പൊൻകുഴിയിൽ ദേശീയപാതയോരത്ത് കടുവ സാന്നിധ്യം

സു​ൽ​ത്താ​ൻ ബ​ത്തേ​രി: കോ​ഴി​ക്കോ​ട്-​കൊ​ല്ലെ​ഗ​ൽ ദേ​ശീ​യ​പാ​ത​യി​ൽ പൊ​ൻ​കു​ഴി​ക്ക് സ​മീ​പം റോ​ഡ​രി​കി​ലാ​യി നി​ല​യു​റ​പ്പി​ച്ച് ക​ടു​വ. കെ.​എ​സ്.​ആ​ർ.​ടി.​സി സു​ൽ​ത്താ​ൻ ബ​ത്തേ​രി ഡി​പ്പോ​യി​ൽ​നി​ന്ന് വൈ​കീ​ട്ടു​ള്ള ജം​ഗി​ൾ സ​ഫാ​രി യാ​ത്ര​ക്കി​ടെ പൊ​ൻ​കു​ഴി ക്ഷേ​ത്രം ക​ഴി​ഞ്ഞ് ആ​ദി​വാ​സി കോ​ള​നി​യു​ടെ സ​മീ​പ​ത്താ​യാ​ണ് റോ​ഡ​രി​കി​ൽ ക​ടു​വ നി​ല​യു​റ​പ്പി​ച്ച​ത്.

കാ​ന​ന ഭം​ഗി ആ​സ്വ​ദി​ക്കാ​നാ​യി മ​റ്റു ജി​ല്ല​ക​ളി​ൽ​നി​ന്നെ​ത്തി ജം​ഗി​ൾ സ​ഫാ​രി ന​ട​ത്തി​യ​വ​ർ​ക്കും മീ​റ്റ​റു​ക​ളു​ടെ വ്യ​ത്യാ​സ​ത്തി​ൽ ക​ടു​വ​യെ ക​ണ്ട​ത് വേ​റി​ട്ട അ​നു​ഭ​വ​മാ​യി. ക​ഴി​ഞ്ഞ​ദി​വ​സം രാ​ത്രി എ​ട്ട​ര​യോ​ടെ​യാ​ണ് സം​ഭ​വം. ഡ​യ​റ്റി​ലെ സീ​നി​യ​ർ അ​ധ്യാ​പ​ക​ൻ മ​നോ​ജി​ന്‍റെ നേ​തൃ​ത്വ​ത്തി​ൽ 14 ജി​ല്ല​ക​ളി​ൽ​നി​ന്ന് പ​രി​ശീ​ല​ന​ത്തി​നാ​യി വ​യ​നാ​ട്ടി​ലെ​ത്തി​യ 32 അ​ധ്യാ​പ​ക​രാ​ണ് ബ​സി​ലു​ണ്ടാ​യി​രു​ന്ന​ത്.

മു​ത്ത​ങ്ങ വ​ന്യ​ജീ​വി സ​ങ്കേ​ത​ത്തി​ലെ ഉ​ൾ​വ​ന​മേ​ഖ​ല​യി​ൽ ക​ടു​വ​ക​ളെ കാ​ണാ​റു​ണ്ടെ​ങ്കി​ലും വ​ന​മേ​ഖ​ല​യി​ൽ വാ​ഹ​ന​ങ്ങ​ൾ പോ​കു​ന്ന റോ​ഡി​നോ​ടു ചേ​ർ​ന്ന് ക​ടു​വ​ക​ളെ​ത്തു​ന്ന​ത് അ​പൂ​ർ​വ​മാ​ണ്. പൊ​ൻ​കു​ഴി ക്ഷേ​ത്രം ക​ഴി​ഞ്ഞ് ആ​ദി​വാ​സി കോ​ള​നി​യും പി​ന്നി​ട്ട് വ​ള​വ് തി​രി​യു​ന്ന​തി​നി​ടെ​യാ​ണ് ക​ടു​വ റോ​ഡി​ന് കു​റു​കെ ക​ട​ക്കു​ന്ന​ത് ക​ണ്ട​തെ​ന്നും ഇ​ത് ര​ണ്ടാം ത​വ​ണ​യാ​ണ് ജം​ഗി​ൾ സ​ഫാ​രി​ക്കി​ടെ ക​ടു​വ​യെ കാ​ണു​ന്ന​തെ​ന്നും ക​ണ്ട​ക്ട​ർ ഒ.​കെ. ശ​ശീ​ന്ദ്ര​ൻ പ​റ​ഞ്ഞു. ക​ടു​വ റോ​ഡ് കു​റു​കെ ക​ട​ക്കു​ന്നു​ണ്ടെ​ന്ന് മ​ന​സ്സി​ലാ​ക്കി​യ ഉ​ട​ൻ ഡ്രൈ​വ​ർ പ്ര​ശോ​ജ് ബ​സി​ന്‍റെ വേ​ഗ​ത കു​റ​ച്ചു.

റോ​ഡ് കു​റു​കെ ക​ട​ന്ന​ശേ​ഷം ബ​സി​ന് സ​മീ​പ​ത്താ​യി റോ​ഡി​നോ​ട് ചേ​ർ​ന്നു​ള്ള സ്ഥ​ല​ത്താ​ണ് ക​ടു​വ കി​ട​ന്നി​രു​ന്ന​ത്. ക​ടു​വ​യെ ക​ണ്ട​യു​ട​നെ ബ​സി​ന്‍റെ ഗ്ലാ​സ് അ​ട​ക്കാ​ൻ യാ​ത്ര​ക്കാ​രോ​ട് പ​റ​യു​ക​യും ബ​സ് പ​തി​യെ മു​ന്നോ​ട്ടെ​ടു​ക്കു​ക​യും ചെ​യ്തു.

വാ​ഹ​ന​ങ്ങ​ളൊ​ന്നും റോ​ഡി​ൽ നി​ർ​ത്ത​രു​തെ​ന്ന നി​ർ​ദേ​ശ​വും ന​ൽ​കി​യാ​ണ് ജം​ഗി​ൾ സ​ഫാ​രി യാ​ത്ര അ​തി​ർ​ത്തി​യി​ലെ ചെ​ക്പോ​സ്റ്റ് വ​രെ തു​ട​ർ​ന്ന​ത്. തി​രി​ച്ചു​വ​രു​മ്പോ​ൾ ക​ടു​വ നി​ല​യു​റ​പ്പി​ച്ച സ്ഥ​ല​ത്ത് കൂ​ട്ട​മാ​യി വാ​ഹ​നം നി​ർ​ത്തി​യി​ട്ടു​ണ്ടാ​യി​രു​ന്നു​വെ​ന്നും ക​ടു​വ അ​വി​ടെ ത​ന്നെ കി​ട​ക്കു​ന്ന​തി​നാ​ൽ മു​ത്ത​ങ്ങ​യി​ലെ​ത്തി വ​ന​പാ​ല​ക​രെ വി​വ​രം അ​റി​യി​ച്ചെ​ന്നും ഒ.​കെ. ശ​ശീ​ന്ദ്ര​ൻ പ​റ​ഞ്ഞു.