രോഗികൾ 600, ഡോക്ടർ ഒന്ന്

പു​ൽ​പ​ള്ളി: 600 ല​ധി​കം രോ​ഗി​ക​ളെ പ​രി​ശോ​ധി​ക്കാ​ൻ ഒ​രു ഡോ​ക്ട​ർ. ആ​റു ഡോ​ക്ട​ർ​മാ​ർ വേ​ണ്ട ആ​ശു​പ​ത്രി​യി​ൽ മൂ​ന്നു ഡോ​ക്ട​ർ​മാ​ർ. പു​ൽ​പ​ള്ളി സാ​മൂ​ഹി​ക ആ​രോ​ഗ്യ കേ​ന്ദ്ര​ത്തി​ന്റെ അ​വ​സ്ഥ​യാ​ണി​ത്. രോഗി അനുപാതം വെച്ച് ആറ് ഡോക്ടർമാരാണ് ആശുപ​ത്രിയിൽ വേണ്ടത്. എന്നാൽ, സർക്കാർ അനുവദിച്ചത് മൂന്ന് പേരെയാണ്. അതിൽ തന്നെ രണ്ടുപേർ അവധിയിലും മറ്റും ആകുന്നതോടെ രോഗികളെ ചികിത്സിക്കാൻ ഉണ്ടാവുക ഒരാൾ മാത്രം. ഇത് കാരണം രോഗികളും ഡ്യൂ​ട്ടി​യി​ലു​ള​ള ഡോ​ക്ട​ർ​മാ​രും ഒ​രേ​പോ​ലെ ദു​രി​ത​ത്തി​ലാ​ണ്. രാ​വി​ലെ ഒ.​പി​യി​ലെ​ത്തു​ന്ന രോ​ഗി​ക​ൾ ഡോ​ക്ട​റെ ക​ണ്ട് മ​ട​ങ്ങു​ന്ന​ത് മ​ണി​ക്കൂ​റു​ക​ൾ​ക്ക് ശേ​ഷ​മാ​ണ്. പ​നി​യ​ട​ക്കം പ​ട​രു​മ്പോ​ൾ ഡോ​ക്ട​ർ​മാ​രു​ടെ കു​റ​വ് വ​യോ​ജ​ന​ങ്ങ​ൾ, കു​ട്ടി​ക​ൾ തു​ട​ങ്ങി​യ​വ​രെ ഏ​റെ പ്ര​യാ​സ​ത്തി​ലാ​ക്കു​ന്നു. ഡോ​ക്ട​ർ​മാ​രു​ടെ ത​സ്​​തി​ക​ക​ൾ നി​ക​ത്താ​ൻ ന​ട​പ​ടി​ അ​ധി​കൃ​ത​രു​ടെ ഭാ​ഗ​ത്തു​നി​ന്ന് ഉ​ണ്ടാ​കു​ന്നി​ല്ല.

പു​ൽ​പ​ള്ളി, മു​ള്ള​ൻ​കൊ​ല്ലി, പൂ​താ​ടി മേ​ഖ​ല​യി​ലു​ള്ള​വ​രും ക​ബ​നി​ക്ക് മ​റു​ക​ര​യി​ലു​ള്ള ക​ർ​ണാ​ട​ക ഗ്രാ​മ​ങ്ങ​ളി​ൽ നി​ന്ന​ട​ക്കം ചി​കി​ത്സ തേ​ടി ധാ​രാ​ളം ആ​ളു​ക​ൾ ഇ​വി​ടെ എ​ത്തു​ന്നു​ണ്ട്. ആ​ശു​പ​ത്രി മാ​നേ​ജ്മെ​ന്റ് ക​മ്മി​റ്റി പ​ല​ത​വ​ണ ബ്ലോ​ക്ക് പ​ഞ്ചാ​യ​ത്ത് അ​ധി​കൃ​ത​രോ​ട​ട​ക്കം ഡോ​ക്ട​ർ​മാ​രു​ടെ കു​റ​വ് സം​ബ​ന്ധി​ച്ച് പ​രാ​തി ഉ​ന്ന​യി​ച്ചി​രു​ന്നു. എ​ന്നാ​ൽ, ന​ട​പ​ടി വൈ​കു​ക​യാ​ണ്. സാ​യാ​ഹ്ന ഒ.​പി പ​ല ദി​വ​സ​ങ്ങ​ളി​ലും ഇ​ല്ല. ഉ​ച്ച​ക്കു​ശേ​ഷം സ്വ​കാ​ര്യ ആ​ശു​പ​ത്രി​ക​ളെ ആ​ശ്ര​യി​ക്കേ​ണ്ട അ​വ​സ്ഥ​യാ​ണ് രോ​ഗി​ക​ൾ​ക്ക്. പ​രി​ശോ​ധി​ക്കാ​ൻ ആ​ളി​ല്ലെ​ന്ന കാ​ര​ണ​ത്താ​ൽ ഇ​വി​ടെ നി​ന്ന് മ​റ്റ് ആ​ശു​പ​ത്രി​ക​ളി​ലേ​ക്ക് റ​ഫ​ർ ചെ​യ്യു​ക​യാ​ണ്. അ​ടി​യ​ന്തര ന​ട​പ​ടി ഉ​ണ്ടാ​ക​ണ​മെ​ന്നാ​ണ് ആ​വ​ശ്യം.