കു​ടി​വെ​ള്ള​മി​ല്ല; കാ​ട് താ​ണ്ടി താ​ഴെ​ശ്ശേ​രി​യി​ലെ ആ​ദി​വാ​സി​ക​ൾ

പു​ൽ​പ​ള്ളി: പ​ഞ്ചാ​യ​ത്തി​ലെ ഒ​ന്നാം വാ​ർ​ഡി​ൽ ഉ​ൾ​പ്പെ​ട്ട താ​ഴെ​ശ്ശേ​രി കാ​ട്ടു​നാ​യ്ക്ക കോ​ള​നി നി​വാ​സി​ക​ൾ കു​ടി​വെ​ള്ള​ത്തി​നാ​യി അ​ല​യു​ന്നു. ഒ​രു കി​ലോ​മീ​റ്റ​ർ ദൂ​രം വ​ന​ത്തി​ലൂ​ടെ​യും അ​ര കി​ലോ​മീ​റ്റ​റോ​ളം ച​ളി​നി​റ​ഞ്ഞ വ​യ​ലി​ലൂ​ടെ​യും സ​ഞ്ച​രി​ച്ച് കു​റു​വാ ദ്വീ​പി​ന് സ​മീ​പ​മു​ള്ള പു​ഴ​യി​ൽനി​ന്നാ​ണ് ഇ​വ​ർ വെ​ള്ളം ശേ​ഖ​രി​ക്കു​ന്ന​ത്. നി​ല​വി​ലു​ള്ള കു​ടി​വെ​ള്ള പ​ദ്ധ​തി​യി​ൽ​നി​ന്ന് വെ​ള്ളം ല​ഭി​ക്കാ​താ​യ​തോ​ടെ​യാ​ണ് ഇ​വ​ർ വെ​ള്ള​ത്തി​നാ​യി ക​ഷ്​​ട​പ്പെ​ടു​ന്ന​ത്.

2013ൽ ​താ​ഴെ​ശ്ശേ​രി കോ​ള​നി​ക്കാ​ർ​ക്ക് വെ​ള്ളം ല​ഭ്യ​മാ​ക്കു​ന്ന​തി​നാ​യി പ​ദ്ധ​തി ന​ട​പ്പാ​ക്കി​യി​രു​ന്നു. താ​ഴ​ശ്ശേ​രി വ​യ​ലി​നോ​ട് ചേ​ർ​ന്ന് കു​ളം നി​ർ​മി​ച്ച് അ​തി​ൽ നി​ന്നാ​ണ് വെ​ള്ളം പ​മ്പ് ചെ​യ്തി​രു​ന്ന​ത്. ജ​ൽ ജീ​വ​ൻ പ​ദ്ധ​തി​യു​ടെ പൈ​പ്പ് ലൈ​നു​ക​ൾ സ്ഥാ​പി​ക്കു​ന്ന​തി​ന്‍റെ ഭാ​ഗ​മാ​യി പ​ല സ്ഥ​ല​ങ്ങ​ളും കു​ഴി​ച്ചി​രു​ന്നു. എ​ന്നാ​ൽ, പൈ​പ്പു​ക​ളി​ട്ട ചി​ല ഭാ​ഗ​ങ്ങ​ളി​ലൂ​ടെ താ​ഴെ​ശ്ശേ​രി പ​ദ്ധ​തി​യു​ടെ പൈ​പ്പ് ലൈ​നു​ക​ളും ക​ട​ന്നു​പോ​യി​ട്ടു​ണ്ട്. ഈ ​ഭാ​ഗ​ങ്ങ​ളി​ലെ പൈ​പ്പു​ക​ൾ ഇ​പ്പോ​ൾ ത​ക​ർ​ന്ന നി​ല​യി​ലാ​ണ്. ഇ​തോ​ടെ​യാ​ണ് കു​ടി​വെ​ള്ളം കി​ട്ടാ​താ​യ​ത്. നൂ​റോ​ളം വീ​ടു​ക​ളാ​ണ് താ​ഴെ​ശ്ശേ​രി കോ​ള​നി​യി​ലു​ള്ള​ത്. വെ​ള്ള​ത്തി​നാ​യി കോ​ള​നി​ക്കാ​ർ ദു​രി​ത​ങ്ങ​ൾ താ​ണ്ടു​ക​യാ​ണ്.

കൊ​ടും വ​ന​ത്തി​നു​ള്ളി​ലൂ​ടെ ന​ട​ന്നു​പോ​യാ​ണ് ഇ​വ​ർ വെ​ള്ളം കൊ​ണ്ടു​വ​രു​ന്ന​ത്. പ​ല​പ്പോ​ഴും കാ​ട്ടാ​ന​യു​ടെ​യും മ​റ്റും മു​മ്പി​ൽ ഇ​വ​ർ അ​ക​പ്പെ​ട്ടി​ട്ടു​ണ്ട്. കു​ടി​വെ​ള്ള പ്ര​ശ്നം പ​രി​ഹ​രി​ക്കു​ന്ന കാ​ര്യ​ത്തി​ൽ അ​ധി​കൃ​ത​ർ യാ​തൊ​രു ന​ട​പ​ടി​യും കൈ​ക്കൊ​ണ്ടി​ട്ടി​ല്ലെ​ന്നാ​ണ് ഇ​വ​രു​ടെ പ​രാ​തി.