കാരക്കണ്ടി, കാവടം, കല്ലൂർ...കുറ്റവാളികൾ കാണാമറയത്ത്

സു​ൽ​ത്താ​ൻ ബ​ത്തേ​രി: ജി​ല്ല​യി​ൽ കു​റ്റ​കൃ​ത്യ​ങ്ങ​ളി​ലെ​ല്ലാം പൊ​ലീ​സ് അ​ന്വേ​ഷ​ണം മു​റ​പോ​ലെ ന​ട​ക്കു​മ്പോ​ഴും കു​റ്റ​വാ​ളി​ക​ൾ കാ​ണാ​മ​റ​യ​ത്താ​ണ്. അ​ടു​ത്തി​ടെ ജി​ല്ല​യി​ൽ ന​ട​ന്ന വ​ലി​യ ര​ണ്ട് കു​റ്റ​കൃ​ത്യ​ങ്ങ​ൾ കാ​ര​ക്ക​ണ്ടി സ്​​ഫോ​ട​ന​വും പ​ന​മ​രം കാ​വ​ടം ഇ​ര​ട്ട കൊ​ല​പാ​ത​ക​വു​മാ​ണ്. ഈ ​ര​ണ്ടി​ലും പ്ര​തി​ക​ളെ​ക്കു​റി​ച്ചു​ള്ള സൂ​ച​ന പോ​ലും പൊ​ലീ​സിന്​ ല​ഭി​ച്ചിട്ടില്ല.

ക​ഴി​ഞ്ഞ ഏ​പ്രി​ൽ 22നാ​ണ് സു​ൽ​ത്താ​ൻ ബ​ത്തേ​രി കോ​ട്ട​ക്കു​ന്നി​ന​ടു​ത്ത് കാ​ര​ക്ക​ണ്ടി​യി​ൽ ആ​ൾ താ​മ​സ​മി​ല്ലാ​ത്ത വീ​ടി​നോ​ട് ചേ​ർ​ന്ന ഷെ​ഡി​ൽ സ്​​ഫോ​ട​നം ന​ട​ന്ന​ത്. സം​ഭ​വ​ത്തി​ൽ മൂ​ന്ന് കു​ട്ടി​ക​ളാ​ണ് മ​രി​ച്ച​ത്. സ്​​ഫോ​ട​ന​ത്തി​ന് കാ​ര​ണ​മാ​യ വ​സ്​​തു​ക്ക​ൾ ഷെ​ഡി​ൽ കൊ​ണ്ടു​വെ​ച്ച​ത് ആ​രാ​ണെ​ന്ന​ത് സം​ബ​ന്ധി​ച്ച അ​ന്വേ​ഷ​ണ​മാ​ണ് എ​ങ്ങു​മെ​ത്താ​ത്ത അ​വ​സ്​​ഥ​യി​ൽ. ക​രി​ങ്ക​ൽ ക്വാ​റി​ക​ൾ, പ​ട​ക്കം മേ​ഖ​ല​ക​ളു​മാ​യി ബ​ന്ധ​പ്പെ​ട്ട് പൊ​ലീ​സ്​ അ​ന്വേ​ഷ​ണം ന​ട​ത്തി​യി​രു​ന്നു. വ്യ​ക്ത​മാ​യ ചി​ത്രം ഇ​തു​വ​രെ പു​റ​ത്തു വ​ന്നി​ട്ടി​ല്ല. കൂ​ട്ടു​കൂ​ടി ന​ട​ക്കു​ന്ന​തി​നി​ട​യി​ൽ കൗ​മാ​ര​ക്കാ​ർ റോ​ഡി​നോ​ട് ചേ​ർ​ന്ന ഷെ​ഡി​ൽ വെ​റു​തെ ക​യ​റു​ക​യാ​യി​രു​ന്നു.

ഷെ​ഡി​ലു​ണ്ടാ​യി​രു​ന്ന വെ​ള്ള​പ്പൊ​ടി പോ​ലു​ള്ള വ​സ്​​തു എ​ന്തെ​ന്ന​റി​യാ​ൻ തീ​പ്പെ​ട്ടി ഉ​ര​ച്ച​പ്പോ​ൾ പൊ​ട്ടി​ത്തെ​റി​ക്കു​ക​യാ​യി​രു​ന്നു​വെ​ന്ന് മ​രി​ക്കു​ന്ന​തി​ന് മു​മ്പ് ഒ​രു കു​ട്ടി മൊ​ഴി ന​ൽ​കി​യി​രു​ന്നു. ബോം​ബ് സ്​​ഫോ​ട​ന​ത്തി​ന് സ​മാ​ന വ​സ്​​തു​ക്ക​ൾ ആ​ൾ​പാ​ർ​പ്പ് മേ​ഖ​ല​യി​ൽ എ​ത്തി​ച്ച​വ​ർ ആ​രാ​ണെ​ന്ന​താ​ണ് ഇ​പ്പോ​ഴും ക​ണ്ടെ​ത്താ​നാ​വാ​ത്ത​ത്.

