ക്വാറി പ്രവർത്തനം: മരക്കടവ് ഡിപ്പോ പ്രദേശത്തെ വീടുകൾ ഭീഷണിയിൽ

പു​ൽ​പ​ള്ളി: മ​ര​ക്ക​ട​വി​ലെ ക​രി​ങ്ക​ൽ ക്വാ​റി​യി​ൽ പാ​റ പൊ​ട്ടി​ക്കു​മ്പോ​ൾ ഉ​ണ്ടാ​കു​ന്ന പ്ര​ക​മ്പ​നം മൂ​ലം സ​മീ​പ പ്ര​ദേ​ശ​ങ്ങ​ളി​ലു​ള്ള വീ​ടു​ക​ൾ​ക്ക് കേ​ടു​പാ​ട് സം​ഭ​വി​ക്കു​ന്നു. മ​ര​ക്ക​ട​വ് ഡി​പ്പോ​യി​ലെ ജ​ന​വാ​സ മേ​ഖ​ല​യി​ലു​ള്ള ഭൂ​രി​ഭാ​ഗം വീ​ടു​ക​ൾ​ക്കും ഇ​തി​ന​കം വി​ള്ള​ലു​ണ്ടാ​യി​ട്ടു​ണ്ട്. പാ​റ പൊ​ട്ടി​ക്കു​ന്ന​തു​മാ​യി ബ​ന്ധ​പ്പെ​ട്ട് നാ​ട്ടു​കാ​ർ ന​ൽ​കി​യ പ​രാ​തി​ക​ളി​ൽ കാ​ര്യ​ക്ഷ​മ​മാ​യ അ​ന്വേ​ഷ​ണം ഉ​ണ്ടാ​യി​ട്ടി​ല്ലെ​ന്നാ​ണ് ആ​ക്ഷേ​പം. ഏ​താ​നും മാ​സം മു​മ്പാ​ണ് ക്വാ​റി​യു​ടെ പ്ര​വ​ർ​ത്ത​നം ആ​രം​ഭി​ച്ച​ത്. നി​ല​വി​ൽ മു​ള്ള​ൻ​കൊ​ല്ലി പ​ഞ്ചാ​യ​ത്ത് മാ​ലി​ന്യം ശേ​ഖ​രി​ക്കു​ന്ന​തി​നു​ള്ള കേ​ന്ദ്രം (എം.​സി.​എ​ഫ്) സ്ഥാ​പി​ക്കു​ന്ന​തി​ന് വാ​ങ്ങി​യ ഭൂ​മി​യോ​ടു ചേ​ർ​ന്ന പ്ര​ദേ​ശ​ത്താ​ണ് ക്വാ​റി​യു​ടെ പ്ര​ർ​ത്ത​നം.

കൂ​റ്റ​ൻ യ​ന്ത്ര​ങ്ങ​ൾ ഉ​പ​യോ​ഗി​ച്ചാ​ണ് ക​ല്ലു​പൊ​ട്ടി​ക്കു​ന്ന​ത്. പാ​റ പൊ​ട്ടി​ക്കു​മ്പോ​ഴു​ള്ള പ്ര​ക​മ്പ​ന​ത്തി​ൽ മി​ക്ക വീ​ടു​ക​ളു​ടെ​യും ഭി​ത്തി​ക​ളി​ൽ വി​ള്ള​ലു​ണ്ടാ​യി​ട്ടു​ണ്ട്. ഇ​തി​ന്റെ അ​ള​വ് ഓ​രോ ദി​നം ക​ഴി​യും​തോ​റും കൂ​ടു​ക​യാ​ണ്.

പു​തു​താ​യി നി​ർ​മി​ച്ച വീ​ടു​ക​ൾ​ക്കു​പോ​ലും വി​ള്ള​ൽ ബാ​ധി​ച്ചു​തു​ട​ങ്ങി​യി​ട്ടു​ണ്ട്. നാ​ട്ടു​കാ​ർ ജ​ന​കീ​യ ആ​ക്ഷ​ൻ കൗ​ൺ​സി​ൽ രൂ​പ​വ​ത്ക​രി​ച്ച് വീ​ടു​ക​ൾ​ക്ക് കേ​ടു​പാ​ടു​ണ്ടാ​കു​ന്ന​തു​മാ​യി ബ​ന്ധ​പ്പെ​ട്ട് അ​ധി​കൃ​ത​ർ​ക്ക് പ​രാ​തി ന​ൽ​കി​യി​രു​ന്നു. എ​ന്നാ​ൽ, ബ​ന്ധ​പ്പെ​ട്ട​വ​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്താ​ൻ പോ​ലും ത​യാ​റാ​യി​ട്ടി​ല്ലെ​ന്നാ​ണ് പ​രാ​തി. ജ​ന​ങ്ങ​ൾ തി​ങ്ങി​പ്പാ​ർ​ക്കു​ന്ന പ്ര​ദേ​ശ​മാ​ണ് മ​ര​ക്ക​ട​വ് ഡി​പ്പോ പ്ര​ദേ​ശം. ക്വാ​റി​ക്കെ​തി​രെ വീ​ണ്ടും പ​രാ​തി ന​ൽ​കാ​നു​ള്ള ത​യാ​റെ​ടു​പ്പി​ലാ​ണ് പ്ര​ദേ​ശ​വാ​സി​ക​ൾ.