ആ​ൾ​താ​മ​സ​മി​ല്ലാ​ത്ത വീ​ട്ടി​ലെ സ്ഫോ​ട​നം: പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി

സു​ൽ​ത്താ​ൻ ബ​ത്തേ​രി (വയനാട്​): കോ​ട്ട​ക്കു​ന്ന് കാ​ര​ക്ക​ണ്ടി സാ​ഗ​ർ തി​യ​റ്റ​റി​ന​ടു​ത്തെ ആ​ൾ​താ​മ​സ​മി​ല്ലാ​ത്ത വീ​ട്ടി​ൽ വ്യാ​ഴാ​ഴ്ച ന​ട​ന്ന സ്ഫോ​ട​ന​വു​മാ​യി ബ​ന്ധ​പ്പെ​ട്ട് നി​ഗ​മ​ന​ങ്ങ​ൾ പ​ല​വി​ധം. പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി. വ്യ​ക്ത​മാ​യ ചി​ത്രം ഏ​താ​നും ദി​വ​സ​ങ്ങ​ൾ​ക്കു​ള്ളി​ൽ പു​റ​ത്തു​വ​ന്നേ​ക്കും.

സ്ഫോ​ട​ന​ത്തി​ൽ ഗു​രു​ത​ര​മാ​യി പ​രി​ക്കേ​റ്റ പ്ര​ദേ​ശ​ത്തെ മൂ​ന്ന് വി​ദ്യാ​ർ​ഥി​ക​ൾ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​ണ്. ക​ണ്ണൂ​രി​ൽ​നി​ന്ന്​ ഫോ​റ​ൻ​സി​ങ് വി​ഭാ​ഗം അ​സി. ഡ​യ​റ​ക്ട​റു​ടെ നേ​തൃ​ത്വ​ത്തി​ലു​ള്ള സം​ഘം വെ​ള്ളി​യാ​ഴ്ച രാ​വി​ലെ സ്ഫോ​ട​നം ന​ട​ന്ന ഷെ​ഡ്ഡി​ലെ​ത്തി സാ​മ്പി​ളു​ക​ൾ ശേ​ഖ​രി​ച്ചു.

ഇ​ത് ക​ണ്ണൂ​രി​ൽ​നി​ന്നു പ്ര​ത്യേ​ക ലാ​ബി​ലേ​ക്ക് അ​യ​ച്ച് ഫ​ലം വ​രാ​ൻ ഏ​താ​നും ദി​വ​സ​ങ്ങ​ൾ പി​ടി​ക്കും. ചി​കി​ത്സ​യി​ലു​ള്ള കു​ട്ടി​ക​ളി​ൽ​നി​ന്ന്​ ല​ഭി​ച്ച വി​വ​ര​മ​നു​സ​രി​ച്ച് വെ​ടി​മ​രു​ന്ന് ആ​കാ​നാ​ണ് സാ​ധ്യ​ത​യെ​ന്ന് സു​ൽ​ത്താ​ൻ ബ​ത്തേ​രി എ​സ്.​ഐ ആ​ർ.​എ​ൻ. പ്ര​ശാ​ന്ത് പ​റ​ഞ്ഞു. ഷെ​ഡ്ഡി​ൽ പാ​ഴ്വ​സ്തു​ക്ക​ൾ സൂ​ക്ഷി​ച്ചി​രു​ന്നു. അ​തി​നു​ള്ളി​ൽ സ്ഫോ​ട​ക വ​സ്തു എ​ങ്ങ​നെ എ​ത്തി​യെ​ന്ന​ത് വ്യ​ക്ത​മ​ല്ല. വീ​ട്ടി​ൽ ആ​ൾ​താ​മ​സ​മി​ല്ലാ​ത്ത​തി​നാ​ൽ ആ​രേ​ങ്കി​ലും കൊ​ണ്ടു​വെ​ക്കാ​നു​ള്ള സാ​ധ്യ​ത ത​ള്ളി​ക്ക​ള​യാ​നാ​വി​ല്ലെ​ന്നും എ​സ്.​ഐ പ​റ​ഞ്ഞു.

വീ​ടി​നോ​ട് ചേ​ർ​ന്ന ഔ​ട്ട്​​ഹൗ​സെ​ന്ന് തോ​ന്നി​ക്കു​ന്ന കോ​ൺ​ക്രീ​റ്റ് ഷെ​ഡ്ഡി​ലാ​ണ് സ്ഫോ​ട​നം ന​ട​ന്ന​ത്. ര​ണ്ട് വ​ർ​ഷം മു​മ്പ് ഇ​വി​ടെ കു​ടും​ബം വാ​ട​ക​ക്ക് താ​മ​സി​ച്ചി​രു​ന്നു. താ​മ​സ​മു​പേ​ക്ഷി​ച്ച് പോ​യ ശേ​ഷം ആ​വ​ർ ഈ ​വീ​ടു​മാ​യി ബ​ന്ധ​പ്പെ​ട്ടി​ട്ടി​ല്ലെ​ന്നാ​ണ് വി​വ​രം. ചു​റ്റു​മ​തി​ലി​നു​ള്ളി​ൽ വീ​ടും ഷെ​ഡ്ഡും കാ​ടു​പി​ടി​ച്ച അ​വ​സ്ഥ​യി​ലാ​ണ്.

ഷെ​ഡ്ഡ്​ ര​ഹ​സ്യ​മാ​യി ഉ​പ​യോ​ഗ​പ്പെ​ടു​ത്തി​യ​താ​കാ​ൻ സാ​ധ്യ​ത​യു​ണ്ട്. അ​ത​റി​യാ​തെ സു​ഹൃ​ത്തു​ക്ക​ളാ​യ കു​ട്ടി​ക​ൾ നേ​രം​പോ​ക്കി​നാ​യി ഷെ​ഡ്ഡി​ൽ ക​യ​റി​യ​പ്പോ​ൾ അ​ബ​ദ്ധം പി​ണ​ഞ്ഞ​താ​കാ​മെ​ന്ന നി​ഗ​മ​ന​മാ​ണ് കൂ​ടു​ത​ൽ ശ​ക്തം.