കാരക്കണ്ടി സ്ഫോടനം: മൂ​ക​സാ​ക്ഷി​യാ​യി ഔ​ട്ട് ഹൗ​സ്; ദു​രൂ​ഹ​ത​ ബാ​ക്കി

സു​ൽ​ത്താ​ൻ ബ​ത്തേ​രി: മൂ​ന്ന് കൗ​മാ​ര​ക്കാ​രു​ടെ മ​ര​ണ​ത്തി​നി​ട​യാ​ക്കി​യ കാ​ര​ക്ക​ണ്ടി സ്ഫോ​ട​ന​ത്തി​ലെ ദു​രൂ​ഹ​ത​ക​ൾ ഇ​നി​യും പു​റ​ത്തു​വ​ന്നി​ല്ല. തു​ട​ക്ക​ത്തി​ൽ പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​യി​രു​ന്നെ​ങ്കി​ലും ഇ​പ്പോ​ൾ എ​ല്ലാം അ​വ​സാ​നി​പ്പി​ച്ച മ​ട്ടാ​ണ്. കേ​സ് അ​ന്വേ​ഷി​ച്ച ഡി​വൈ.​എ​സ്.​പി വി.​വി. ബെ​ന്നി ക​ഴി​ഞ്ഞ​ദി​വ​സം സ്ഥ​ലം മാ​റി പോ​യി. എ​ല്ലാ​ത്തി​നും സാ​ക്ഷി​യാ​യ സ്ഫോ​ട​നം ന​ട​ന്ന വീ​ടി​നോ​ട് ചേ​ർ​ന്നു​ള്ള ഔ​ട്ട് ഹൗ​സ് ഇ​പ്പോ​ൾ കാ​ടു​മൂ​ടി​യ അ​വ​സ്ഥ​യി​ലാ​ണ്.

ക​ഴി​ഞ്ഞ ഏ​പ്രി​ൽ 22നാ​ണ് നാ​ടി​നെ ന​ടു​ക്കി​യ സ്ഫോ​ട​ന​മു​ണ്ടാ​യ​ത്. കാ​ര​ക്ക​ണ്ടി ച​പ്പ​ങ്ങ​ൽ ജ​ലീ​ൽ-​സു​ൽ​ഫ​ത്ത് ദ​മ്പ​തി​ക​ളു​ടെ മ​ക​ൻ ഫെ​ബി​ൻ ഫി​റോ​സ് (13), സു​ന്ദ​ര വേ​ൽ​മു​രു​ക​െൻറ മ​ക​ൻ മു​ര​ളി (16), ല​ത്തീ​ഫിെൻറ മ​ക​ൻ അ​ജ്മ​ല്‍ (14) എ​ന്നി​വ​രാ​ണ് മ​രി​ച്ച​ത്. കാ​ര​ക്ക​ണ്ടി​യി​ൽ പ​ഴ​യ സാ​ഗ​ർ തി​യ​റ്റ​റി​ന​ടു​ത്താ​ണ് ആ​ൾ താ​മ​സ​മി​ല്ലാ​ത്ത വീ​ടു​ള്ള​ത്. ഔ​ട്ട് ഹൗ​സെ​ന്ന് തോ​ന്നി​ക്കു​ന്ന കോ​ൺ​ക്രീ​റ്റ് ഷെ​ഡി​നു​ള്ളി​ലാ​യി​രു​ന്നു സ്ഫോ​ട​നം. പെ​രി​ന്ത​ൽ​മ​ണ്ണ സ്വ​ദേ​ശി രാ​ധാ​കൃ​ഷ്ണ​നാ​ണ് വീ​ടി​െൻറ ഉ​ട​മ. പ്ര​വാ​സി​യാ​യ രാ​ധാ​കൃ​ഷ്ണ​ൻ മു​മ്പ് ഈ ​വീ​ട് ഒ​രാ​ൾ​ക്ക് വാ​ട​ക​ക്കു കൊ​ടു​ത്തി​രു​ന്നു. അ​ദ്ദേ​ഹം വേ​റെ വീ​ട്ടി​ലേ​ക്ക് മാ​റി​യ​തോ​ടെ ര​ണ്ടു​വ​ർ​ഷ​ത്തോ​ള​മാ​യി ഇ​വി​ടെ ആ​രും താ​മ​സ​മി​ല്ല. വീ​ടും പ​രി​സ​ര​വും കാ​ടു​പി​ടി​ച്ചു​കി​ട​ക്കു​ക​യാ​യി​രു​ന്നു. കു​ട്ടി​ക​ൾ നേ​രം പോ​ക്കി​നാ​യി ഈ ​കെ​ട്ടി​ട​ത്തി​ന​ക​ത്ത് ക​യ​റി​യ​താ​ണ്.

