ഭീതിയൊഴിയുന്നില്ല; പുൽപള്ളിയിൽ കടുവ ആക്രമണം തുടരുന്നു

പു​ൽ​പ​ള്ളി: വി​വി​ധ ജ​ന​വാ​സ കേ​ന്ദ്ര​ങ്ങ​ളി​ലു​ള്ള​വ​രെ ഭീ​തി​യി​ലാ​ഴ്ത്തി ക​ടു​വ ആ​ക്ര​മ​ണം തു​ട​രു​ന്നു. ആ​ടി​ക്കൊ​ല്ലി പ​ന്ന​പ്പു​റ​ത്ത് സു​രേ​ന്ദ്ര​ന്‍റെ വീ​ടി​നോ​ട് ചേ​ർ​ന്ന കൂ​ട്ടി​ൽ നി​ന്നും മൂ​ന്നു വ​യ​സ്സ് പ്രാ​യ​മു​ള്ള ആ​ടി​നെ ക​ടു​വ പി​ടി​കൂ​ടി​ക്കൊ​ന്നു. വ്യാ​ഴാ​ഴ്ച പു​ല​ർ​ച്ചെ ശ​ബ്ദം​കേ​ട്ട് പു​റ​ത്തി​റ​ങ്ങി​യ വീ​ട്ടു​കാ​ർ ക​ടു​വ ആ​ടി​നെ കൊ​ന്ന നി​ല​യി​ൽ കാ​ണു​ക​യാ​യി​രു​ന്നു.

പ്ര​ദേ​ശ​ത്ത് ക​ഴി​ഞ്ഞ കു​റേ നാ​ളു​ക​ളാ​യി ക​ടു​വ​യു​ടെ സാ​ന്നി​ധ്യ​മു​ണ്ട്. ഒ​രാ​ഴ്ച​ക്കി​ടെ ഏ​രി​യ​പ്പ​ള്ളി, ചേ​പ്പി​ല എ​ന്നി​വി​ട​ങ്ങ​ളി​ൽ നി​ന്ന് ര​ണ്ടു പ​ശു​ക്കു​ട്ടി​ക​ളെ പി​ടി​കൂ​ടി കൊ​ന്നി​രു​ന്നു. വ​ന​പാ​ല​ക​ർ സ്ഥ​ല​ത്ത് പ​രി​ശോ​ധ​ന ന​ട​ത്തി. ക​ടു​വ​യെ പി​ടി​കൂ​ടാ​ൻ ക​ഴി​ഞ്ഞ ദി​വ​സം ചേ​പ്പി​ല​യി​ൽ കാ​മ​റ​യും കൂ​ടും സ്ഥാ​പി​ച്ചി​രു​ന്നു. വ്യാ​ഴാ​ഴ്ച ആ​ടി​ക്കൊ​ല്ലി​യി​ലും ക​ടു​വ​യെ പി​ടി​കൂ​ടു​ന്ന​തി​നാ​യി വ​നം​വ​കു​പ്പ് കൂ​ട് സ്ഥാ​പി​ച്ചു.

വ്യാ​ഴാ​ഴ്ച ആ​ടി​നെ കൊ​ന്ന സ്ഥ​ല​ത്തു​നി​ന്നും 200 മീ​റ്റ​ർ അ​ക​ലെ​യാ​യാ​ണ് കൂ​ട് സ്ഥാ​പി​ച്ച് വ​നം​വ​കു​പ്പ് നി​രീ​ക്ഷ​ണം ശ​ക്ത​മാ​ക്കി​യ​ത്. ജ​ന​ങ്ങ​ള്‍ ജാ​ഗ്ര​ത പാ​ലി​ക്ക​ണ​മെ​ന്ന് വ​നം​വ​കു​പ്പ് നി​ര്‍ദേ​ശം ന​ല്‍കി.

പ്ര​ദേ​ശ​ത്ത് കൂ​ടു​ത​ല്‍ വ​നം വ​കു​പ്പു​ദ്യോ​ഗ​സ്ഥ​രെ​ത്തി പ​രി​ശോ​ധ​ന ശ​ക്തി​പ്പെ​ടു​ത്തി​യി​ട്ടു​ണ്ട് മേ​ഖ​ല​യി​ൽ ക​ടു​വ ആ​ക്ര​മ​ണ​ങ്ങ​ൾ വ​ർ​ധി​ക്കു​ന്ന​തി​ന്‍റെ ഭീ​തി​യി​ലാ​ണ് ജ​ന​ങ്ങ​ൾ. വ്യാ​ഴാ​ഴ്ച​ത്തെ സം​ഭ​വ​മു​ൾ​പ്പെ​ടെ ക​ഴി​ഞ്ഞ ഒ​രാ​ഴ്ച​ക്ക​ി​ടെ മൂ​ന്നു ക​ർ​ഷ​ക​രു​ടെ വ​ള​ർ​ത്തു​മൃ​ഗ​ങ്ങ​ളെ​യാ​ണ് ക​ടു​വ കൊ​ന്ന​ത്.

