അ​രി​മു​ള പീ​പ്പി​ൾ​സ് വി​ല്ല​യി​ലെ തീ​പി​ടിത്തം; വ​ൻ ദു​ര​ന്തം ഒ​ഴി​വാ​യ​ത് ത​ല​നാ​രി​ഴ​ക്ക്

സു​ൽ​ത്താ​ൻ ബ​ത്തേ​രി: അ​രി​മു​ള പീ​പ്പി​ൾ​സ് വി​ല്ല​യി​ലെ കു​ടി​വെ​ള്ളം മു​ട്ടി​ച്ച തീ​പി​ടിത്ത​ത്തി​ൽ വ​ൻ ദു​ര​ന്തം ഒ​ഴി​വാ​യ​ത് ത​ല​നാ​രി​ഴ​ക്ക്. ആ​ളി​പ്പ​ട​ർ​ന്ന തീ ​കാ​റ്റ​ത്ത് വീ​ടു​ക​ളി​ലേ​ക്ക് വ്യാ​പി​ക്കാ​തി​രു​ന്ന​ത് ഭാ​ഗ്യം​കൊ​ണ്ട് മാ​ത്ര​മാ​ണ്. കു​ടി​വെ​ള്ള കി​ണ​റി​നോ​ട് അ​നു​ബ​ന്ധി​ച്ചു​ള്ള മോ​ട്ടോ​റു​ക​ൾ, പൈ​പ്പു​ക​ൾ എ​ന്നി​വ​ക്കെ​ല്ലാം കേ​ടു​പാ​ടു​ക​ൾ സം​ഭ​വി​ച്ചു. ആ​റു വീ​ട്ടു​കാ​രു​ടെ കു​ടി​വെ​ള്ള​മാ​ണ് ഇ​പ്പോ​ൾ മു​ട​ങ്ങി​യി​രി​ക്കു​ന്ന​ത്. സം​ഭ​വ​ത്തി​ൽ കേ​ണി​ച്ചി​റ പൊ​ലി​സി​ൽ പ​രാ​തി ന​ൽ​കി​യി​ട്ടു​ണ്ട്.

ചൊ​വ്വാ​ഴ്ച വൈ​കീ​ട്ട് നാ​ല് മ​ണി​യോ​ടെ​യാ​ണ് തീ​പി​ടി​ത്തം ഉ​ണ്ടാ​യ​ത്. പീ​പ്പി​ൾ​സ് വി​ല്ല​ക്ക് സ​മീ​പ​ത്തെ കൃ​ഷി​യി​ട​ത്തി​ൽ നി​ന്നാ​യി​രു​ന്നു തീ​പി​ടി​ത്ത​ത്തി​ന്റെ തു​ട​ക്കം. ആ​ളി​പ്പ​ട​ർ​ന്ന തീ ​പീ​പ്പി​ൾ​സ് വി​ല്ല​യു​ടെ കോ​മ്പൗ​ണ്ടി​ലേ​ക്ക് ക​ട​ക്കു​ക​യും കി​ണ​റി​നു ചു​റ്റും വ്യാ​പി​ക്കു​ക​യു​മാ​യി​രു​ന്നു.

തീ​പി​ടി​ത്ത​ത്തി​ന് ഇ​ട​യാ​ക്കി​യ വ്യ​ക്തി​ക്കെ​തി​രെ​യാ​ണ് വി​ല്ല​യി​ലെ താ​മ​സ​ക്കാ​ർ കേ​ണി​ച്ചി​റ പൊ​ലീ​സി​ൽ പ​രാ​തി ന​ൽ​കി​യ​ത്. സ്ഥ​ല​ത്തു​നി​ന്ന് മു​ങ്ങി​യ വ്യ​ക്തി​യെ ക​ണ്ടെ​ത്താ​നു​ള്ള ശ്ര​മം കേ​ണി​ച്ചി​റ പൊ​ലീ​സ് ന​ട​ത്തു​ന്നു​ണ്ട്. കു​ടി​വെ​ള്ളം മു​ട്ടി​യ​തി​ന് പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് ക​ല​ക്ട​ർ, പൊ​ലീ​സ് മേ​ധാ​വി, മ​നു​ഷ്യാ​വ​കാ​ശ ക​മീ​ഷ​ൻ എ​ന്നി​വ​ർ​ക്കും പ​രാ​തി ന​ൽ​കു​മെ​ന്ന് അ​രി​മു​ള പീ​പ്പി​ൾ​സ് വി​ല്ല ക​ൺ​വീ​ന​ർ സി​ന്ധു വാ​സു പ​റ​ഞ്ഞു.