കാട്ടാനകളിറങ്ങിയാലെന്തു കാട്ടാനാ!

പാ​തി​രി പ്ര​ദേ​ശ​ത്ത് കാ​ട്ടാ​നശ​ല്യം രൂ​ക്ഷം

പു​ൽ​പ​ള്ളി: പാ​തി​രി പ്ര​ദേ​ശ​ത്ത് കാ​ട്ടാ​ന വ്യാ​പ​ക​മാ​യി കൃ​ഷി ന​ശി​പ്പി​ച്ചു. നി​ല​വി​ൽ ഇ​വി​ടെ ഫെ​ൻ​സി​ങ് സിം​ഗി​ൾ ലൈ​നാ​ണ്. അ​ത് മാ​റ്റി ശാ​ശ്വ​ത പ​രി​ഹാ​ര​മാ​യി തൂ​ക്ക് ഫെ​ൻ​സി​ങ് നി​ർ​മി​ക്ക​ണ​മെ​ന്നാ​ണ് ആ​വ​ശ്യം. എം.​എ​ൽ.​എ ഫ​ണ്ട് ഉ​പ​യോ​ഗി​ച്ച് ഇ​തി​ന​ടു​ത്തു വ​രെ തൂ​ക്ക് ഫെ​ൻ​സി​ങ് സ്ഥാ​പി​ച്ചി​ട്ടു​ണ്ട്. പാ​തി​രി, കു​ടി​യാ​ൻ​മ​ല ഭാ​ഗ​ത്തേ​ക്ക് ഇ​ത് നീ​ട്ട​ണ​മെ​ന്നു​ള​ള പ്ര​ദേ​ശ​വാ​സി​ക​ളു​ടെ വ​ർ​ഷ​ങ്ങ​ളാ​യു​ള്ള ആ​വ​ശ്യം ഇ​തു​വ​രെ അം​ഗീ​ക​രി​ക്ക​പ്പെ​ട്ടി​ട്ടി​ല്ല. പ്ര​ദേ​ശ​ത്ത് കാ​ട്ടാ​ന വ്യാ​പ​ക​മാ​യി കൃ​ഷി നാ​ശം ഉ​ണ്ടാ​ക്കു​ന്നു​ണ്ട്.

ഈ ​പ്ര​ദേ​ശ​ത്ത് സ്ഥി​ര​മാ​യി വാ​ച്ച​ർ​മാ​രെ വേ​ണ​മെ​ന്ന് വ​നം വ​കു​പ്പി​നോ​ട് ആ​വ​ശ്യ​പ്പെ​ട്ടി​ട്ടും ഫ​ല​മി​ല്ല. നി​ര​പ്പേ​ൽ കു​ര്യ​ൻ, ലി​ജോ ജോ​ൺ മൂ​ല​ക്കാ​ട്ട്, ഉ​ണ്ണി കൃ​ഷ്ണ​ൻ, ലോ​ഹി​തദാ​സ്, സൈ​മ​ൺ ക​ണ്ണാ​ന​പ്പ​ട​വി​ൽ, മ​ണി ഊ​രാ​ളി​പ്പാ​ടി എ​ന്നി​വ​രു​ൾ​പ്പെ​ടെ​യു​ള്ള മു​പ്പ​തോ​ളം ക​ർ​ഷ​ക​രു​ടെ കൃ​ഷി​യാ​ണ് ഒ​റ്റ​രാ​ത്രി കൊ​ണ്ട് ന​ശി​പ്പി​ച്ച​ത്. വ​ന്യ​മൃ​ഗ ശ​ല്യ​ത്തി​ന് ശാ​ശ്വ​ത പ​രി​ഹാ​രം കാ​ണ​ണ​മെ​ന്ന് വാ​ർ​ഡ് മെം​ബ​ർ പി.​എ​സ്. ക​ലേ​ഷ് ആ​വ​ശ്യ​പ്പെ​ട്ടു.