സ്ഫോ​ട​നം ന​ട​ന്ന​തി​നു​ശേ​ഷം പ​രി​സ​ര​ത്തൊ​ക്കെ വെ​ടി​മ​രു​ന്നി​െൻറ മ​ണം വ്യാ​പി​ച്ചി​രു​ന്നു. സാ​ധാ​ര​ണ പ​ട​ക്ക​മാ​ണോ, വീ​ര്യം കൂ​ടി​യ ഇ​ന​ത്തി​ൽ​പ്പെ​ട്ട മ​റ്റെ​ന്തെ​ങ്കി​ലും വ​സ്തു​ക്ക​ളാ​ണോ പൊ​ട്ടി​ത്തെ​റി​ച്ച​തെ​ന്ന് പൊ​ലീ​സ് അ​ന്വേ​ഷി​ച്ചു. കു​ട്ടി​ക​ൾ എ​ന്തി​ന് ഷെ​ഡി​ന​ക​ത്ത് ക​യ​റി​യെ​ന്ന​ത് തു​ട​ക്കം മു​ത​ലേ ദു​രൂ​ഹ​ത​യാ​യി​രു​ന്നു. സ്ഫോ​ട​ന​ത്തി​ന് ശേ​ഷം കു​ട്ടി​ക​ൾ 100 മീ​റ്റ​ർ അ​ക​ലെ​യു​ള്ള കു​ള​ത്തി​ന​ടു​ത്തേ​ക്ക് ഓ​ടി​യെ​ത്തി വെ​ള്ള​ത്തി​ലേ​ക്ക് ചാ​ടി​യെ​ന്നും പ​രി​സ​ര​വാ​സി​ക​ൾ പ​റ​ഞ്ഞു. പ്ര​ള​യ​ത്തി​നു​ശേ​ഷം വീ​ടി​ന് ചെ​റി​യ നാ​ശം സം​ഭ​വി​ച്ച​താ​യും അ​ത് ന​ന്നാ​ക്കാ​ത്ത​തു​കൊ​ണ്ടാ​ണ് ര​ണ്ടു​വ​ർ​ഷ​മാ​യി ആ​ർ​ക്കും വാ​ട​ക​ക്ക് കൊ​ടു​ക്കാ​തെ വീ​ട് അ​ട​ച്ചി​ട്ട​തെ​ന്നും ഉ​ട​മ​യു​മാ​യി ബ​ന്ധ​ച്ചെ​ട്ട​വ​ർ വ്യ​ക്ത​മാ​ക്കി.

ഉ​ട​മ അ​റി​യാ​തെ ആ​രോ കെ​ട്ടി​ട​ത്തി​ൽ സ്ഫോ​ട​ക​വ​സ്തു​ക്ക​ൾ കൊ​ണ്ടു​വെ​ച്ച​താ​യി​രു​ന്നു. അ​ത് ആ​രാ​ണെ​ന്നാ​ണ് പൊ​ലീ​സ് അ​ന്വേ​ഷി​ച്ച് ക​ണ്ടെ​ത്തേ​ണ്ട​ത്. സം​ഭ​വ​ത്തി​നു​പി​ന്നി​ൽ വെ​റും പ​ട​ക്ക​നി​ർ​മാ​ണ​ക്കാ​ര​ല്ലെ​ന്ന സൂ​ച​ന​യാ​ണ് നാ​ട്ടു​കാ​ർ പ​ങ്കു​വെ​ക്കു​ന്ന​ത്.