കരുതലിൽ അങ്കലാപ്പ്: കരുതൽ മേഖല സംബന്ധിച്ച് പു​തു​താ​യി വെ​ബ്സൈ​റ്റി​ൽ പ്ര​സി​ദ്ധീ​ക​രി​ച്ച മാ​പ്പി​ലും വ്യ​ക്ത​ത​യി​ല്ല

സു​ൽ​ത്താ​ൻ ബ​ത്തേ​രി: ക​രു​ത​ൽ മേ​ഖ​ല സം​ബ​ന്ധി​ച്ച പു​തി​യ അ​റി​യി​പ്പു​ക​ൾ പു​റ​ത്തു​വ​രു​ന്ന​ത് ജ​ന​ത്തി​ന്റെ ആ​ശ​ങ്ക വ​ർ​ധി​പ്പി​ക്കു​ന്നു. ഭൂ​മി, വീ​ട്, മ​റ്റ് കെ​ട്ടി​ട​ങ്ങ​ൾ എ​ന്നി​വ ക​രു​ത​ൽ മേ​ഖ​ല​യി​ൽ ഉ​ൾ​പ്പെ​ട്ടി​ട്ടു​ണ്ടോ എ​ന്ന​റി​യാ​ൻ ജ​നം ഹെ​ൽ​പ് ഡെ​സ്കുകൾ ക​യ​റി​യി​റ​ങ്ങു​ന്ന കാ​ഴ്ച​യാ​ണ് ഏ​താ​നും ദി​വ​സ​ങ്ങ​ളാ​യു​ള്ള​ത്.

സു​ൽ​ത്താ​ൻ ബ​ത്തേ​രി ന​ഗ​ര​സ​ഭ, നൂ​ൽ​പുഴ, നെ​ന്മേ​നി, ​തി​രു​നെ​ല്ലി പ​ഞ്ചാ​യ​ത്തു​ക​ളി​ലാ​ണ് ആ​ശ​ങ്ക വ​ർ​ധി​ച്ച​ത്.ഒ​ടു​വി​ൽ അ​ധി​കൃ​ത​ർ വെ​ബ്സൈ​റ്റി​ൽ പ്ര​സി​ദ്ധീ​ക​രി​ച്ച ഭൂ​പ​ട​ത്തി​ന്റെ അ​ടി​സ്ഥാ​ന​ത്തി​ൽ ആ​കാ​ശ​ദൂ​ര​ത്തി​ൽ ക​രു​ത​ൽ മേ​ഖ​ല നി​ശ്ച​യി​ച്ചാ​ൽ സു​ൽ​ത്താ​ൻ ബ​ത്തേ​രി മു​നി​സി​പ്പാ​ലി​റ്റി​യു​ടെ ഒ​ട്ടു​മി​ക്ക വാ​ർ​ഡു​ക​ളും ഇ​തി​ലു​ൾ​പ്പെ​ടും. ന​ഗ​ര​ത്തി​ന്റെ ഇ​നി​യു​ള്ള വി​ക​സ​നം ഇ​ല്ലാ​താ​കും.

വ​ന​ത്താ​ൽ ചു​റ്റ​പ്പെ​ട്ട നൂ​ൽ​പ്പു​ഴ പ​ഞ്ചാ​യ​ത്ത് മു​ഴു​വ​നും സം​ര​ക്ഷി​ത മേ​ഖ​ല​യി​ലാ​ണ് വ​രി​ക. പ​ഞ്ചാ​യ​ത്തി​ൽ വീ​ടും കൃ​ഷിഭൂ​മി​യു​മു​ള്ള​വ​രു​ടെ ജീ​വി​തം എ​ങ്ങ​നെ​യാ​കു​മെ​ന്ന​ത് ക​ണ്ട​റി​യേ​ണ്ട സ്ഥി​തി​യാ​ണ്. നെ​ന്മേ​നി പ​ഞ്ചാ​യ​ത്തി​ലെ ചീ​രാ​ൽ മേ​ഖ​ല​യി​ലും ഇ​തേ അ​വ​സ്ഥ​യാ​ണ്. വ​നം വ​ന്യ​ജീ​വി വ​കു​പ്പ് കേ​ന്ദ്ര സ​ർ​ക്കാ​റി​ൽ സ​മ​ർ​പ്പി​ച്ച വി​വി​ധ സം​ര​ക്ഷി​ത പ്ര​ദേ​ശ​ങ്ങ​ളു​ടെ പ​രി​സ്ഥി​തി​ലോ​ല മേ​ഖ​ല​യു​ടെ മാ​പ്പു​ക​ളാ​ണ് പു​തു​താ​യി പ്ര​സി​ദ്ധീ​ക​രി​ച്ച​ത്.

