Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightWayanadchevron_rightSultan Batherychevron_rightലഹരിമരുന്നുമായി അഞ്ച്...

ലഹരിമരുന്നുമായി അഞ്ച് യുവാക്കൾ പിടിയിൽ; എം.ഡി.എം.എയും പണവും കണ്ടെത്തി

text_fields
bookmark_border
ലഹരിമരുന്നുമായി അഞ്ച് യുവാക്കൾ പിടിയിൽ; എം.ഡി.എം.എയും പണവും കണ്ടെത്തി
cancel
camera_alt

മയക്കുമരുന്നുമായി മീനങ്ങാടി പൊലീസിന്റെ പിടിയിലായവർ

Listen to this Article

സുൽത്താൻ ബത്തേരി: മീനങ്ങാടി പൊലീസിന് ലഭിച്ച രഹസ്യവിവരത്തെത്തുടർന്ന് ടൗണിലും പരിസര പ്രദേശങ്ങളിലും നടത്തിയ പരിശോധനയിൽ മയക്കുമരുന്നുമായി അഞ്ച് യുവാക്കൾ പിടിയിൽ. ന്യൂജൻ മയക്കുമരുന്നായ എം.ഡി.എം.എ, ഹെറോയിൻ, കഞ്ചാവ് എന്നിവയാണ് പിടിച്ചെടുത്തത്.

പനമരം റോഡിൽ നടത്തിയ പരിശോധനയിൽ പശ്ചിമ ബംഗാൾ മുർഷിദാബാദ് ബഹഗൽപൂർ സലീം (29) പിടിയിലായി. 23 ചെറിയ പാക്കറ്റുകളിലായി സൂക്ഷിച്ച 3.55 ഗ്രാം ഹെറോയിനും 33 ഗ്രാം കഞ്ചാവും ഇയാളിൽനിന്ന് കണ്ടെടുത്തു. മീനങ്ങാടി മാർക്കറ്റ് പരിസരത്തുനിന്ന് സുൽത്താൻ ബത്തേരി സ്വദേശികളായ പിലായത്തൊടി മുഹമ്മദ് ഇജാസ് (22), ബീനാച്ചി പടിഞ്ഞാക്കര അനീസ് (23) എന്നിവർ പിടിയിലായി. ഇവരിൽനിന്നും 3.15 ഗ്രാം എം.ഡി.എം.എയും പണവും കണ്ടെത്തി.

കാര്യമ്പാടി ടൗണിൽവെച്ചാണ് 430 മി.ഗ്രാം എം.ഡി.എം.എയുമായി കാര്യമ്പാടി കാരക്കുനി ചോലക്കൽ ഷംനാസ് (26), കാര്യമ്പാടി കാരക്കുനി മുത്തമ്മ പി.എസ്. ഷാനിൽ (23) എന്നിവർ പിടിയിലായത്.

മീനങ്ങാടി എസ്.ഐ സജീവന്റെ നേതൃത്വത്തിലുള്ള പൊലീസ് വിവിധ ഭാഗങ്ങളിൽ മഫ്തിയിലും അല്ലാതെയുമാണ് പരിശോധന നടത്തിയത്. സംശയമുള്ള യുവാക്കളെ ദിവസങ്ങളോളം നിരീക്ഷിച്ചതിന് ശേഷമാണ് കസ്റ്റഡിയിലെടുത്തത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:mdmadrug case
News Summary - Five youths arrested with drugsു MDMA and cash found
Next Story