പ്രധാനമന്ത്രിയുടെ ഓഫിസ് ഉദ്യോഗസ്ഥരെന്ന് പരിചയപ്പെടുത്തി വ​നം​വ​കു​പ്പ് ഉ​ദ്യോ​ഗ​സ്​​ഥ​രെ കബളിപ്പിച്ചു

പു​ൽ​പ​ള്ളി: പ്ര​ധാ​ന​മ​ന്ത്രി​യു​ടെ ഓ​ഫി​സ്​ ഉ​ദ്യോ​ഗ​സ്​​ഥ​രെ​ന്ന് പ​രി​ച​യ​പ്പെ​ടു​ത്തി ത​ട്ടി​പ്പ് ന​ട​ത്തി​യ സം​ഭ​വ​ത്തി​ൽ അ​വ​ർ​ക്ക് സ​ഹാ​യം ചെ​യ്തു​കൊ​ടു​ത്ത വ​നം​വ​കു​പ്പ് ഉ​ദ്യോ​ഗ​സ്​​ഥ​ർ​ക്കെ​തി​രെ ന​ട​പ​ടി​യു​ണ്ടാ​കു​മെ​ന്ന് സൂ​ച​ന. വി​വി​ധ വ​കു​പ്പു​ക​ളി​ലെ ഉ​ദ്യോ​ഗ​സ്​​ഥ​രെ ക​ബ​ളി​പ്പി​ച്ച് താ​മ​സ സൗ​ക​ര്യം ഉ​ൾ​പ്പെ​ടെ ത​ര​പ്പെ​ടു​ത്തി മു​ങ്ങി​യ നാ​ലം​ഗ സം​ഘ​ത്തെ പി​ട​കൂ​ടാ​ൻ പൊ​ലീ​സ്​ അ​ന്വേ​ഷ​ണം വ്യാ​പി​പ്പി​ച്ചു. വ​ന​ത്തി​നു​ള്ളി​ലെ വാ​ച്ച് ട​വ​റി​ൽ താ​മ​സ സൗ​ക​ര്യ​വും ഭ​ക്ഷ​ണ​സൗ​ക​ര്യ​വു​മ​ട​ക്കം ത​ര​പ്പെ​ടു​ത്തി​യാ​യി​രു​ന്നു ഇ​വ​രു​ടെ ത​ട്ടി​പ്പ്. ക​ഴി​ഞ്ഞ മാ​സം ജൂ​ലൈ 26 മു​ത​ൽ നാ​ലു​ദി​വ​സം പു​ൽ​പ​ള്ളി​ക്ക​ടു​ത്ത വ​ന​ഗ്രാ​മ​മാ​യ വെ​ട്ട​ത്തൂ​രി​ലെ വ​നം​വ​കു​പ്പി​െൻറ വാ​ച്ച് ട​വ​റി​ൽ ഇ​വ​ർ താ​മ​സി​ച്ച് മ​ട​ങ്ങു​ക​യാ​യി​രു​ന്നു. താ​മ​സ സൗ​ക​ര്യ​ത്തി​നു പു​റ​മെ ഭ​ക്ഷ​ണം ഉ​ൾ​പ്പെ​ടെ വ​ന​പാ​ല​ക​രാ​ണ് എ​ത്തി​ച്ചു​കൊ​ടു​ത്ത​ത്. ഇ​തു​മാ​യി ബ​ന്ധ​പ്പെ​ട്ട് വ​ന​പാ​ല​ക​ർ ന​ൽ​കി​യ പ​രാ​തി​യി​ൽ പൊ​ലീ​സ്​ അ​ന്വേ​ഷ​ണം ആ​രം​ഭി​ച്ച​താ​യി പു​ൽ​പ​ള്ളി എ​സ്.​എ​ച്ച്.​ഒ പി.​എ​ൽ. ഷൈ​ജു പ​റ​ഞ്ഞു.

ആ​ധാ​ർ കാ​ർ​ഡു​ക​ളി​ലെ വി​ലാ​സ​ത്തി​ൽ ബ​ന്ധ​പ്പെ​ട്ടെ​ങ്കി​ലും ഇ​വ​രെ ക​ണ്ടെ​ത്താ​ൻ ക​ഴി​ഞ്ഞി​ട്ടി​ല്ല. പ​ട്ടാ​ള​ത്തി​ൽ മേ​ജ​റാ​ണെ​ന്നും പ്ര​ധാ​ന​മ​ന്ത്രി​യു​ടെ ഓ​ഫി​സു​മാ​യി ബ​ന്ധ​മു​ള്ള​വ​രാ​ണെ​ന്നും പ​റ​ഞ്ഞാ​ണ് ഇ​വ​ർ ഉ​ദ്യോ​ഗ​സ്​​ഥ​രെ തെ​റ്റി​ദ്ധ​രി​പ്പി​ച്ച​ത്. ഇ​വ​ർ ഇ​വി​ട​ത്തെ വാ​ച്ച​റെ ഭീ​ഷ​ണി​പ്പെ​ടു​ത്തു​ക​യും ചെ​യ്തു. താ​ൽ​ക്കാ​ലി​ക വാ​ച്ച​ർ ജോ​ലി​ക്ക് ​േപാ​കാ​ത്ത​തു​മാ​യി ബ​ന്ധ​പ്പെ​ട്ടാ​ണ് ഇ​വ​ർ കോ​ള​നി വീ​ട്ടി​ലെ​ത്തി​യ​ത്. ഇ​ദ്ദേ​ഹ​വു​മൊ​ന്നി​ച്ച് മീ​ൻ പി​ടി​ക്കാ​നും മ​റ്റും ഈ ​സം​ഘം പോ​യി​രു​ന്നു. രാ​വി​ലെ മു​ത​ൽ വൈ​കീ​ട്ടു​വ​രെ മ​ദ്യ​പാ​ന​വും മീ​ൻ​പി​ടി​ത്ത​വും ഭ​ക്ഷ​ണം ക​ഴി​ക്ക​ലും മാ​ത്ര​മാ​യി​രു​ന്നു ഇ​വ​രു​ടെ പ​രി​പാ​ടി​ക​ൾ. വ​നം​വ​കു​പ്പി​ലെ ഉ​ന്ന​ത ഉ​ദ്യോ​ഗ​സ്​​ഥ​രു​മാ​യി ച​ങ്ങാ​ത്തം കൂ​ടി​യാ​യി​രു​ന്നു നി​ല​വി​ലെ ഉ​ദ്യോ​ഗ​സ്​​ഥ​രെ സ്വാ​ധീ​നി​ച്ച​ത്. ഇ​വ​രു​ടെ വാ​ക്കു​ക​ളി​ൽ വി​ശ്വ​സി​ച്ച വ​ന​പാ​ല​ക​രാ​ണ് ഇ​പ്പോ​ൾ വെ​ട്ടി​ലാ​യി​രി​ക്കു​ന്ന​ത്. വേ​ണ്ട​ത്ര അ​ന്വേ​ഷ​ണം ന​ട​ത്താ​തെ ഇ​വ​ർ​ക്കു​ള്ള സൗ​ക​ര്യ​ങ്ങ​ൾ ഒ​രു​ക്കി​ക്കൊ​ടു​ത്ത​തു​മാ​യി ബ​ന്ധ​പ്പെ​ട്ട് വ​നം​വ​കു​പ്പും അ​ന്വേ​ഷ​ണം ആ​രം​ഭി​ച്ചു.