വ​നം​വ​കു​പ്പ് ശി​പാ​ർ​ശ ചെ​യ്ത ക​രു​ത​ൽ മേ​ഖ​ല​ക​ളും അ​ട​യാ​ള​പ്പെ​ടു​ത്തി​യി​ട്ടു​ണ്ടെ​ങ്കി​ലും ഏ​തൊ​ക്കെ സ്ഥ​ല​ങ്ങ​ളാ​ണെ​ന്നോ അ​വി​ട​ത്തെ ജ​ന​വാ​സ കേ​ന്ദ്ര​ങ്ങ​ളെ​ക്കു​റി​ച്ചോ വ്യ​ക്ത​ത​യി​ല്ല. മേ​ഖ​ല തി​രി​ച്ചു​ള്ള മാ​പ്പു മാ​ത്ര​മി​ട്ട് ജ​ന​ത്തെ കൂ​ടു​ത​ൽ ആ​ശ​ങ്ക​യി​ലാ​ഴ്ത്തു​ക​യെ​ന്ന​ല്ലാ​തെ ഇ​ക്കാ​ര്യ​ത്തി​ൽ നേ​രി​ട്ടു​ള്ള സ​ർ​വേ​യി​ലൂ​ടെ കാ​ര്യ​ങ്ങ​ൾ​ക്ക് വ്യ​ക്ത​ത വ​രു​ത്ത​ണ​മെ​ന്ന ആ​വ​ശ്യം ശ​ക്ത​മാ​ണ്.

വ​ന​ത്തി​ന് ഒ​രു കി​ലോ​മീ​റ്റ​ർ ചു​റ്റ​ള​വി​ൽ പ​രി​സ്ഥി​തി​ലോ​ല​മാ​ക്കാ​നും പ്ര​ദേ​ശ​ങ്ങ​ൾ ക​ണ്ടെ​ത്തി രേ​ഖ​പ്പെ​ടു​ത്താ​നു​മാ​ണ് ക​ഴി​ഞ്ഞ ജൂ​ൺ മൂ​ന്നി​ന് പു​റ​ത്തു​വ​ന്ന സു​പ്രീം കോ​ട​തി വി​ധി​യി​ൽ നി​ർ​ദേ​ശി​ച്ച​ത്. അ​ത​നു​സ​രി​ച്ച് ജ​സ്റ്റി​സ് തോ​ട്ട​ത്തി​ൽ രാ​ധാ​കൃ​ഷ്ണ​ൻ ത​യാ​റാ​ക്കി​യ റി​പ്പോ​ർ​ട്ട് ആ​കാ​ശ സ​ർ​വേ​യു​ടെ അ​ടി​സ്ഥാ​ന​ത്തി​ലാ​ണ്. ശ​ക്ത​മാ​യ എ​തി​ർ​പ്പു​ണ്ടാ​യ​തോ​ടെ​യാ​ണ് അ​വ്യ​ക്ത​ത​ക​ൾ നി​റ​ഞ്ഞ ആ ​റി​പ്പോ​ർ​ട്ട് സ​ർ​ക്കാ​ർ ത​ള്ളി​യ​ത്. ‘സീ​റോ പോ​യ​ന്റ് ബ​ഫ​ർ സോ​ൺ’ ന​ട​പ്പാ​ക്ക​ൽ മാ​ത്ര​മാ​ണ് ജ​ന​ത്തെ ബാ​ധി​ക്കാ​തി​രി​ക്കാ​നു​ള്ള മാ​ർ​ഗം.