വ്യാജ തേൻ വിൽപന: നടപടിയെടുക്കുന്നില്ലെന്ന് പരാതി

ഗൂഡല്ലൂർ: വിനോദ സഞ്ചാരികളെ ലക്ഷ്യമിട്ട് ഊട്ടി-ഗൂഡല്ലൂർ-മൈസൂർ ദേശീയപാതയിൽ വ്യാജ തേൻ വിൽപന നടക്കുന്നത് കണ്ടെത്തി തടഞ്ഞ് അധികൃതർക്ക് വിവരം നൽകിയിട്ടും നടപടിയെടുക്കുന്നില്ലെന്ന് പരാതി. തേൻ കൂടടക്കം പ്രദർശിപ്പിച്ചാണ് വെല്ലം ഉരുക്കിയും മറ്റും നിർമിച്ച വ്യാജ തേൻ വിൽപന നടത്തുന്നത്. '

കഴിഞ്ഞ ദിവസം ഊട്ടി ഗൂഡല്ലൂർ പാതയിൽ വിൽപനക്ക് വെച്ച നാടോടികളുടെ വ്യാജ തേൻ വിൽപന, കോൺഗ്രസ് നേതാവും ഗൂഡല്ലൂർ നഗരസഭ കൗൺസിലറുമായ ഉസ്മാൻ തടഞ്ഞ് ഡി.എഫ്.ഒ, ഭക്ഷ്യസുരക്ഷ വിഭാഗം അധികൃതർ എന്നിവരോടും മറ്റും പരാതിപ്പെട്ടിട്ടും നടപടിയെടുത്തില്ലെന്നാണ് കൗൺസിലറുടെ പരാതി.