മരക്കടവ് ഡിപ്പോ-മച്ചൂർ തോണി സർവിസ് പുനരാരംഭിച്ചു

പു​ൽ​പ​ള്ളി: നി​ർ​ത്തി​വെ​ച്ച മ​ര​ക്ക​ട​വ് ഡി​പ്പോ-​മ​ച്ചൂ​ർ തോ​ണി സ​ർ​വീ​സ് പു​ന​രാ​രം​ഭി​ച്ചു. കേ​ര​ള-​ക​ര്‍ണാ​ട​ക സം​സ്ഥാ​ന​ങ്ങ​ള്‍ ബ​ന്ധി​പ്പി​ച്ച് ക​ബ​നി ന​ദി​ക്ക് കു​റു​കെ​യു​ള്ള തോ​ണി സ​ര്‍വി​സാ​ണി​ത്. കേ​ര​ള​ത്തി​ലെ മ​ര​ക്ക​ട​വ് ഡി​പ്പോ​യി​ല്‍ നി​ന്നും ക​ര്‍ണാ​ട​ക​യി​ലെ മ​ച്ചൂ​രി​ലേ​ക്കു​ള്ള തോ​ണി സ​ര്‍വി​സ് ക​ര്‍ണാ​ട​ക വ​നം​വ​കു​പ്പ് ഇ​ട​പെ​ട്ട് നി​ര്‍ത്തിവെ​പ്പി​ച്ചി​രു​ന്നു. ക​ബ​നി​യു​ടെ ഇ​രു ക​ര​ക​ളി​ലാ​യി പ​ര​സ്പ​രം ബ​ന്ധ​പ്പെ​ട്ട് ക​ഴി​ഞ്ഞ​വ​ർ ഇ​തോ​ടെ ദു​രി​ത​ത്തി​ലാ​യി​രു​ന്നു. ഇ​ത് വ​ലി​യ പ്ര​തി​ഷേ​ധ​ത്തി​നി​ട​യാ​ക്കി​യി​രു​ന്നു.

ബൈ​ര​ക്കു​പ്പ ഗ്രാ​മ​പ​ഞ്ചാ​യ​ത്തി​ന്റെ​യും ജ​ന​പ്ര​തി​നി​ധി​ക​ളു​ടേ​യും ഇ​ട​പെ​ട​ലി​നെ തു​ട​ര്‍ന്നാ​ണ് തി​ങ്ക​ളാ​ഴ്ച മു​ത​ല്‍ തോ​ണി സ​ര്‍വി​സ് പു​ന​രാ​രം​ഭി​ക്കാ​ന്‍ വ​നം​വ​കു​പ്പ് അ​നു​മ​തി ന​ല്‍കി​യ​ത്. രാ​വി​ലെ ആ​റു മു​ത​ല്‍ വൈ​കു​ന്നേ​രം ആ​റു​വ​രെ മാ​ത്ര​മേ തോ​ണി സ​ര്‍വി​സ് ന​ട​ത്താ​ൻ​ പാ​ടു​ള്ളൂ. മ​ര​ക്ക​ട​വി​ല്‍ നി​ന്നും മ​ച്ചൂ​രി​ലേ​ക്ക് പ്ര​വേ​ശി​ക്കു​ന്ന ഭാ​ഗം വ​ന​ഭൂ​മി​യാ​യ​തി​നാ​ലാ​ണ് തോ​ണി സ​ര്‍വി​സ് നി​ര്‍ത്തി​വെ​ക്കാ​ന്‍ നി​ര്‍ദേ​ശം ന​ല്‍കി​യ​തെ​ന്നാ​ണ് ക​ര്‍ണാ​ട​ക വ​നം​വ​കു​പ്പ് പ​റ​യു​ന്ന​ത്.