റോഡ് ഉപരോധം; യാത്രക്കാർ വലഞ്ഞു

ഗൂഡല്ലൂർ:മൈസൂർ-നാഗപട്ടണം ദേശീയപാതയിൽ ഗൂഡല്ലൂരിന് സമീപം തുറപ്പള്ളിയിൽ ദേശീയപാത ഉപരോധിച്ചതുമൂലം യാത്രക്കാർ മണിക്കൂറുകളോളം വഴിയിൽ കുടുങ്ങി . കർണാടക മൈസൂർ ബാംഗ്ലൂർ ഭാഗത്തുനിന്ന് നിന്ന് ചെന്നൈ മറ്റ് ഭാഗത്തേക്കുള്ള ട്രെയിൻ, വിമാനയാത്രക്കാരും അതുപോലെ കേരളത്തിലേക്ക് എക്സ്പ്രസ് സർവീസ് നടത്തുന്ന വെജിറ്റബിൾ ലോറികളും അടക്കമുള്ള ചരക്കുവാഹനങ്ങൾ മണികൂറുകളോളമാണ് നിർത്തേണ്ടി വന്നത്​.

ബുധനാഴ്ച 12 മണി മുതൽ ഒരു മണിക്കൂർ സമയം ഉപരോധം നടത്തിയപ്പോൾ ചർച്ചക്ക് അധികൃതർ എത്തിയില്ല, പൊലീസ് അഭ്യർഥനമാനിച്ച് ഒരു മണിക്കൂറിന്​ ശേഷം റോഡ് ഉപരോധം പിൻവലിച് മാറിനിന്നു . അതിനുശേഷവും അധികൃതരെത്തിയില്ല. തുടർന്ന് ഉച്ചയ്ക്ക് രണ്ടര മുതൽ വീണ്ടും ഉപരോധം തുടർന്നതോടെയാണ് വാഹനങ്ങൾ കടന്നുപോകാൻ ആവാതെ വന്നത്.