ചെ​റി​യ പാ​ലം സം​ര​ക്ഷ​ണ​ഭി​ത്തി ത​ക​ര​ൽ; കാ​ര​ണം ക​രാ​റു​കാ​ര​നും പി.​ഡ​ബ്ല്യു.​ഡി​യും

പ​ന​മ​രം: ന​ട​വ​യ​ൽ റോ​ഡി​ലെ ഗ​താ​ഗ​തം ത​ട​സ്സ​പ്പെ​ടാ​നു​ള്ള കാ​ര​ണം പാ​ലം നി​ർ​മി​ക്കു​ന്ന ക​രാ​റു​കാ​ര​ന്റെ​യും പി.​ഡ​ബ്ല്യു.​ഡി​യു​ടെ​യും ഉ​ദാ​സീ​ന​ത. പു​തു​താ​യി നി​ർ​മി​ക്കു​ന്ന പാ​ല​ത്തി​ന്റെ അ​രി​ക് കെ​ട്ടാ​ൻ​വേ​ണ്ടി പ​ഴ​യ പാ​ലം അ​പ്രോ​ച്ച് റോ​ഡി​ന്റെ സൈ​ഡ് കെ​ട്ട് മ​ണ്ണു​മാ​ന്തി യ​ന്ത്രം​കൊ​ണ്ടു മാ​ന്തി​യ​താ​ണ് റോ​ഡി​നു വി​ള്ള​ൽ വീ​ഴാ​ൻ കാ​ര​ണ​മാ​യ​ത്. ചെ​റി​യ പാ​ല​ത്തി​ന്റെ സം​ര​ക്ഷ​ണ​ഭി​ത്തി ഇ​തോ​ടെ ത​ക​ർ​ന്നു. മൂ​ന്നു​ദി​വ​സ​മാ​യി ക​ന​ത്ത മ​ഴ​യാ​ണ്.

ര​ണ്ടു​വ​ർ​ഷം മു​മ്പ് തു​ട​ങ്ങി​യ പു​തി​യ പാ​ലം നി​ർ​മാ​ണം ഒ​ച്ചി​ന്‍റെ വേ​ഗ​ത​യി​ലാ​ണ്. പാ​ലം നി​ർ​മാ​ണം മ​ഴ​ക്കു​മു​മ്പ് തീ​ർ​ക്കു​മെ​ന്ന് ബ​ന്ധ​പ്പെ​ട്ട​വ​ർ പ​റ​ഞ്ഞി​രു​ന്നു. മ​ഴ​യെ​യും അ​പ​ക​ട​ത്തെ​യും​ക്കു​റി​ച്ച് ഒ​രു ധാ​ര​ണ​യു​മി​ല്ലാ​തെ പ​ഴ​യ കെ​ട്ട് പൊ​ളി​ച്ച​താ​ണ് നി​ല​വി​ലെ പ്ര​ശ്ന​ങ്ങ​ൾ​ക്ക് കാ​ര​ണം. ചെ​റു​പു​ഴ നി​റ​ഞ്ഞൊ​ഴു​കു​ന്ന സ​മ​യം ക​ല്ലു​കെ​ട്ട് പൊ​ളി​ക്കാ​ൻ പാ​ടി​ല്ലാ​യി​രു​ന്നു. വ​ലി​യ നി​ർ​മാ​ണം ന​ട​ക്കു​ന്ന സ്ഥ​ല​ത്ത് ഡി​പ്പാ​ർ​ട്ട്മെ​ന്റ് ഓ​വ​ർ​സി​യ​ർ ഇ​ല്ലാ​തി​രു​ന്ന​തും ​ദു​ര​വ​സ്ഥ​ക്ക് കാ​ര​ണ​മാ​യി.

വ​കു​പ്പ് ഉ​ദ്യോ​ഗ​സ്ഥ​രു​ടെ അ​നാ​സ്ഥ​യാ​ണ് ന​ട​വ​യ​ൽ റോ​ഡി​ലെ ഗ​താ​ഗ​തം പൂ​ർ​ണ​മാ​യും ത​ട​സ്സ​പ്പെ​ടാ​ൻ കാ​ര​ണം. മാ​ന​ന്ത​വാ​ടി ഭാ​ഗ​ത്തു​നി​ന്ന് പു​ൽ​പ​ള്ളി-​ബ​ത്തേ​രി നി​ർ​വാ​രം നെ​ല്ലി​യ​മ്പം തു​ട​ങ്ങി​യ പ്ര​ദേ​ശ​ങ്ങ​ളി​ലേ​ക്കു​ള്ള നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് ചെ​റു​പു​ഴ പാ​ലം വ​ഴി ക​ട​ന്നു​പോ​കു​ന്ന​ത്. പാ​ലം വ​ഴി​യു​ള്ള ഗ​താ​ഗ​തം തി​ങ്ക​ളാ​ഴ്ച പൂ​ർ​ണ​മാ​യും ത​ട​സ്സ​പ്പെ​ട്ടി​രു​ന്നു. മു​പ്പ​തോ​ളം സ്വ​കാ​ര്യ ബ​സു​ക​ൾ സ​ർ​വി​സ് ന​ട​ത്തു​ന്ന റോ​ഡാ​ണി​ത്. ചൊ​വ്വാ​ഴ്ച ചെ​റി​യ വാ​ഹ​ന​ങ്ങ​ൾ ക​ട​ത്തി വി​ടാ​ൻ തു​ട​ങ്ങി​യി​ട്ടു​ണ്ട്.