കെ.കെ. അബ്രഹാമിനെ പൊലീസ്​ കസ്റ്റഡിയിൽ വിട്ടു: ബാ​ങ്കി​ലും വീ​ട്ടി​ലും തെ​ളി​വെ​ടു​പ്പ് ന​ട​ത്തി

പു​ൽ​പ്പ​ള്ളി: സ​ർ​വി​സ്​ സ​ഹ​ക​ര​ണ ബാ​ങ്ക് വാ​യ്പ ത​ട്ടി​പ്പ് കേ​സി​ലെ ഒ​ന്നാം പ്ര​തി മു​ൻ കെ.​പി.​സി.​സി ജ​ന​റ​ൽ സെ​ക്ര​ട്ട​റി കെ.​കെ. അ​ബ്ര​ഹാ​മി​നെ പൊ​ലീ​സ്​ ക​സ്റ്റ​ഡി​യി​ൽ വി​ട്ടു. സു​ൽ​ത്താ​ൻ ബ​ത്തേ​രി ഫ​സ്റ്റ് ക്ലാ​സ്സ് മ​ജി​സ്ട്രേ​റ്റ് കോ​ട​തി​യാ​ണ് ക​സ്റ്റ​ഡി​യി​ൽ വി​ട്ട​ത്. അ​ബ്ര​ഹാ​മു​മാ​യി പു​ൽ​പ്പ​ള്ളി ബാ​ങ്കി​ലും അ​ദ്ദേ​ഹ​ത്തി​ന്റെ ചു​ണ്ട​ക്കൊ​ല്ലി​യി​ലെ വീ​ട്ടി​ലും പൊ​ലീ​സ്​ തെ​ളി​വെ​ടു​പ്പ് ന​ട​ത്തി. 36 വാ​യ്പ​ക​ളു​മാ​യി ബ​ന്ധ​പ്പെ​ട്ടാ​ണ് പ​രാ​തി ഉ​യ​ർ​ന്നി​രി​ക്കു​ന്ന​ത്. അ​തു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ളാ​ണ് പൊ​ലീ​സ്​ ബാ​ങ്കി​ൽ തെ​ളി​വെ​ടു​പ്പി​ന് കൊ​ണ്ടു​വ​ന്ന​പ്പോ​ൾ ശേ​ഖ​രി​ച്ച​ത്. ഉ​ച്ച​യോ​ടെ പു​ൽ​പ​ള്ളി പോ​ലീ​സ്​ സ്റ്റേ​ഷ​നി​ലെ​ത്തി​ച്ച അ​ബ്ര​ഹാ​മി​നെ ആ​ദ്യം വീ​ട്ടി​ലേ​ക്കും പി​ന്നീ​ട് ബാ​ങ്കി​ലേ​ക്കു​മാ​ണ് കൊ​ണ്ടു​വ​ന്ന​ത്. ബാ​ങ്കി​ൽ തെ​ളി​വെ​ടു​പ്പി​ന് എ​ത്തി​ച്ച​പ്പോ​ൾ ജ​ന​കീ​യ സ​മി​തി പ്ര​വ​ർ​ത്ത​ക​ർ അ​ബ്ര​ഹാ​മി​നെ​തി​രെ മു​ദ്രാ​വാ​ക്യം മു​ഴ​ക്കി. ഇ​ത് പൊ​ലീ​സ്​ ചോ​ദ്യം ചെ​യ്ത​തി​ന്റെ പേ​രി​ൽ വാ​ക് ത​ർ​ക്ക​ങ്ങ​ളു​മു​ണ്ടാ​യി.

പ്ര​തി​ക​ൾ​ക്ക് വേ​ണ്ടി പൊ​ലീ​സ്​ ഒ​ത്തു​ക​ളി​ക്കു​ക​യാ​ണെ​ന്നും ഇ​തി​നെ​തി​രെ ശ​നി​യാ​ഴ്ച പൊ​ലീ​സ്​ സ്റ്റേ​ഷ​ന് മു​ന്നി​ൽ ജ​ന​കീ​യ സ​മി​തി​യു​ടെ നേ​തൃ​ത്വ​ത്തി​ൽ സ​ത്യാ​ഗ്ര​ഹ​സ​മ​രം ന​ട​ത്തു​മെ​ന്നും സ​മി​തി ചെ​യ​ർ​മാ​ൻ അ​ജ​യ​കു​മാ​ർ പ​റ​ഞ്ഞു. അ​തേ സ​മ​യം ത​നി​ക്കെ​തി​രാ​യ ന​ട​പ​ടി ഗൂ​ഡാ​ലോ​ച​ന​യാ​ണെ​ന്ന് കെ.​കെ. അ​ബ്ര​ഹാം പ​റ​ഞ്ഞു. ജു​ഡീ​ഷ്യ​ൽ ക​സ്റ്റ​ഡി​യി​ൽ ആ​യ​തി​നാ​ൽ കൂ​ടു​ത​ൽ പ്ര​തി​ക​ര​ണ​ത്തി​നി​ല്ലെ​ന്നും പു​റ​ത്തി​റ​ങ്ങി​യ ശേ​ഷം കൂ​ടു​ത​ൽ കാ​ര്യ​ങ്ങ​ൾ പ​റ​യാ​നു​ണ്ടെ​ന്നും അ​ദ്ദേ​ഹം പ​റ​ഞ്ഞു. വൈ​കീ​ട്ട് അഞ്ചുമ​ണി​വ​രെ​യാ​യി​രു​ന്നു പൊ​ലീ​സ്​ ക​സ്റ്റ​ഡി​യി​ൽ വി​ട്ട​ത്. പി​ന്നീ​ട് അ​ദ്ദേ​ഹ​ത്തെ മാ​ന​ന്ത​വാ​ടി​യി​ലെ ജ​യി​ലി​ലേ​യ്ക്ക് കൊ​ണ്ടു​പോ​യി.