തു​ട​ർ​ച്ച​യാ​യ ദി​വ​സ​ങ്ങ​ളി​ലാ​ണ് ആ​ക്ര​മ​ണ​മു​ണ്ടാ​യി​രി​ക്കു​ന്ന​ത്. ഇ​തോ​ടെ പു​ൽ​പ​ള്ളി പ​ഞ്ചാ​യ​ത്തി​ലെ ഏ​രി​യ​പ്പ​ള്ളി, ചേ​പ്പി​ല, ആ​ടി​ക്കൊ​ല്ലി, അ​ൻ​പ​ത്താ​റ്, ചീ​യ​മ്പം 73 പ്ര​ദേ​ശ​ങ്ങ​ളി​ലെ ജ​ന​ങ്ങ​ൾ ഭീ​തി​യി​ൽ ക​ഴി​യു​ക​യാ​ണ്. ര​ണ്ടു പ​ശു​ക്കി​ടാ​ങ്ങ​ളെ​യും ഒ​രു ആ​ടി​നെ​യു​മാ​ണ് ക​ടു​വ കൊ​ന്നി​രി​ക്കു​ന്ന​ത്.

ക​ടു​വ​യെ പി​ടി​കൂ​ടു​ന്ന​തി​ന് കൂ​ട് സ്ഥാ​പി​ച്ചി​ട്ടു​ണ്ടെ​ങ്കി​ലും ഈ ​ഭാ​ഗ​ത്തേ​ക്ക് ക​ടു​വ​യു​ടെ സാ​ന്നി​ധ്യം പി​ന്നീ​ടു​ണ്ടാ​യി​ല്ല. പു​തി​യ​യി​ട​ങ്ങ​ളി​ലേ​ക്ക് ക​ടു​വ മാ​റു​ക​യും വ​ള​ർ​ത്തു​മൃ​ഗ​ങ്ങ​ളെ പി​ടി​കൂ​ടു​ക​യു​മാ​ണ് ചെ​യ്യു​ന്ന​ത്.

മ​ഴ ല​ഭി​ച്ച​തി​നെ​തു​ട​ർ​ന്ന് കാ​ർ​ഷി​ക ജോ​ലി​ക​ൾ ചെ​യ്യേ​ണ്ട സ​മ​യ​മാ​ണി​ത്. ഈ ​സ​മ​യ​ത്ത് ക​ടു​വ​യു​ടെ സാ​ന്നി​ധ്യ​മു​ണ്ടാ​യ​ത് കൃ​ഷി​യി​ട​ങ്ങ​ളി​ൽ പ​ണി​യെ​ടു​ക്കു​ന്ന​തി​ൽ നി​ന്നും ക​ർ​ഷ​ക​രെ അ​ക​റ്റു​ക​യാ​ണ്. ക്ഷീ​ര ക​ർ​ഷ​ക​ർ ഏ​റെ ഭ​യ​ത്തോ​ടെ​യാ​ണ് പു​ല​ർ​ച്ചെ പാ​ൽ അ​ള​ക്കു​ന്ന സെ​ന്‍റ​റി​ലേ​ക്ക് പോ​കു​ന്ന​ത്. മേ​ഖ​ല​യി​ലെ പ​ല പ്ര​ദേ​ശ​ങ്ങ​ളും കാ​ടു​നി​റ​ഞ്ഞ നി​ല​യി​ലാ​ണ്.

ഇ​വി​ട​ങ്ങ​ളി​ലാ​കാം പ​ക​ൽ സ​മ​യ​ങ്ങ​ളി​ൽ ക​ടു​വ ത​ങ്ങു​ന്ന​തെ​ന്നും സം​ശ​യി​ക്കു​ന്നു. ക​ടു​വ​യെ മ​യ​ക്കു​വെ​ടി​ച്ച് പി​ടി​കൂ​ട​ണ​മെ​ന്ന ആ​വ​ശ്യം ശ​ക്ത​മാ​വു​ക​യാ​ണ്.