കാരക്കണ്ടി സ്​ഫോടനം: ദുരൂഹത നീക്കാനാകാതെ പൊലീസ്​

സു​ൽ​ത്താ​ൻ ബ​ത്തേ​രി: കാ​ര​ക്ക​ണ്ടി​യി​ൽ ക​ഴി​ഞ്ഞ 22ന് ​ന​ട​ന്ന സ്​​ഫോ​ട​ന​വു​മാ​യി ബ​ന്ധ​പ്പെ​ട്ട ദു​രൂ​ഹ​ത പു​റ​ത്തു കൊ​ണ്ടു​വ​ര​ണ​മെ​ന്ന ആ​വ​ശ്യം ശ​ക്ത​മാ​യി. അ​പ​ക​ട​ത്തി​ന് കാ​ര​ണം വെ​ടി​മ​രു​ന്നാ​ണെ​ന്ന പ്രാ​ഥ​മി​ക നി​ഗ​മ​ന​ത്തി​ൽ​നി​ന്ന് അ​ന്വേ​ഷ​ണം കാ​ര്യ​മാ​യി പു​രോ​ഗ​മി​ച്ചി​ട്ടി​ല്ല. മ​നു​ഷ്യ ജീ​വ​ന് ഹാ​നി​ക​ര​മാ​കു​ന്ന രീ​തി​യി​ൽ സ്​​ഫോ​ട​ക വ​സ്​​തു വീ​ടി​ന​ടു​ത്തെ ഷെ​ഡി​ൽ എ​ങ്ങ​നെ എ​ത്തി​യെ​ന്ന ചോ​ദ്യ​ത്തി​നും വ്യ​ക്ത​മാ​യ ഉ​ത്ത​ര​മി​ല്ല.

മൂ​ന്ന് കു​ട്ടി​ക​ളു​ടെ ജീ​വ​ൻ പൊ​ലി​ഞ്ഞി​ട്ടും അ​ന്വേ​ഷ​ണം കാ​ര്യ​ക്ഷ​മ​മ​ല്ലെ​ന്ന് നാ​ട്ടു​കാ​ർ ആ​ക്ഷേ​പം ഉ​ന്ന​യി​ക്കു​ന്നു. സ്​​ഫോ​ട​ക വ​സ്​​തു​ക്ക​ളു​മാ​യി ബ​ന്ധ​പ്പെ​ട്ട​വ​രെ ഉ​ട​ൻ ക​ണ്ടെ​ത്ത​ണ​മെ​ന്നാ​ണ് നാ​ട്ടു​കാ​ർ ഒ​ന്ന​ട​ങ്കം ആ​വ​ശ്യ​പ്പെ​ടു​ന്ന​ത്.

ലോ​ക്ഡൗ​ൺ നി​യ​ന്ത്ര​ണം നി​ല​നി​ൽ​ക്കു​ന്ന​തു കൊ​ണ്ടു മാ​ത്ര​മാ​ണ് പ്ര​ത്യ​ക്ഷ പ്ര​തി​ഷേ​ധ സ​മ​ര​ങ്ങ​ൾ ഉ​യ​ർ​ന്നു​വ​രാ​ത്ത​ത്. വീ​ടും പ​രി​സ​ര​വും മൂ​ന്ന് വ​ർ​ഷ​മാ​യി ആ​രും ശ്ര​ദ്ധി​ക്കാ​ത്ത നി​ല​യി​ലാ​യി​രു​ന്നു. സ്​​ഫോ​ട​ക വ​സ്​​തു സൂ​ക്ഷി​ക്കാ​ൻ ഈ ​അ​വ​സ​രം ആ​രോ ഉ​പ​യോ​ഗ​പ്പെ​ടു​ത്തി​യെ​ന്നും സം​ശ​യി​ക്കു​ന്നു.

