ഊട്ടിയിൽ മഞ്ഞുവീഴ്ച രൂക്ഷമായി

ഗൂഡല്ലൂർ: ഊട്ടിയിൽ മഞ്ഞുവീഴ്​ച രൂക്ഷമായി. ഇതോടെ രാത്രിയും രാവിലെയും ജനങ്ങൾ പുറത്തിറങ്ങാൻ മടിക്കുകയാണ്​.

കഴിഞ്ഞ രണ്ടു ദിവസമായി കൊടുംതണുപ്പാണ്​ അനുഭവപ്പെടുന്നത്. തലൈകുന്തയിലെ കാമരാജ് ഡാമിലെ ജലത്തിൽനിന്ന് ആവിപാറുന്ന കാഴ്ചയും കോടമഞ്ഞിറങ്ങുന്നതും മനോഹര കാഴ്​ചയായിട്ടുണ്ട്​.

തണുപ്പ്​ വകവെക്കാതെ പലരും ഇത് മൊബൈലിലും കാമറയിലും പകർത്താൻ വാഹനത്തിൽനിന്നും ഇറങ്ങുന്നുണ്ട്​. രണ്ടു ദിവസമായി ഗൂഡല്ലൂരിലും പന്തല്ലൂരിലും നല്ല തണുപ്പാണ് അനുഭവപ്പെടുന്നത്.