മാലിന്യക്കൂമ്പാരത്തിന് തീപിടിച്ച്​ മരണം; കാരണം അധികൃതരുടെ അനാസ്ഥ

സു​ൽ​ത്താ​ൻ ബ​ത്തേ​രി: ചു​ള്ളി​യോ​ട് മാ​ലി​ന്യക്കൂമ്പാ​ര​ത്തി​ന് തീ​പി​ടി​ച്ച് ഒ​രാ​ൾ മ​രി​ക്കാ​നിട​യാ​യ സം​ഭ​വ​ത്തി​ന് പി​ന്നി​ൽ അ​ധി​കൃ​ത​രു​ടെ ക​ടു​ത്ത അ​നാ​സ്ഥ. ലോ​ഡു ക​ണ​ക്കി​ന് മാ​ലി​ന്യ​മാ​ണ് ഇ​വി​ടെ കൊ​ണ്ട് ത​ട്ടി​യി​രു​ന്ന​ത്.

പ്ലാ​സ്റ്റി​ക് മാ​ലി​ന്യ​ത്തി​ന്റെ വ​ൻ ശേ​ഖ​ര​മാ​ണ് ഇ​വി​ടെ ഉ​ണ്ടാ​യി​രു​ന്ന​ത്. ടൗ​ണി​ലെ പ്ര​ധാ​ന റോ​ഡി​ൽ നി​ന്നും 50 മീ​റ്റ​ർ മാ​റി​യാ​യി​രു​ന്നു പ​ഴ​യ കെ​ട്ടി​ട​വും മാ​ലി​ന്യ ശേ​ഖ​ര​വും. തീ ​ആ​ളിപ്പട​ർ​ന്ന​പ്പോ​ൾ അ​ത് മ​റ്റ് കെ​ട്ടി​ട​ങ്ങ​ളി​ലേ​ക്ക് പ​ട​രാ​തി​രു​ന്ന​ത് അ​ഗ്നി​ര​ക്ഷാ​സേ​ന​യു​ടെ അ​വ​സ​രോ​ചി​ത​മാ​യ ഇ​ട​പെ​ട​ൽ മൂ​ല​മാ​ണ്. തീ ​പെ​ട്ടെ​ന്ന് ആ​ളി പ്പട​രാ​ൻ കാ​ര​ണം ക​ടു​ത്ത ചൂ​ടാ​ണ്. ബീ​ഡിക്കുറ്റി​യി​ൽ നി​ന്നോ മ​റ്റോ ആ​യി​രി​ക്കാം തീ ​പ​ട​ർ​ന്ന​തെ​ന്ന് നാ​ട്ടു​കാ​രി​ൽ ചി​ല​ർ പ​റ​യു​ന്നു​ണ്ട്. വ്യ​ക്ത​മാ​യ കാ​ര​ണം അ​ന്വേ​ഷ​ണ​ത്തി​ലൂ​ടെ പു​റ​ത്തു​വ​ര​ണം.

മാലിന്യം രണ്ടു ദിവസത്തിനുള്ളിൽ നീക്കം ചെയ്യും

സു​ൽ​ത്താ​ൻ ബ​ത്തേ​രി: ചു​ള്ളി​യോ​ട് തീ​പി​ടി​ത്ത​ത്തി​ന്റെ സാ​ഹ​ച​ര്യ​ത്തി​ൽ ജി​ല്ല ക​ല​ക്ട​റു​ടെ നി​ർ​ദേ​ശ​പ്ര​കാ​രം ബ​ത്തേ​രി മി​നി സി​വി​ൽ സ്റ്റേ​ഷ​നി​ൽ ത​ഹ​സി​ൽ​ദാ​റുടെ സാ​ന്നി​ധ്യ​ത്തി​ൽ എ.​ഡി.​എം സി.​പി.​എം, പ​ഞ്ചാ​യ​ത്ത് ഭ​ര​ണ സ​മി​തി എ​ന്നി​വ​രു​മാ​യി ച​ർ​ച്ച ന​ട​ത്തി. സം​ഭ​വ​സ്ഥ​ല​ത്ത് അ​വ​ശേ​ഷി​ക്കു​ന്ന മാ​ലി​ന്യം ര​ണ്ട് ദി​വ​സ​ത്തി​നു​ള്ളി​ൽ നീ​ക്കം ചെ​യ്യാ​ൻ തീ​രു​മാ​നി​ച്ചു. മ​രി​ച്ച ഭാ​സ്ക​ര​ന്റെ കു​ടും​ബ​ത്തി​ന് ന​ഷ്ട​പ​രി​ഹാ​രം ന​ൽ​കാ​ൻ സ​ർ​ക്കാ​റി​നോ​ട് ആ​വ​ശ്യ​പ്പെ​ടാ​നും തീ​രു​മാ​ന​മാ​യി.

