ഇങ്ങനെ മതിയോ സാർ, സാമൂഹിക അകലം; ബീ​വ​റേ​ജ് ഒൗട്ട്​ലെറ്റി​ന്​ മുന്നിൽ വ​രി ഒ​രു കി​ലോ​മീ​റ്റ​ർ നീ​ള​ത്തി​ൽ

സു​ൽ​ത്താ​ൻ ബ​ത്തേ​രി: മ​ന്ദം​കൊ​ല്ലി​യി​ലെ ബീ​വ​റേ​ജ് ഒൗട്ട്​ലെറ്റി​ലേ​ക്ക് മ​ദ്യ​പ​ർ ഒ​ഴു​കു​ന്നു. ഒ​രു കി​ലോ​മീ​റ്റ​റോ​ളം ദൂ​ര​ത്തി​ലാ​ണ് വെ​ള്ളി​യാ​ഴ്ച വ​രി നീ​ണ്ട​ത്. സാ​മൂ​ഹി​ക അ​ക​ലം പാ​ലി​ക്കാ​തെ മാ​സ്ക് പോ​ലും ധ​രി​ക്കാ​തെ​യാ​ണ് പ​ല​രും വ​രി നി​ന്ന​ത്.

ബീ​നാ​ച്ചി ക​വ​ല​യി​ൽ​നി​ന്ന്​ ഒ​ന്ന​ര കി​ലോ​മീ​റ്റ​ർ മാ​റി​യാ​ണ് മ​ന്ദം​കൊ​ല്ലി​യി​ലെ ബീ​വ​റേ​ജ് മ​ദ്യ​ശാ​ല. താ​ലൂ​ക്കി​െൻറ വി​വി​ധ ഭാ​ഗ​ങ്ങ​ളി​ൽ നി​ന്നു കാ​ൽ​ന​ട​യാ​യും ഓ​ട്ടോ​യി​ലും ബ​സി​ലു​മാ​ണ് ആ​ളു​ക​ൾ മ​ദ്യ​ശാ​ല​യി​ൽ എ​ത്തു​ന്ന​ത്. നൂ​റു ക​ണ​ക്കി​ന് ആ​ളു​ക​ൾ ഒ​ത്തു​കൂ​ടു​ന്ന​തി​നാ​ൽ വ​ൻ തി​ര​ക്കാ​ണ് പ്ര​ദേ​ശ​ത്തു​ണ്ടാ​കു​ന്ന​ത്.

തി​ര​ക്ക് നി​യ​ന്ത്രി​ക്കാ​ൻ ഒ​ന്നോ ര​ണ്ടോ പൊ​ലീ​സു​കാ​രു​ണ്ടാ​യി​ട്ട് ഒ​രു പ്ര​യോ​ജ​ന​വു​മി​ല്ലാ​ത്ത അ​വ​സ്ഥ. മ​ദ്യം സേ​വി​ക്കാ​നാ​യി അ​നു​ബ​ന്ധ ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന ക​ട​ക​ളും പ്ര​ദേ​ശ​ത്ത് ധാ​രാ​ള​മു​ണ്ട്. എ​ല്ല​യി​ട​ത്തും വ​ലി​യ തി​ര​ക്കാ​ണ്. ഈ ​രീ​തി​യി​ൽ പോ​കു​ക​യാ​ണെ​ങ്കി​ൽ സു​ൽ​ത്താ​ൻ ബ​ത്തേ​രി മേ​ഖ​ല​യി​ലെ പോ​സി​റ്റി​വി​റ്റി നി​ര​ക്ക് അ​ധി​കം താ​മ​സി​യാ​തെ കൂ​ടു​മെ​ന്ന ആ​ക്ഷേ​പം ശ​ക്ത​മാ​ണ്.

ജി​ല്ല​യി​ലെ ഒ​ട്ടു​മി​ക്ക സ്ഥ​ല​ത്തും ബീ​വ​റേ​ജ് ഷോ​പ്പു​ക​ൾ​ക്കു മു​ന്നി​ൽ വ​ൻ തി​ര​ക്കാ​ണ്. പ്ര​ത്യേ​കി​ച്ച് വെ​ള്ളി​യാ​ഴ്ച​ക​ളി​ൽ. ശ​നി, ഞാ​യ​ർ ദി​വ​സ​ങ്ങ​ളി​ലെ ലോ​ക്ഡൗ​ണാ​ണ് മ​ദ്യ​പ​ർ കൂ​ട്ട​ത്തോ​ടെ എ​ത്താ​ൻ കാ​ര​ണം.

പ​ന​മ​രം ബി​വ​റേ​ജി​ലും തി​ര​ക്ക്

പ​ന​മ​രം: ബി​വ​റേ​ജ​സ് ഔ​ട്ട്​​ലെ​റ്റി​ൽ മ​ദ്യം വാ​ങ്ങാ​നെ​ത്തി​യ​വ​രു​ടെ വ​ൻ​തി​ര​ക്ക്. ഔ​ട്ട്​​ലെ​റ്റ് പ്ര​വ​ർ​ത്തി​ക്കു​ന്ന​ത് ജ​ന​വാ​സ കേ​ന്ദ്ര​മാ​യ കോ​ട്ടൂ​ർ പ്ര​ദേ​ശ​ത്താ​ണ്. മാ​സ്ക് ധ​രി​ക്കാ​തെ​യും സാ​മൂ​ഹി​ക അ​ക​ലം പാ​ലി​ക്കാ​തെ​യു​മാ​ണ് മ​ദ്യം വാ​ങ്ങാ​നെ​ത്തു​ന്ന​ത്. രാ​വി​ലെ മു​ത​ൽ പ​ന​മ​രം നീ​ര​ട്ടാ​ടി റോ​ഡി​ൽ നീ​ണ്ട വ​രി​യാ​ണ്. പ​രി​സ​ര വീ​ടു​ക​ളി​ലെ കു​ട്ടി​ക​ൾ​ക്കും സ്ത്രീ​ക​ൾ​ക്കും വ​ഴി ന​ട​ക്കാ​ൻ ക​ഴി​യു​ന്നി​ല്ലെ​ന്നു നാ​ട്ടു​കാ​ർ പ​റ​യു​ന്നു. വാ​ഹ​ന പാ​ർ​ക്കി​ങ്ങി​നും പ്ര​യാ​സ​ങ്ങ​ൾ സൃ​ഷ്​​ടി​ക്കു​ന്നു.