കു​ന്ന​മ്പ​റ്റ മേ​ഖ​ല​യി​ൽ ‘വി​ള​വെ​ടു​ത്ത്’ കാ​ട്ടാ​ന​ക​ൾ

മേ​പ്പാ​ടി: കു​ന്ന​മ്പ​റ്റ​യി​ലെ ജ​ന​വാ​സ മേ​ഖ​ല​യി​ൽ കാ​ട്ടാ​ന​ക​ൾ വി​ഹ​രി​ക്കു​ന്നു. ക​ർ​ഷ​ക​ർ ന​ട​ത്തു​ന്ന കൃ​ഷി​ക​ളു​ടെ ‘വി​ള​വെ​ടു​പ്പ്’ ന​ട​ത്തു​ന്ന​ത് കാ​ട്ടാ​ന​ക​ളെ​ന്ന് ആ​ക്ഷേ​പം. വാ​ഴ​, തെ​ങ്ങ്, ക​മു​ക്, കാ​പ്പി​ച്ചെ​ടി തു​ട​ങ്ങി എ​ല്ലാ കൃ​ഷി​ക​ളും വ്യാ​പ​ക​മാ​യി കാ​ട്ടാ​ന​ക്കൂ​ട്ടം ന​ശി​പ്പി​ക്കു​ന്നു. കി​ഴ​ക്കേ​ക്ക​ര​യി​ൽ ക​ർ​ഷ​ക​നാ​യ ലി​റാ​റി​ന്റെ 200 നേ​ന്ത്ര​വാ​യാക​ളാ​ണ് ഒ​റ്റ രാ​ത്രി കൊ​ണ്ട് ആ​ന​ക​ൾ ച​വി​ട്ടി​മെ​തി​ച്ച​ത്. ഇ​തു പോ​ലെ വി​ള​ക​ൾ ന​ശി​പ്പി​ക്ക​പ്പെ​ട്ട നി​ര​വ​ധി ക​ർ​ഷ​ക​ർ പ്ര​ദേ​ശ​ത്തു​ണ്ട്.

സ​ന്ധ്യ​യാ​യാ​ൽ കാ​ട്ടാ​ന​ക​ൾ ജ​ന​വാ​സ മേ​ഖ​ല​യി​ലേ​ക്കി​റ​ങ്ങു​ന്നു. അ​തി​നാ​ൽ രാ​ത്രികാ​ല​ങ്ങ​ളി​ൽ ഭീ​തി​യോ​ടെ​യാ​ണ് ജ​ന​ങ്ങ​ൾ ക​ഴി​യു​ന്ന​ത്. ചെ​മ്പ്ര വ​നമേ​ഖ​ല​യി​ൽ നി​ന്നാ​ണ് കാ​ട്ടാ​ന​ക​ൾ കൂ​ട്ട​മാ​യി നാ​ട്ടി​ലേ​ക്കെ​ത്തു​ന്ന​ത്. ഇ​തു​ത​ട​യാ​ൻ വ​നാ​തി​ർ​ത്തി​യി​ൽ വൈ​ദ്യു​തി ഫെ​ൻ​സി​ങ് അ​ട​ക്ക​മു​ള്ള പ്ര​തി​രോ​ധ ന​ട​പ​ടി​ക​ൾ വേ​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്. ജ​ന​വാ​സ കേ​ന്ദ്ര​ങ്ങ​ളി​ൽ ആ​ന​ക​ളി​റ​ങ്ങു​ന്ന​ത് ഭീ​തി പ​ട​ർ​ത്തു​ന്നു.

സി​ത്താ​റം വ​യ​ൽ, എ​ട്ടാം ന​മ്പ​ർ എ​ന്നി​വി​ട​ങ്ങ​ളി​ലെ ജ​ന​വാ​സ കേ​ന്ദ്ര​ങ്ങ​ളി​ൽ കാ​ട്ടാ​ന പു​ല​ർ​ച്ച സ​മ​യ​ങ്ങ​ളി​ൽ ഇ​റ​ങ്ങു​ന്ന​ത് മ​ദ്റ​സ വി​ദ്യാ​ർ​ഥി​ക​ൾ​ക്കും നാ​ട്ടു​കാ​ർ​ക്കും ഭീ​ഷ​ണി​യാ​ണ്.