ധനകോടി ചിട്ടി തട്ടിപ്പ് പ്രതികളുടെ സ്വത്ത് കണ്ടുകെട്ടാൻ നടപടി

സു​ൽ​ത്താ​ൻ ബ​ത്തേ​രി: ധ​ന​കോ​ടി ചി​ട്ടി ത​ട്ടി​പ്പ് കേ​സി​ൽ ജ​യി​ലി​ൽ ക​ഴി​യു​ന്ന മൂ​ന്ന് പ്ര​തി​ക​ളു​ടെ​യും സ്വ​ത്ത് ക​ണ്ട് കെ​ട്ടി പ​ണം വ​സൂ​ലാ​ക്കാ​ൻ ന​ട​പ​ടി ഊ​ർ​ജി​ത​മാ​ക്കി. ഒ​ന്നാം പ്ര​തി മു​ൻ എം.​ഡി എം.​എം. യോ​ഹ​ന്നാ​ൻ, ഡ​യ​റ​ക്ട​ർ​മാ​രാ​യ ര​ണ്ടാം പ്ര​തി സ​ജി സെ​ബാ​സ്റ്റ്യ​ൻ, മൂ​ന്നാം പ്ര​തി ജോ​ർ​ജ് എ​ന്നി​വ​രാ​ണ് ഇ​പ്പോ​ൾ ജ​യി​ലി​ലു​ള്ള​ത്. ഇ​വ​രു​ടെ സ്വ​ത്തു​ക്ക​ൾ 2021 ലെ ​ബ​ഡ്സ് ആ​ക്ടും റൂ​ളും പ്ര​കാ​ര​മാ​ണ് പി​ടി​ച്ചെ​ടു​ക്കു​ക. വാ​ഹ​ന​ങ്ങ​ൾ, ഭൂ​മി തു​ട​ങ്ങി​യ ആ​സ്തി​ക​ൾ ക​ണ്ടു കെ​ട്ടി പ​ണം വ​സൂ​ലാ​ക്കാ​ൻ പൊ​ലീ​സി​ന്റെ ശിപാ​ർ​ശ അ​നു​സ​രി​ച്ച് സ​ർ​ക്കാ​ർ ഉ​ത്ത​ര​വി​റ​ക്കും.

ക​ർ​ണാ​ട​ക​ത്തി​ലു​ള്ള ക്ര​ഷ​ർ ഉ​ൾ​പ്പെ​ടെ​യു​ള്ള​വ ക​ണ്ടു​കെ​ട്ടും. കേ​ര​ളം, ത​മി​ഴ്നാ​ട്, ക​ർ​ണാ​ട​ക എ​ന്നി​വി​ട​ങ്ങ​ളി​ൽ പ്ര​തി​ക​ൾ​ക്കും ബ​ന്ധു​ക്ക​ൾ​ക്കും സ്വ​ത്ത് ഉ​ള്ള​താ​യാ​ണ് ക​ണ്ടെ​ത്ത​ൽ. നി​ല​വി​ലു​ള്ള കേ​സ് ഹൈ​കോ​ട​തി മ​റ്റ​ന്നാ​ൾ പ​രി​ഗ​ണി​ക്കാ​നി​രി​ക്കെ കേ​സ് സം​സ്ഥാ​ന ക്രൈം​ബ്രാ​ഞ്ച് ഏ​റ്റെ​ടു​ത്തി​രു​ന്നു.

നി​ല​വി​ൽ വ​യ​നാ​ട് ജി​ല്ലാ ക്രൈം ​ബ്രാ​ഞ്ച് ഡിവൈ.​എ​സ്.​പി എ. ​റാ​ബി​യ​ത്തി​ന്റെ നേ​തൃ​ത്വ​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ൽ 18 കോ​ടി രൂ​പ​യു​ടെ ത​ട്ടി​പ്പാ​ണ് ക​ണ്ടെ​ത്തി​യ​ത്. ആ​റ് കോ​ടി രൂ​പ​യും വ​യ​നാ​ട്, ക​ണ്ണൂ​ർ ജി​ല്ല​ക​ളി​ലെ ഇ​ട​പാ​ടു​കാ​ർ​ക്കാ​ണ് ല​ഭി​ക്കാ​നു​ള്ള​ത്. കോ​ഴി​ക്കോ​ട്, മ​ല​പ്പു​റം, ക​ണ്ണൂ​ർ, വ​യ​നാ​ട് ജി​ല്ല​ക​ളി​ലാ​യി 22 ബ്രാ​ഞ്ചു​ക​ൾ ഉ​ണ്ടാ​യി​രു​ന്ന ധ​ന കോ​ടി ചി​ട്ടി​യി​ൽ​നി​ന്ന് ആ​യി​ര​ക​ണ​ക്കി​നാ​ളു​ക​ൾ​ക്കാ​ണ് പ​ണം ല​ഭി​ക്കാ​നു​ള്ള​ത്. നി​ല​വി​ൽ ക​ണ്ണൂ​ർ, വ​യ​നാ​ട് ജി​ല്ല​ക​ളി​ലാ​യി നൂ​റോ​ളം പ​രാ​തി​ക​ളാ​ണു​ള്ള​ത്.

ക​ഴി​ഞ്ഞ ഏ​പ്രി​ൽ അ​വ​സാ​നം ധ​ന​കോ​ടി ചി​റ്റ്സി​ന്റെ ഓ​ഫി​സു​ക​ളും ബ്രാ​ഞ്ചു​ക​ളും പൂ​ട്ടി ഉ​ട​മ​യും ഡ​യ​റ​ക്ട​ർ​മാ​രും ഒ​ളി​വി​ൽ പോ​യ​തോ​ടെ​യാ​ണ് ഇ​ട​പാ​ടു​കാ​ർ ത​ട്ടി​പ്പ് വി​വ​രം അ​റി​യു​ന്ന​ത്. ശ​മ്പ​ള​വും ആ​നു​കൂ​ല്യ​ങ്ങ​ളും മാ​സ​ങ്ങ​ളാ​യി ല​ഭി​ക്കു​ന്നി​ല്ലെ​ന്നാ​രോ​പി​ച്ച് ജീ​വ​ന​ക്കാ​രും പ്ര​തി​ഷേ​ധ​ത്തി​ലാ​ണ്.

ധ​ന​കോ​ടി ചി​റ്റ്സ് പ്രൈ​വ​റ്റ് ലി​മി​റ്റ​ഡി​ന്റെ സു​ൽ​ത്താ​ൻ ബ​ത്തേ​രി കോ​ട്ട​ക്കു​ന്നി​ൽ പ്ര​വ​ർ​ത്തി​ക്കു​ന്ന ഹെ​ഡ് ഓ​ഫി​സി​ൽ നി​ന്ന് 16 ക​മ്പ്യൂ​ട്ട​റു​ക​ളും മ​റ്റ് രേ​ഖ​ക​ളും പൊ​ലീ​സ് റെ​യ്ഡ് ന​ട​ത്തി പി​ടി​ച്ചെ​ടു​ത്തി​രു​ന്നു.