സം​ഭ​വ​ത്തി​ൽ സ​മ​ഗ്ര​മാ​യ അ​ന്വേ​ഷ​ണം ന​ട​ത്തും. ചു​ള്ളി​യോ​ട് ടൗ​ണി​ലു​ള്ള മാ​ലി​ന്യ​സം​ഭ​ര​ണ കേ​ന്ദ്രം മ​റ്റൊ​രു കേ​ന്ദ്ര​ത്തി​ലേ​ക്ക് മാ​റ്റാ​മെ​ന്നാ​ണ് പ​ഞ്ചാ​യ​ത്ത്‌ പ്ര​സി​ഡ​ന്റ്‌ ഉ​റ​പ്പ് ന​ൽ​കി​യ​ത്. ച​ർ​ച്ച​യി​ൽ പ​ഞ്ചാ​യ​ത്തി​നെ പ്ര​തി​നി​ധാനം ചെയ്ത് പ്ര​സി​ഡ​ന്റ് ഷീ​ല പു​ഞ്ച​വ​യ​ൽ, ടി​ജി ചെ​റു​തോ​ട്ടി​ൽ, ജ​യ​മു​ര​ളി എ​ന്നി​വ​രും സി.​പി.​എ​മ്മി​നെ പ്ര​തി​നി​ധീ​ക​രി​ച് സു​രേ​ഷ് താ​ളൂ​ർ, പി.​കെ. രാ​മ​ച​ന്ദ്ര​ൻ, സി. ​ശി​വ​ശ​ങ്ക​ര​ൻ, ടി.​പി. ഷു​ക്കൂ​ർ, എം.​എ​സ്. ഫെ​ബി​ൻ, സാ​ബു കു​ഴി​മാ​ളം എ​ന്നി​വ​രും പ​ങ്കെ​ടു​ത്തു.

സി.പി.എം പഞ്ചായത്ത് ഓഫിസ് ഉപരോധിച്ചു

സു​ൽ​ത്താ​ൻ ബ​ത്തേ​രി: ചു​ള്ളി​യോ​ട് തീ​പി​ടി​ത്ത​ത്തി​ൽ ഒ​രാ​ൾ മ​രി​ച്ച സം​ഭ​വ​ത്തി​ൽ പ്ര​തി​ഷേ​ധി​ച്ച് സി.​പി.​എം കോ​ളി​യാ​ടി​യി​ലെ നെ​ന്മേനി പ​ഞ്ചാ​യ​ത്ത് ഓ​ഫി​സ് ഉ​പ​രോ​ധി​ച്ചു.

പ​ഞ്ചാ​യ​ത്ത് ഭ​ര​ണ​സ​മി​തി​ക്കെ​തി​രെ മ​ന​പ്പൂ​ർ​വ​മ​ല്ലാ​ത്ത ന​ര​ഹ​ത്യ​ക്ക് കേ​സെ​ടു​ക്ക​ണ​മെ​ന്നാ​യി​രു​ന്നു സ​മ​ര​ക്കാ​രു​ടെ ആ​വ​ശ്യം. മ​രി​ച്ച ഭാ​സ്ക​ര​ന്റെ കു​ടും​ബ​ത്തി​ന് ന​ഷ്ട​പ​രി​ഹാ​രം കൊ​ടു​ക്ക​ണം.

