ബത്തേരി താലൂക്ക് ആശുപത്രിയോട്​ അവഗണന; ഗതികേടിലാകുന്നത് പാവപ്പെട്ട രോഗികൾ

സു​ൽ​ത്താ​ൻ ബ​ത്തേ​രി: താ​ലൂ​ക്ക് ആ​ശു​പ​ത്രി​യെ​ന്ന് പേ​രു​ണ്ടെ​ങ്കി​ലും അ​തി​ന​നു​സ​രി​ച്ചു​ള്ള ശ്ര​ദ്ധ സ​ർ​ക്കാ​റി​ന്റെ ഭാ​ഗ​ത്തു​നി​ന്നു​ണ്ടാ​കാ​ത്ത​തി​നാ​ൽ ദി​വ​സ​വും വ​ല​യു​ന്ന​ത് നൂ​റു​ക​ണ​ക്കി​ന് രോ​ഗി​ക​ൾ. സ്വ​കാ​ര്യ ആ​ശു​പ​ത്രി​ക​ളെ സ​ഹാ​യി​ക്കാ​നു​ള്ള ശ്ര​മ​ത്തി​ന്റെ ഭാ​ഗ​മാ​യാ​ണ് സു​ൽ​ത്താ​ൻ ബ​ത്തേ​രി താ​ലൂ​ക്ക് ആ​ശു​പ​ത്രി​യെ അ​വ​ഗ​ണി​ക്കു​ന്ന​തെ​ന്ന ആ​ക്ഷേ​പം ശ​ക്ത​മാ​ണ്. പോ​സ്റ്റ്മോ​ർ​ട്ട​ത്തി​നാ​യി മൃ​ത​ദേ​ഹ​വു​മാ​യി എ​ത്തി​യ​വ​ർ​ക്ക് ഫോ​റ​ൻ​സി​ക് സ​ർ​ജ​ന്റെ അ​ഭാ​വ​ത്തി​ൽ ദി​വ​സ​ങ്ങ​ൾ കാ​ത്തി​രി​ക്കേ​ണ്ടി​വ​ന്ന​താ​ണ് ഒ​ടു​വി​ൽ വി​വാ​ദ​മാ​യി​രി​ക്കു​ന്ന​ത്.

അ​ഞ്ചു വ​ർ​ഷ​ത്തി​നി​ടെ കെ​ട്ടി​ട​ങ്ങ​ളു​ടെ കാ​ര്യ​ത്തി​ൽ ആ​ശു​പ​ത്രി വ​ലി​യ പു​രോ​ഗ​തി നേ​ടി​യി​ട്ടു​ണ്ട്. ആ​റു നി​ല​ക​ളി​ലു​ള്ള പു​തി​യ കെ​ട്ടി​ട​ത്തി​ലാ​ണ് ഒ.​പി, അ​ത്യാ​ഹി​തം, ഐ.​പി എ​ന്നി​ങ്ങ​നെ ഒ​ട്ടു​മി​ക്ക യൂ​നി​റ്റു​ക​ളും പ്ര​വ​ർ​ത്തി​ക്കു​ന്ന​ത്. ആ​വ​ശ്യ​ത്തി​ന് ജീ​വ​ന​ക്കാ​രി​ല്ലാ​ത്ത​താ​ണ് ആ​ശു​പ​ത്രി നേ​രി​ടു​ന്ന വ​ലി​യ പ്ര​ശ്നം. 200ഓ​ളം കി​ട​ക്ക​ക​ളാ​ണ് ആ​കെ​യു​ള്ള​ത്. എ​ന്നാ​ൽ, നി​ല​വി​ൽ 56 കി​ട​ക്ക​ക​ൾ​ക്കു​ള്ള ജീ​വ​ന​ക്കാ​രേ​യു​ള്ളൂ. മാ​സം നൂ​റോ​ളം പ്ര​സ​വം ന​ട​ക്കു​ന്ന ആ​ശു​പ​ത്രി​യി​ൽ ര​ണ്ടു ഗൈ​ന​ക്കോ​ള​ജി​സ്റ്റു​ക​ളാ​ണു​ള്ള​ത്.

