ജ​ന​വാ​സ കേ​ന്ദ്ര​ത്തി​ൽ വീ​ണ്ടും ക​ടു​വ

പു​ൽ​പ​ള്ളി: മു​ള്ള​ൻ​കൊ​ല്ലി പ​ഞ്ചാ​യ​ത്തി​ലെ സു​ര​ഭി​ക്ക​വ​ല​യി​ൽ ക​ടു​വ ആ​ടി​നെ കൊ​ന്നു. സു​ര​ഭി​ക്ക​വ​ല പാ​ല​മ​റ്റം സു​നി​ലി​ന്റെ വീ​ട്ടി​ലെ ര​ണ്ട​ര വ​യ​സ്സാ​യ ക​റ​വ​യു​ള്ള ജ​മു​ന​പ്യാ​രി ആ​ടി​നെ​യാ​ണ് ക​ടു​വ കൊ​ന്ന​ത്. വീ​ടി​ന​ടു​ത്തു​ള്ള കൂ​ട്ടി​ൽ​നി​ന്നാ​ണ് ചൊ​വ്വാ​ഴ്ച രാ​ത്രി ആ​ടി​നെ പി​ടി​കൂ​ടി​യ​ത്. ശ​രീ​ര​ഭാ​ഗ​ങ്ങ​ൾ പൂ​ർ​ണ​മാ​യും ഭ​ക്ഷി​ച്ച നി​ല​യി​ൽ തൊ​ട്ട​ടു​ത്ത തോ​ട്ട​ത്തി​ൽ ആ​ടി​നെ ക​ണ്ടെ​ത്തി. ആ​ടി​ന്റെ ത​ല ഒ​രു കി​ലോ​മീ​റ്റ​ർ ദൂ​രെ​യു​ള്ള തോ​ട്ട​ത്തി​ലാ​ണ് ക​ണ്ട​ത്. ഒ​രാ​ഴ്ച മു​മ്പ് താ​ന്നി​ത്തെ​രു​വ് വെ​ള്ള​ക്കെ​ട്ട് താ​ഴ​ത്തേ​ട​ത്ത് ശോ​ശാ​മ്മ​യു​ടെ പ​ശു​ക്കി​ടാ​വി​നെ ക​ടു​വ കൊ​ല​പ്പെ​ടു​ത്തി​യി​രു​ന്നു. കൂ​ട് സ്ഥാ​പി​ച്ചെ​ങ്കി​ലും ക​ടു​വ കൂ​ട്ടി​ല​ക​പ്പെ​ട്ടി​ല്ല.

ജ​ന​വാ​സ മേ​ഖ​ല​യി​ൽ ക​ടു​വ​യു​ടെ സാ​ന്നി​ധ്യം തു​ട​ർ​ക്ക​ഥ​യാ​യി മാ​റി​യി​രി​ക്കു​ക​യാ​ണ്. പു​ൽ​പ​ള്ളി, മു​ള്ള​ൻ​കൊ​ല്ലി പ്ര​ദേ​ശ​ങ്ങ​ൾ ര​ണ്ടു മാ​സ​ത്തി​ലേ​റെ​യാ​യി ക​ടു​വ​പ്പേ​ടി​യി​ലാ​ണ്. പ്ര​തി​ഷേ​ധം ക​ന​ക്കു​മ്പോ​ഴും ക​ടു​വ​യെ പി​ടി​കൂ​ടാ​ൻ ക​ഴി​യു​ന്നി​ല്ല. ഒ​ന്നി​ല​ധി​കം ക​ടു​വ​ക​ൾ മേ​ഖ​ല​യി​ൽ ഉ​ണ്ടെ​ന്നാ​ണ് വി​ല​യി​രു​ത്ത​ൽ. പാ​ടി​ച്ചി​റ​യി​ലും പു​ൽ​പ​ള്ളി താ​ന്നി​ത്തെ​രു​വി​ലും കൂ​ട് സ്ഥാ​പി​ച്ചി​ട്ട് ദി​വ​സ​ങ്ങ​ൾ ക​ഴി​ഞ്ഞു. കാ​മ​റ​യി​ൽ പോ​ലും ക​ടു​വ​യു​ടെ ദൃ​ശ്യ​ങ്ങ​ൾ പ​തി​ഞ്ഞി​ട്ടി​ല്ല.

നി​ല​വി​ൽ സു​ര​ഭി​ക്ക​വ​ല മേ​ഖ​ല​യി​ൽ ക​ണ്ട ക​ടു​വ കാ​ടു​മൂ​ടി​യ തോ​ട്ട​ങ്ങ​ൾ കേ​ന്ദ്രീ​ക​രി​ച്ചാ​ണ് ത​ങ്ങു​ന്ന​തെ​ന്നാ​ണ് അ​നു​മാ​നം. ഇ​തു​കാ​ര​ണം തോ​ട്ട​ങ്ങ​ളി​ൽ കൃ​ഷി​പ്പ​ണി​ക്ക​ട​ക്കം പോ​കാ​ൻ പ​റ്റാ​ത്ത അ​വ​സ്ഥ​യാ​ണ്.