സം​ഭ​വ​ത്തി​ന്റെ ധാ​ർ​മി​ക ഉ​ത്ത​ര​വാ​ദി​ത്തം ഏ​റ്റെ​ടു​ത്ത് ഭ​ര​ണ​സ​മി​തി രാ​ജി​വെ​ക്ക​ണ​മെ​ന്നും നേ​താ​ക്ക​ൾ ആ​വ​ശ്യ​പ്പെ​ട്ടു. സി.​പി.​എം ജി​ല്ല സെ​ക്ര​ട്ടേറി​യേ​റ്റ് അം​ഗം വി.​വി. ബേ​ബി ഉ​ദ്ഘാ​ട​നം ചെ​യ്തു. ടി.​പി. ഷു​ക്കൂ​ർ അ​ധ്യ​ക്ഷത വ​ഹി​ച്ചു. പി.​ആ​ർ. ജ​യ​പ്ര​കാ​ശ്, സു​രേ​ഷ് താ​ളൂ​ർ, പി.​കെ. രാ​മ​ച​ന്ദ്ര​ൻ, സി. ​ശി​വ​ശ​ങ്ക​ര​ൻ, സാ​ബു കു​ഴി​മാ​ളം, ടി.​കെ. ര​മേ​ഷ്, എം.​എ​സ്. ഫെ​ബി​ൻ, ഷാ​ജി കോ​ട്ട​യി​ൽ എ​ന്നി​വ​ർ സം​സാ​രി​ച്ചു.

ആംബുലൻസ് തടഞ്ഞു; നഷ്ടപരിഹാരം നൽകുമെന്ന് പഞ്ചായത്ത്

സു​ൽ​ത്താ​ൻ ബ​ത്തേ​രി: ചു​ള്ളി​യോ​ട് മാ​ലി​ന്യ​ക്കൂ​മ്പാ​ര​ത്തി​ന്​ തീ​പി​ടി​ച്ച്​ മ​രി​ച്ച ഭാ​സ്ക​ര​ന്റെ മൃ​ത​ദേ​ഹ​വു​മാ​യി വ​ന്ന ആം​ബു​ല​ൻ​സ് നാ​ട്ടു​കാ​ർ ത​ട​ഞ്ഞു. ചൊ​വ്വാ​ഴ്ച വൈ​കു​ന്നേ​രം ചു​ള്ളി​യോ​ട് ടൗ​ണി​ൽ വെച്ചാ​യി​രു​ന്നു നാ​ട്ടു​കാ​രു​ടെ പ്ര​തി​ഷേ​ധം. പ​ഞ്ചാ​യ​ത്ത് പ്ര​സി​ഡ​ന്റ് ഷീ​ല പു​ഞ്ച​വ​യ​ൽ, വൈ​സ് പ്ര​സി​ഡ​ന്‍റ് ടി​ജി ചെ​റു​തോ​ട്ടി​ൽ, പൊ​ലീ​സ് എ​ന്നി​വ​ർ നാ​ട്ടു​കാ​രു​മാ​യി ച​ർ​ച്ച ന​ട​ത്തി.

ന​ഷ്ട​പ​രി​ഹാ​രം ന​ൽ​കു​മെ​ന്ന്​ പ​ഞ്ചാ​യ​ത്ത്​ അ​ധി​കൃ​ത​ർ ഉ​റ​പ്പു​ന​ൽ​കി. എ​ന്നാ​ൽ, ന​ഷ്ട​പ​രി​ഹാ​രം എ​ത്ര​യെ​ന്ന് വ്യ​ക്ത​മാ​ക്ക​ണ​മെ​ന്നാ​യി​രു​ന്നു നാ​ട്ടു​കാ​രു​ടെ ആ​വ​ശ്യം.

റ​വ​ന്യൂ വ​കു​പ്പാ​ണ് ഇ​ക്കാ​ര്യ​ത്തി​ൽ തീ​രു​മാ​ന​മെ​ടു​ക്കേ​ണ്ട​തെ​ന്നാ​യി​രു​ന്നു പ​ഞ്ചാ​യ​ത്ത് പ്ര​സി​ഡ​ന്റി​ന്റെ മ​റു​പ​ടി. ഏ​റെ വാ​ഗ്വാ​ദ​ങ്ങ​ൾ​ക്ക് ശേ​ഷ​മാ​ണ്​ ആം​ബു​ല​ൻ​സ് ക​ട​ത്തി​വി​ട്ട​ത്.