പാ​വ​പ്പെ​ട്ട മൂ​ന്ന് കു​ടും​ബ​ങ്ങ​ളു​ടെ പ്ര​തീ​ക്ഷ​യാ​ണ് സ്ഫോ​ട​ന​ത്തി​ലൂ​ടെ ത​ക​ർ​ന്ന​ത്. പ​ന​മ​ര​ത്തി​ന​ടു​ത്ത് കാ​വ​ട​ത്താ​ണ് നാ​ടി​നെ ന​ടു​ക്കി​യ ഇ​ര​ട്ട​ക്കൊ​ല​പാ​ത​കം ന​ട​ന്ന​ത്. റി​ട്ട. അ​ധ്യാ​പ​ക​നാ​യ കേ​ശ​വ​ൻ മാ​സ്​​റ്റ​റും ഭാ​ര്യ പ​ത്മാ​വ​തി​യു​മാ​ണ് കൊ​ല്ല​പ്പെ​ട്ട​ത്. ക​ഴി​ഞ്ഞ 10ന് ​രാ​ത്രി​യാ​യി​രു​ന്നു സം​ഭ​വം. ഒ​റ്റ​പ്പെ​ട്ടു കി​ട​ക്കു​ന്ന വീ​ട്ടി​ൽ വ​ള​രെ ആ​സൂ​ത്രി​ത​മാ​യി​ട്ടാ​യി​രു​ന്നു കൊ​ല​പ​ത​കം. അ​ക്ര​മി​ക​ൾ ര​ണ്ട് പേ​ർ ഉ​ണ്ടാ​യി​രു​ന്നു​വെ​ന്ന് പ​ത്മാ​വ​തി മ​രി​ക്കു​ന്ന​തി​ന് മു​മ്പ് പ​റ​ഞ്ഞി​രു​ന്നു. കൊ​ല​പാ​ത​കി​ക​ളു​ടെ ല​ക്ഷ്യം മോ​ഷ​ണ​മാ​യി​രു​ന്നു​വെ​ന്നാ​യി​രു​ന്നു പൊ​ലീ​സി​െൻറ പ്രാ​ഥ​മി​ക നി​ഗ​മ​നം. പ​ത്മാ​വ​തി​യു​ടെ ദേ​ഹ​ത്തെ ആ​ഭ​ര​ണ​ങ്ങ​ളൊ​ന്നും ന​ഷ്​​ട​പ്പെ​ട്ടി​രു​ന്നി​ല്ല.

അ​തി​നാ​ൽ ല​ക്ഷ്യം മോ​ഷ​ണ​മാ​ണോ എ​ന്ന കാ​ര്യ​ത്തി​ലും വ്യ​ക്ത​ത ഉ​ണ്ടാ​യി​ട്ടി​ല്ല. ഇ​പ്പോ​ഴും ദു​രൂ​ഹ​ത നി​ല​നി​ൽ​ക്കു​ന്നു. പ്ര​ത്യേ​കം സം​ഘം രൂ​പ​വ​ത്ക​രി​ച്ചാ​ണ് പൊ​ലീ​സ്​ അ​ന്വേ​ഷ​ണം ന​ട​ത്തു​ന്ന​ത്. നാ​ട്ടു​കാ​ർ വ​ലി​യ ആ​ശ​ങ്ക​യി​ലാ​ണ്. മു​ത്ത​ങ്ങ​ക്ക​ടു​ത്ത് ക​ല്ലൂ​രി​ൽ യു​വാ​വ് കൃ​ഷി​യി​ട​ത്തി​ലെ വൈ​ദ്യു​തി വേ​ലി​യി​ൽ ത​ട്ടി ഷോ​ക്കേ​റ്റ് മ​രി​ച്ചി​രു​ന്നു. ക​ഴി​ഞ്ഞ ഏ​ഴി​നാ​യി​രു​ന്നു സം​ഭ​വം. അ​ന്വേ​ഷ​ണം ഇ​പ്പോ​ഴും പു​രോ​ഗ​മി​ക്കു​ക​യാ​ണ്.