കഞ്ചാവുമായി യുവാവ് പിടിയിൽ

പുൽപള്ളി: സുൽത്താൻ ബത്തേരി എക്സൈസ് റേഞ്ച് സംഘം പുൽപള്ളി പെരിക്കല്ലൂർ കടവ് ഭാഗത്ത് നടത്തിയ പരിശോധനയിൽ 480 ഗ്രാം കഞ്ചാവുമായി യുവാവ് അറസ്റ്റിലായി. വടകര ഇരിങ്ങന്നൂർ ചിരകൻപുന്നത്തിൽ വീട്ടിൽ മുഹമ്മദ് അലി (33) ആണ് പിടിയിലായത്.

അസി. എക്സൈസ് ഇൻസ്പെക്ടർ കെ.ബി. ബാബുരാജിന്റെ നേതൃത്വത്തിലുള്ള പരിശോധന സംഘത്തിൽ പ്രിവന്റിവ് ഓഫിസർ പി.കെ. മനോജ് കുമാർ, സിവിൽ എക്സൈസ് ഓഫിസർമാരായ പി.ആർ. വിനോദ്, കെ.വി. രാജീവൻ, ജ്യോതിസ് മാത്യു, എം.ജെ. ഷിനോജ്, അൻവർ സാദത്ത് എന്നിവരും ഉണ്ടായിരുന്നു.