മൂ​ന്ന് കു​ട്ടി​ക​ളു​ടെ വേ​ർ​പാ​ട് വ​ലി​യ ദുഃ​ഖ​മു​ണ്ടാ​ക്കു​ന്ന​താ​ണ​ന്നും സം​ഭ​വ​ത്തി​ലെ കു​റ്റ​വാ​ളി​ക​ളെ ക​ണ്ടെ​ത്താ​ൻ അ​ന്വേ​ഷ​ണം ശ​ക്ത​മാ​ക്ക​ണ​മെ​ന്നും കോ​ൺ​ഗ്ര​സ്​ നേ​താ​വ് ബാ​ബു പ​ഴു​പ്പ​ത്തൂ​ർ ആ​വ​ശ്യ​പ്പെ​ട്ടു. സ്​​ഫോ​ട​നം ന​ട​ന്ന് ര​ണ്ടാ​ഴ്ച പി​ന്നി​ട്ടി​ട്ടും ആ​രേ​യും പി​ടി​കൂ​ടാ​ൻ ക​ഴി​യാ​ത്ത​ത് പ്ര​തി​ഷേ​ധാ​ർ​ഹ​മാ​ണെ​ന്ന് മു​സ്​​ലിം ലീ​ഗ് നേ​താ​വ് പി.​പി. അ​യ്യൂ​ബ് പ​റ​ഞ്ഞു. സ്​​ഫോ​ട​നം ന​ട​ന്ന ഷെ​ഡ്​ സീ​ൽ ചെ​യ്യാ​ൻ ന​ഗ​ര​സ​ഭ ഇ​തു​വ​രെ ത​യാ​റാ​യി​ട്ടി​ല്ല. മ​രി​ച്ച കു​ട്ടി​ക​ളു​ടെ കു​ടും​ബ​ങ്ങ​ൾ​ക്ക് 25 ല​ക്ഷം വീ​തം ന​ഷ്​​ട​പ​രി​ഹാ​രം കൊ​ടു​ക്കാ​ൻ സ​ർ​ക്കാ​ർ ത​യാ​റാ​ക​ണം. കോ​വി​ഡ് നി​യ​ന്ത്ര​ണ​മി​ല്ലാ​യി​രു​ന്നെ​ങ്കി​ൽ മു​സ്​​ലിം ലീ​ഗ് ഇ​ക്കാ​ര്യ​മു​ന്ന​യി​ച്ച് സ​മ​ര​ത്തി​നി​റ​ങ്ങു​മാ​യി​രു​ന്നു. കു​റ്റ​ക്കാ​ർ​ക്കെ​തി​രെ മു​ഖം​നോ​ക്കാ​തെ​യു​ള്ള ന​ട​പ​ടി​യാ​ണ് എ​ല്ലാ​വ​രും ആ​ഗ്ര​ഹി​ക്കു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ജി​ല്ല​യി​ൽ ക്വാ​റി​ക​ളി​ല്ലാ​ത്ത​തി​നാ​ൽ ശ​ക്തി​യേ​റി​യ സ്​​ഫോ​ട​ക വ​സ്​​തു എ​ങ്ങ​നെ എ​ത്തി​യെ​ന്ന​ത് നി​സ്സാ​ര​മാ​യി കാ​ണാ​നാ​കി​ല്ലെ​ന്ന് ബി.​ജെ.​പി. നേ​താ​വ് പ്ര​ശാ​ന്ത് മ​ല​വ​യ​ൽ പ​റ​ഞ്ഞു. സ്​​ഫോ​ട​നം ന​ട​ന്ന ഷെ​ഡി​ന് ന​മ്പ​ർ ഇ​ല്ലാ​ത്ത​തു​കൊ​ണ്ടാ​ണ് ന​ഗ​ര​സ​ഭ സീ​ൽ ചെ​യ്യാ​ത്ത​തെ​ന്ന് ചെ​യ​ർ​മാ​ൻ ടി.​കെ. ര​മേ​ശ് പ്ര​തി​ക​രി​ച്ചു. അ​ന​ധി​കൃ​ത​മാ​യി സ്​​ഫോ​ട​ക വ​സ്​​തു സൂ​ക്ഷി​ച്ച​വ​രെ പൊ​ലീ​സ്​ ക​ണ്ടെ​ത്തു​മെ​ന്നാ​ണ് പ്ര​തീ​ക്ഷ. കു​ടും​ബ​ങ്ങ​ൾ​ക്ക് ന​ഷ്​​ട​പ​രി​ഹാ​രം കൊ​ടു​ക്കാ​ൻ ന​ഗ​ര​സ​ഭ എ​ന്ന നി​ല​യി​ലാ​വി​ല്ല. ഇ​ക്കാ​ര്യം ജി​ല്ല ക​ല​ക്ട​റു​ടേ​യും മ​റ്റും ശ്ര​ദ്ധ​യി​ൽ​പെ​ടു​ത്തി​യി​ട്ടു​ണ്ടെ​ന്നും ചെ​യ​ർ​മാ​ൻ പ​റ​ഞ്ഞു.