ക​ൽ​പ​റ്റ ജ​ന​റ​ൽ ആ​ശു​പ​ത്രി​യു​മാ​യി താ​ര​ത​മ്യം ചെ​യ്യു​മ്പോ​ൾ ഒ.​പി​യി​ലെ​ത്തു​ന്ന രോ​ഗി​ക​ളു​ടെ എ​ണ്ണം ഇ​ര​ട്ടി​യാ​ണ്. എ​ന്നാ​ൽ, ജീ​വ​ന​ക്കാ​രു​ടെ എ​ണ്ണം ക​ൽ​പ​റ്റ​യി​ലു​ള്ള അ​ത്ര​യും സു​ൽ​ത്താ​ൻ ബ​ത്തേ​രി​യി​ൽ ഇ​ല്ല. ഒ​രേ സ​മ​യം 10 പേ​രെ ഡ​യാ​ലി​സി​സ് ചെ​യ്യാ​ൻ ക​ഴി​യു​ന്ന യൂ​നി​റ്റ്, എ​ക്സ്റേ, ബ്ല​ഡ് ബാ​ങ്ക്, പ​ബ്ലി​ക് ഹെ​ൽ​ത്ത് ലാ​ബ്, വൈ​റോ​ള​ജി ലാ​ബ്, ജി​ല്ല കോ​വി​ഡ് പ​രി​ശോ​ധ​ന​കേ​ന്ദ്രം, പീ​ഡി​യാ​ട്രി​ക്, ന​വ​ജാ​ത​ശി​ശു, സ​ർ​ജി​ക്ക​ൽ ഐ.​സി.​യു​ക​ൾ, ഗൈ​ന​ക്കോ​ള​ജി, ഇ.​എ​ൻ.​ടി, ജ​ന​റ​ൽ, ഓ​ർ​ത്തോ വി​ഭാ​ഗം, ഓ​പ​റേ​ഷ​ൻ തി​യ​റ്റ​റു​ക​ൾ, പെ​യ്ൻ ആ​ൻ​ഡ് പാ​ലി​യേ​റ്റി​വ് സ്‌​പെ​ഷ​ൽ വാ​ർ​ഡ്, ഐ​സൊ​ലേ​ഷ​ൻ വാ​ർ​ഡ്,​ ഫാ​ർ​മ​സി എ​ന്നി​ങ്ങ​നെ ആ​ശു​പ​ത്രി​യി​ലെ സൗ​ക​ര്യ​ങ്ങ​ൾ ഏ​റെ​യാ​ണ്.

പോ​സ്റ്റ്മോ​ർ​ട്ടം യൂ​നി​റ്റ് ആ​രം​ഭി​ച്ചെ​ങ്കി​ലും ഒ​രു ഫോ​റ​ൻ​സി​ക് സ​ർ​ജ​നെ ഇ​തു​വ​രെ നി​യ​മി​ച്ചി​ട്ടി​ല്ല. വ​ർ​ക്ക് അ​റേ​ജ്മെ​ന്റി​ലാ​ണ് ഇ​വി​ടെ പോ​സ്റ്റ്മോ​ർ​ട്ടം ന​ട​ത്തു​ന്ന​ത്. ക​ഴി​ഞ്ഞ ദി​വ​സം നാ​ലു മൃ​ത​ദേ​ഹ​ങ്ങ​ൾ പോ​സ്റ്റ്മോ​ർ​ട്ടം ന​ട​ത്താ​നാ​വാ​തെ സൂ​ക്ഷി​ക്കേ​ണ്ടി വ​ന്നു. സ​ർ​ജ​ൻ അ​വ​ധി​യി​ൽ പോ​യ​താ​ണ് കു​ഴ​പ്പ​മാ​യ​ത്. ക​ൽ​പ​റ്റ​യി​ൽ​നി​ന്ന് വ​ർ​ക്ക് അ​റേ​ജ്മെ​ന്റി​ലാ​യി​രു​ന്നു ഫോ​റ​ൻ​സി​ക് സ​ർ​ജ​ൻ എ​ത്തി​യി​രു​ന്ന​ത്. അ​ദ്ദേ​ഹ​ത്തി​ന് ക​ഴി​ഞ്ഞ ദി​വ​സം കോ​ട്ട​യ​ത്തേ​ക്ക് സ്ഥ​ലം​മാ​റ്റം കി​ട്ടി​യി​രി​ക്കു​ക​യാ​ണ്. ഇ​തോ​ടെ പോ​സ്റ്റ്മോ​ർ​ട്ടം യൂ​നി​റ്റ് കൂ​ടു​ത​ൽ അ​വ​താ​ള​ത്തി​ലാ​കും. ത​ള്ളി​ക്ക​യ​റ്റ​ത്തി​ന​നു​സ​രി​ച്ച് ജീ​വ​ന​ക്കാ​ർ ഇ​ല്ലാ​ത്ത​തി​നാ​ൽ മൊ​ത്ത​ത്തി​ൽ ആ​ശു​പ​ത്രി പ്ര​വ​ർ​ത്ത​നം താ​ളം​തെ​റ്റു​ക​യാ​ണ്.

ഡോ​ക്ട​ർ​മാ​ർ ഉ​ൾ​പ്പെ​ടെ ആ​വ​ശ്യ​മാ​യ ജീ​വ​ന​ക്കാ​രെ നി​യ​മി​ക്കാ​ൻ സ​ർ​ക്കാ​ർ ത​യാ​റാ​വ​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്. ജീ​വ​ന​ക്കാ​രു​ടെ അ​ഭാ​വം സ​ർ​ക്കാ​റി​നെ അ​റി​യി​ച്ച​താ​യി സു​ൽ​ത്താ​ൽ ബ​ത്തേ​രി ബ്ലോ​ക്ക് പ​ഞ്ചാ​യ​ത്ത് അ​ധി​കാ​രി​ക​ൾ മാ​സ​ങ്ങ​ൾ​ക്കു​മു​മ്പ് അ​റി​യി​ച്ചി​രു​ന്ന​താ​ണ്. ഒ​ന്നു​മു​ണ്ടാ​യി​ല്ല.

