കാ​ടു​ക​യ​റി ആ​ശു​പ​ത്രി കെ​ട്ടി​ട​ങ്ങ​ൾ

സു​ൽ​ത്താ​ൻ ബ​ത്തേ​രി: ന​ഗ​ര​ത്തി​ന്റെ ഹൃ​ദ​യ​ഭാ​ഗ​ത്തു​ള്ള പ​ഴ​യ ആ​ശു​പ​ത്രി കെ​ട്ടി​ട​ങ്ങ​ൾ കാ​ടു​ക​യ​റി ന​ശി​ക്കു​ന്ന​താ​യി ആ​ക്ഷേ​പം. കോ​ടി​ക്ക​ണ​ക്കി​ന് രൂ​പ​യു​ടെ നി​ര​വ​ധി കെ​ട്ടി​ട​ങ്ങ​ളാ​ണ് ന​ശി​ക്കു​ന്ന​ത്. കെ​ട്ടി​ട​ങ്ങ​ൾ ഉ​പ​യോ​ഗ​പ്ര​ദ​മാ​ക്കു​ന്ന രീ​തി​യി​ൽ ആ​ശു​പ​ത്രി​യു​മാ​യി ബ​ന്ധ​പ്പെ​ട്ട പു​തി​യ സം​വി​ധാ​ന​ങ്ങ​ൾ ഒ​രു​ക്കാ​നു​ള്ള നീ​ക്ക​ങ്ങ​ൾ ന​ട​ക്കു​ക​യാ​ണെ​ന്ന് അ​ധി​കൃ​ത​ർ പ​റ​ഞ്ഞു.

പ​ഴ​യ ഐ.​പി വാ​ർ​ഡു​ക​ൾ, കോ​ൺ​ഫ​റ​ൻ​സ് ഹാ​ൾ, മൈ​ക്രോ​ബ​യോ​ള​ജി ലാ​ബ് എ​ന്നി​ങ്ങ​നെ ഇ​വി​ടെ പ്ര​വ​ർ​ത്തി​ച്ച​വ​യു​ടെ പേ​രു​ക​ൾ മാ​ത്ര​മാ​ണ് ഇ​പ്പോ​ൾ അ​വ​ശേ​ഷി​ക്കു​ന്ന​ത്. കാ​രു​ണ്യ ക​മ്യൂ​ണി​റ്റി ഫാ​ർ​മ​സി മാ​ത്ര​മാ​ണ് പ്ര​വ​ർ​ത്തി​ക്കു​ന്ന​ത്.

ന​ഗ​ര​ത്തി​ൽ​നി​ന്ന് ഒ​രു കി​ലോ​മീ​റ്റ​ർ അ​ക​ലെ ഫെ​യ​ർ​ലാ​ന്റി​ലേ​ക്ക് താ​ലൂ​ക്ക് ആ​ശു​പ​ത്രി പ്ര​വ​ർ​ത്ത​നം പൂ​ർ​ണ​മാ​യി മാ​റ്റി​യ​തോ​ടെ​യാ​ണ് പ​ഴ​യ ആ​ശു​പ​ത്രി കെ​ട്ടി​ട​ങ്ങ​ൾ ആ​ളൊ​ഴി​ഞ്ഞ അ​വ​സ്ഥ​യി​ലാ​യ​ത്. കു​ട്ടി​ക​ളു​ടെ​യും ഗ​ർ​ഭി​ണി​ക​ളു​ടെ​യും ഒ.​പി ക​ഴി​ഞ്ഞ​വ​ർ​ഷം വ​രെ ഇ​വി​ടെ പ്ര​വ​ർ​ത്തി​ച്ചി​രു​ന്നു. ന​ഗ​ര​ത്തി​ന്റെ ന​ടു​ക്കായതി​നാ​ൽ ഇ​ത് ഏ​റെ സൗ​ക​ര്യ​പ്ര​ദ​വു​മാ​യി​രു​ന്നു. കെ​ട്ടി​ട​ങ്ങ​ൾ വെ​റു​തെ കി​ട​ക്കു​ന്ന​ത് ആ​ക്ഷേ​പ​ങ്ങ​ൾ​ക്കി​ട​യാ​ക്കി​യ​തോ​ടെ ക​ഴി​ഞ്ഞ​വ​ർ​ഷം ത​ന്നെ പ​ഴ​യ കെ​ട്ടി​ട​ത്തി​ൽ പു​തി​യ യൂ​നി​റ്റു​ക​ൾ തു​ട​ങ്ങാ​നു​ള്ള ശ്ര​മ​ങ്ങ​ൾ ബ്ലോ​ക്ക് പ​ഞ്ചാ​യ​ത്ത് ന​ട​ത്തി​യി​രു​ന്നു. ഓ​ടി​ട്ട കെ​ട്ടി​ട​ങ്ങ​ൾ ഏ​റെ കാ​ല​പ്പ​ഴ​ക്ക​മു​ള്ള​തി​നാ​ൽ അ​ത് പൊ​ളി​ച്ചു നീ​ക്കു​ക​യേ മാ​ർ​ഗ​മു​ള്ളൂ. ഈ ​കെ​ട്ടി​ട​ങ്ങ​ളു​ടെ മു​ക​ളി​ലേ​ക്കും കാ​ട് വ​ള​ർ​ന്നി​ട്ടു​ണ്ട്.

പ​ഴ​യ ആ​ശു​പ​ത്രി കെ​ട്ടി​ട​ത്തി​ൽ ജി​ല്ല മെ​ഡി​ക്ക​ൽ ലാ​ബ് തു​ട​ങ്ങാ​നാ​ണ് ഉ​ദ്ദേ​ശി​ക്കു​ന്ന​തെ​ന്ന് സു​ൽ​ത്താ​ൻ ബ​ത്തേ​രി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് സി. ​അ​സൈ​നാ​ർ പ​റ​ഞ്ഞു. ഒ​രു​കോ​ടി രൂ​പ​യി​ലേ​റെ ഇ​തി​നാ​യി സ​ർ​ക്കാ​ർ ഫ​ണ്ട് വ​ക​യി​രു​ത്തി​യി​ട്ടു​ണ്ട്. കോ​ൺ​ക്രീ​റ്റ് കെ​ട്ടി​ട​ങ്ങ​ളി​ൽ ചെ​റി​യ മി​നു​ക്കു​പ​ണി​ക​ൾ ന​ട​ത്തി​യ​തി​നു​ശേ​ഷ​മാ​യി​രി​ക്കും പു​തി​യ ലാ​ബ് പ്ര​വ​ർ​ത്ത​നം തു​ട​ങ്ങു​ക. അ​ടു​ത്ത​മാ​സ​ത്തോ​ടെ പ​ണി​ക​ൾ തു​ട​ങ്ങു​മെ​ന്നും ബ്ലോ​ക്ക് പ്ര​സി​ഡ​ന്റ് വ്യ​ക്ത​മാ​ക്കി.