കടുവ സാന്നിധ്യം; ഭീതിയൊഴിയാതെ കാപ്പിക്കുന്ന്

പു​ൽ​പ​ള്ളി: പു​ൽ​പ​ള്ളി​യി​ലെ കാ​പ്പി​ക്കു​ന്നി​ലെ​യും പ​രി​സ​ര പ്ര​ദേ​ശ​ത്തെ​യും ക​ടു​വ ഭീ​തി​യൊ​ഴി​യു​ന്നി​ല്ല. ക​ഴി​ഞ്ഞ ദി​വ​സ​ങ്ങ​ളി​ൽ മൂ​ഴി​മ​ല, കാ​പ്പി​ക്കു​ന്ന്, താ​ഴെ കാ​പ്പി​ൽ പ്ര​ദേ​ശ​ങ്ങ​ളി​ൽ ക​ടു​വ​യെ നാ​ട്ടു​കാ​ർ ക​ണ്ടി​രു​ന്നു. ഇ​തോ​ടെ പ്ര​ദേ​ശ​വാ​സി​ക​ൾ​ക്ക് തോ​ട്ട​ങ്ങ​ളി​ൽ പ​ണി​യെ​ടു​ക്കാ​ൻ പ​റ്റാ​ത്ത സ്ഥി​തി​യാ​യി. ക​ടു​വ​യെ നി​രീ​ക്ഷി​ക്കാ​നാ​യി വ​നം​വ​കു​പ്പ് കാ​മ​റ​ക​ൾ സ്ഥാ​പി​ച്ചി​ട്ടു​ണ്ട്. കാ​പ്പി​ക്കു​ന്നി​ലി​റ​ങ്ങി​യ ക​ടു​വ​യെ പ്ര​ദേ​ശ​വാ​സി​ക​ളി​ൽ ചി​ല​ർ ക​ണ്ടി​രു​ന്നു. ക​ഴി​ഞ്ഞ മൂ​ന്നു ദി​വ​സ​ങ്ങ​ളി​ലാ​യി ക​ടു​വ​യു​ടെ സാ​ന്നി​ധ്യം പ്ര​ദേ​ശ​ത്ത് ഉ​ണ്ടെ​ന്ന് നാ​ട്ടു​കാ​ർ പ​റ​ഞ്ഞു.

ക​ഴി​ഞ്ഞ ദി​വ​സം താ​ഴെ​ക്കാ​പ്പ് ആ​ദി​വാ​സി കോ​ള​നി​ക്ക് സ​മീ​പം വ​യ​ലി​നോ​ട് ചേ​ർ​ന്ന് കു​റ്റി​ക്കാ​ടി​നു​ള്ളി​ലാ​ണ് ക​ടു​വ​യു​ടെ സാ​ന്നി​ധ്യം സ്ഥി​രീ​ക​രി​ച്ചി​രു​ന്ന​ത്. രാ​ത്രി​യെ​ന്നോ പ​ക​ലെ​ന്നോ വ്യ​ത്യാ​സ​മി​ല്ലാ​തെ പ്ര​ദേ​ശ​ത്തു​കൂ​ടെ വാ​ഹ​ന​ങ്ങ​ളി​ൽ പോ​കു​ന്ന​വ​രും ക​ടു​വ​യെ ക​ണ്ട​താ​യി പ​റ​യു​ന്നു​ണ്ട്. ക​ഴി​ഞ്ഞ ദി​വ​സം രാ​ത്രി ഒ​മ്പ​തോ​ടെ മൂ​ഴി​മ​ല കോ​ക്ക​ണ്ടം ജോ​സി​ന്‍റെ വീ​ട്ടു​മു​റ്റ​ത്തും ക​ടു​വ എ​ത്തി​യി​രു​ന്നു. ബു​ധ​നാ​ഴ്ച ഉ​ച്ച​യോ​ടെ കാ​പ്പി​ക്കു​ന്ന് പ​യ​റ്റു​കാ​ലാ​യി​ൽ ദി​ലീ​പി​ന്‍റെ വീ​ടി​ന് സ​മീ​പം ക​ടു​വ റോ​ഡി​ന് കു​റു​കെ ക​ട​ക്കു​ന്ന​തും ക​ണ്ട​വ​രു​ണ്ട്.

ഇ​തി​ന് പി​ന്നാ​ലെ ന​ട​ത്തി​യ തിര​ച്ചി​ലി​ലാ​ണ് താ​ഴെ​ക്കാ​പ്പി​ലെ കു​റ്റി​ക്കാ​ടി​നു​ള്ളി​ൽ ക​ടു​വ​യെ ക​ണ്ടെ​ത്തി​യ​ത്. സ്​​കൂ​ൾ വി​ദ്യാ​ർ​ഥി​ക​ളും ക്ഷീ​ര​ക​ർ​ഷ​ക​രും തൊ​ഴി​ലു​റ​പ്പ് ജോ​ലി​ക്കു പോ​കു​ന്ന​വ​രും ഉ​ൾ​പ്പെ​ടെ ഭീ​തി​യി​ലാ​ണ്.

സൗ​ത്ത് വ​യ​നാ​ട് വ​നം ഡി​വി​ഷ​നി​ലെ നെ​യ്ക്കു​പ്പ വ​നാ​തി​ർ​ത്തി പ്ര​ദേ​ശ​ങ്ങ​ളാ​ണ് മു​ണ്ട​ക്കു​റ്റി​യും മൂ​ഴി​മ​ല​യും. ക​ടു​വ​യെ തു​ര​ത്തു​ന്ന​തി​ന് ആ​വ​ശ്യ​മാ​യ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം. ക​ടു​വ ഭീ​തി​യൊ​ഴി​വാ​ക്കാ​ൻ വ​നം​വ​കു​പ്പ് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നും ഇ​വ​ർ ആ​വ​ശ്യ​പ്പെ​ടു​ന്നു.