താ​ലൂ​ക്ക് ആ​ശു​പ​ത്രി​യി​ൽ ജീ​വ​ന​ക്കാ​രെ നി​യ​മി​ക്ക​ണം -വെ​ൽ​ഫെ​യ​ർ പാ​ർ​ട്ടി

സു​ൽ​ത്താ​ൻ ബ​ത്തേ​രി: ഫോ​റ​ൻ​സി​ക് സ​ർ​ജ​ൻ ഉ​ൾ​പ്പെ​ടെ എ​ല്ലാ പോ​സ്റ്റു​ക​ളി​ലേ​ക്കും ആ​വ​ശ്യ​മാ​യ നി​യ​മ​നം ന​ട​ത്തി സു​ൽ​ത്താ​ൻ ബ​ത്തേ​രി താ​ലൂ​ക്ക് ആ​ശു​പ​ത്രി പ്ര​വ​ർ​ത്ത​നം ക്ര​മീ​ക​രി​ച്ചി​ല്ലെ​ങ്കി​ൽ ജ​ന​കീ​യ പ്ര​ക്ഷോ​ഭ​ത്തി​ന് വെ​ൽ​ഫെ​യ​ർ പാ​ർ​ട്ടി നേ​തൃ​ത്വം ന​ൽ​കു​മെ​ന്ന് ഭാ​ര​വാ​ഹി​ക​ൾ അ​റി​യി​ച്ചു. 56 കി​ട​ക്ക​ക​ൾ മാ​ത്രം അം​ഗീ​ക​രി​ക്ക​പ്പെ​ട്ട ആ​ശു​പ​ത്രി​യി​ൽ ഇ​രു​നൂ​റി​ല​ധി​കം രോ​ഗി​ക​ളെ​യാ​ണ് അ​ഡ്മി​റ്റ് ചെ​യ്യേ​ണ്ടി വ​രു​ന്ന​ത്.

പ​​ക്ഷേ, ഇ​വ​രെ പ​രി​ച​രി​ക്കാ​ൻ വേ​ണ്ട ജീ​വ​ന​ക്കാ​രു​മി​ല്ല. ആ​രോ​ഗ്യ മേ​ഖ​ല​യു​ടെ പു​രോ​ഗ​തി പ​റ​യു​ന്ന കേ​ര​ള സ​ർ​ക്കാ​ർ സു​ൽ​ത്താ​ൻ ബ​ത്തേ​രി താ​ലൂ​ക്ക് ആ​ശു​പ​ത്രി​യു​ടെ കാ​ര്യ​ത്തി​ൽ ചി​റ്റ​മ്മ​ന​യ​മാ​ണ് സ്വീ​ക​രി​ക്കു​ന്ന​ത്. ബ്ലോ​ക്ക് പ​ഞ്ചാ​യ​ത്തും സ്ഥ​ലം എം.​എ​ൽ.​എ​യും ഇ​ക്കാ​ര്യ​ത്തി​ൽ അ​ടി​യ​ന്ത​ര​മാ​യി ഇ​ട​പെ​ട​ണം.

സ​ർ​ക്കാ​റി​നെ​ക്കൊ​ണ്ട് യു​ദ്ധ​കാ​ലാ​ടി​സ്ഥാ​ന​ത്തി​ൽ നി​യ​മ​ന​ങ്ങ​ൾ ന​ട​ത്തി​ക്ക​ണം. വെ​ൽ​ഫെ​യ​ർ പാ​ർ​ട്ടി സു​ൽ​ത്താ​ൻ ബ​ത്തേ​രി മ​ണ്ഡ​ലം പ്ര​സി​ഡ​ന്റ് കെ.​എം. സാ​ദി​ഖ​ലി അ​ധ്യ​ക്ഷ​ത വ​ഹി​ച്ചു. സെ​ക്ര​ട്ട​റി കെ.​ഇ. സ​ക്കീ​ർ ഹു​സൈ​ൻ, വൈ​സ് പ്ര​സി​ഡ​ന്‍റ്​ മ​ണി നാ​രാ​യ​ണ​ൻ, ഇ​ബ്രാ​ഹിം അ​മ്പ​ല​വ​യ​ൽ, റ​ഫീ​ഖ് ചീ​നി​ക്ക​ൽ, ഷ​ബീ​ർ ജാ​ൻ, ബാ​സി​ൽ ക​ട്ട​യാ​ട് എ​ന്നി​വ​ർ സം​സാ​രി​ച്ചു.