പൊ​ലീ​സിന്‍റെ അ​നാ​സ്ഥ –സേ​വാ​ദ​ൾ കോ​ൺ​ഗ്ര​സ്

സു​ൽ​ത്താ​ൻ ബ​ത്തേ​രി: ആ​ളൊ​ഴി​ഞ്ഞ ഷെ​ഡി​ൽ സ്‌​ഫോ​ട​ക വ​സ്തു പൊ​ട്ടി​ത്തെ​റി​ച്ച് ഗു​രു​ത​ര പൊ​ള്ള​ലേ​റ്റ മൂ​ന്നു കു​ട്ടി​ക​ൾ ചി​കി​ത്സ​യി​ലി​രി​ക്കെ മ​രി​ച്ചി​ട്ടും സം​ഭ​വ​ത്തിെൻറ സ​ത്യാ​വ​സ്ഥ ക​ണ്ടെ​ത്താ​നോ കു​റ്റ​ക്കാ​രെ പി​ടി​കൂ​ടാ​നോ ക​ഴി​യാ​ത്ത​ത് പൊ​ലീ​സിെൻറ അ​നാ​സ്ഥ​യും പി​ടി​പ്പു​കേ​ടു​മാ​ണെ​ന്ന് കോ​ൺ​ഗ്ര​സ് സേ​വാ​ദ​ൾ ജി​ല്ല പ്ര​സി​ഡ​ൻ​റ് അ​നി​ൽ എ​സ്. നാ​യ​ർ ആ​രോ​പി​ച്ചു.

അ​പ​ക​ട​ക​ര​മാ​കും വി​ധം ആ​ൾ​താ​മ​സ​മി​ല്ലാ​ത്ത വീ​ട്ടി​ൽ സ്ഫോ​ട​ക വ​സ്തു​ക്ക​ൾ സൂ​ക്ഷി​ച്ച​വ​രെ ക​ണ്ടെ​ത്തി ന​ട​പ​ടി​യെ​ടു​ക്കാ​ൻ അ​ധി​കൃ​ത​ർ ത​യാ​റാ​യി​ട്ടി​ല്ല. നി​ഷ്ക​ള​ങ്ക​രാ​യ മൂ​ന്ന് കു​ഞ്ഞു​ങ്ങ​ളു​ടെ ജീ​വ​നെ​ടു​ക്കാ​ൻ കാ​ര​ണ​ക്കാ​രാ​യ കു​റ്റ​വാ​ളി​ക​ളെ നി​യ​മ​ത്തി​ന് മു​ന്നി​ൽ കൊ​ണ്ടു​വ​രു​ന്ന​തു​വ​രെ നീ​തി​ക്കാ​യി കു​ട്ടി​ക​ളു​ടെ കു​ടും​ബ​ത്തോ​ടൊ​പ്പം നി​ൽ​ക്കും.

കു​റ്റ​വാ​ളി​ക​ളെ ഉ​ട​ൻ ക​ണ്ടെ​ത്താ​ൻ അ​ടി​യ​ന്ത​ര ഇ​ട​പെ​ട​ൽ ന​ട​ത്ത​ണ​മെ​ന്നും മ​രി​ച്ച കു​ട്ടി​ക​ളു​ടെ കു​ടും​ബ​ത്തി​ന് ന​ഷ്​​ട​പ​രി​ഹാ​രം ന​ൽ​ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.