'ചൂണ്ട'യുമായി സ്​കൂളിലേക്ക്​ വരൂ... മീൻപിടിച്ച്​ മാർക്കുനേടാം

സു​ൽ​ത്താ​ൻ ബ​ത്തേ​രി: കു​ട്ടി​ക​ളു​ടെ കൊ​ഴി​ഞ്ഞു പോ​ക്ക് ത​ട​യാ​ൻ മീ​ന്‍പി​ടി​ത്ത​വും പാ​ഠ്യ​പ​ദ്ധ​തി​യു​ടെ ഭാ​ഗ​മാ​ക്കി ഒ​രു വി​ദ്യാ​ല​യം. സു​ൽ​ത്താ​ൻ ബ​ത്തേ​രി വി​ദ്യാ​ഭ്യാ​സ ഉ​പ​ജി​ല്ല​യി​ൽ ആ​ദി​വാ​സി കു​ട്ടി​ക​ള്‍ ഏ​റെ​യു​ള്ള മു​ത്ത​ങ്ങ ഗ​വ. എ​ല്‍.​പി സ്‌​കൂ​ളാ​ണ്​ കു​ട്ടി​ക​ളു​ടെ കൊ​ഴി​ഞ്ഞു​പോ​ക്ക് ത​ട​യാ​ൻ 'ചൂ​ണ്ട' എ​ന്ന പേ​രി​ൽ നൂ​ത​ന​പ​ദ്ധ​തി ആ​വി​ഷ്​​ക​രി​ച്ച​ത്.

സ്കൂ​ളി​ൽ ഹാ​ജ​രാ​കാ​തെ കു​ട്ടി​ക​ൾ മീ​ൻ​പി​ടി​ക്കാ​നും മ​റ്റും ആ​ദി​വാ​സി മേ​ഖ​ല​ക​ളി​ൽ ക​റ​ങ്ങു​ന്ന​ത്​ പ​തി​വാ​ണ്. ഇ​ത് മ​ന​സ്സി​ലാ​ക്കി​യാ​ണ് മീ​ന്‍പി​ടി​ത്തം പാ​ഠ്യ​പ​ദ്ധ​തി​യി​ല്‍ ഉ​ള്‍പ്പെ​ടു​ത്തി​യി​രി​ക്കു​ന്ന​ത്. പു​ഴ​യി​ല്‍ ചൂ​ണ്ട​യെ​റി​ഞ്ഞും കു​ട്ട​പി​ടി​ച്ചും മീ​ന്‍പി​ടി​ക്കാ​ന്‍ കു​ട്ടി​ക​ള്‍ക്കു അ​വ​സ​ര​മാ​യ​തോ​ടെ കൊ​ഴി​ഞ്ഞു​പോ​ക്കി​നും താ​ൽ​കാ​ലി​ക വി​രാ​മ​മാ​യി​ട്ടു​ണ്ട്. ക്ലാ​സ് സ​മ​യം അ​ധ്യാ​പ​ക​രു​ടെ നേ​തൃ​ത്വ​ത്തി​ല്‍ കു​ട്ടി​ക​ള്‍ പു​ഴ​യി​ലെ​ത്തി പ​ര​മ്പ​രാ​ഗ​ത രീ​തി​യി​ല്‍ മീ​ന്‍പി​ടി​ക്കു​ന്ന​താ​ണ് പ​ദ്ധ​തി. എ​സ്.​സി.​ഇ.​ആ​ര്‍.​ടി.​യു​ടെ​യും വ​യ​നാ​ട് ഡ​യ​റ്റി‍െൻറ​യും പി​ന്തു​ണ​യോ​ടെ​യാ​ണ് പ​ദ്ധ​തി ന​ട​പ്പാ​ക്കി​യ​ത്.

ഗോ​ത്ര ജീ​വി​ത​വു​മാ​യി ബ​ന്ധ​പ്പെ​ടു​ത്തി​യ പാ​ഠ്യ​പ​ദ്ധ​തി വി​ദ്യാ​ര്‍ഥി​ക​ള്‍ക്കു പ്രി​യ​മു​ള്ള​താ​യി മാ​റി​യെ​ന്ന്​ പ്ര​ധാ​ന​ധ്യാ​പി​ക സൈ​ന​ബ ചേ​ന​ക്ക​ല്‍ പ​റ​ഞ്ഞു. കു​ട്ടി​ക​ളി​ല്‍ കു​റേ പേ​ര്‍ വി​ദ്യാ​ല​യ​ത്തി​ല്‍ എ​ത്താ​താ​യ​പ്പോ​ള്‍ അ​ധ്യാ​പ​ക​ര്‍ കൊ​ഴി​ഞ്ഞു​പോ​ക്കി‍െൻറ കാ​ര​ണം തേ​ടി ഇ​റ​ങ്ങി​യി​രു​ന്നു. കാ​ര​ണം ക​ണ്ടെ​ത്തി​യ​തോ​ടെ ഡ​യ​റ്റി​ലെ അ​ധ്യാ​പ​ക​രാ​യ ഡോ. ​അ​ഭി​ലാ​ഷ് ബാ​ബു, സ​തീ​ഷ് ച​ന്ദ്ര​ന്‍ എ​ന്നി​വ​രു​മാ​യി പ​ങ്കു​വെ​ച്ചു. ഇ​താ​ണ് വി​ദ്യാ​ല​യ​ത്തി​ല്‍ മീ​ന്‍പി​ടി​ത്ത​വും പാ​ഠ്യ​പ​ദ്ധ​തി​യു​ടെ ഭാ​ഗ​മാ​കു​ന്ന​തി​ന്​ ഇ​ട​യാ​ക്കി​യ​ത്.