൈ​ദ്യു​തി ക​ണ​ക്ഷ​ന്‍ ന​ല്‍കു​ന്ന​തി​നും നി​ര്‍ദ്ദേ​ശം ന​ല്‍കി.