കാർഷിക പുരോഗമന സമിതി മത്സരിക്കും

സുൽത്താൻ ബത്തേരി: കാർഷിക പുരോഗമന സമിതി പഞ്ചായത്ത്​ തെരഞ്ഞെടുപ്പിൽ രംഗത്ത്​. വയനാട് ജില്ല പഞ്ചായത്ത് ഡിവിഷനുകളായ ചീരാൽ, പുൽപള്ളി, ബത്തേരി ബ്ലോക്കിൽ നമ്പികൊല്ലി ഡിവിഷൻ, കൽപറ്റ ബ്ലോക്കിൽ ചാരിറ്റി ഡിവിഷൻ എന്നിവിടങ്ങളിൽ സ്​ഥാനാർഥിക​െള രംഗത്തിറക്കാൻ സമിതി നേതൃയോഗം തീരുമാനിച്ചു.

ഗ്രാമപഞ്ചായത്തുകളിലെ ചില വാർഡുകളിലും മത്സരിക്കും. മറ്റ് ഇടങ്ങളിൽ കർഷക താൽപര്യം സംരക്ഷിക്കുന്ന സ്ഥാനാർഥികളെ പിന്തുണക്കും. സംസ്​ഥാന ചെയർമാൻ പി.എം. ജോയ് ചെയർമാനായി അഞ്ചംഗ പാർലമെൻററി ബോർഡ് രൂപവത്​കരിച്ചു.

ഡോ. പി. ലക്ഷ്മണൻ, ഗഫൂർ വെണ്ണിയോട്, കെ.പി. യൂസഫ് ഹാജി, ടി.പി. ശശി എന്നിവരാണ് അംഗങ്ങൾ. ജില്ല നേതൃയോഗം ബത്തേരിയിൽ പി.എം. ജോയി ഉദ്​ഘാടനംചെയ്​തു.