പെരിക്കല്ലൂരിൽനിന്നും ദീർഘദൂര ബസുകൾ റദ്ദാക്കി; വൻപ്രതിഷേധം

പു​ൽ​പ​ള്ളി: പെ​രി​ക്ക​ല്ലൂ​രി​ൽ നി​ന്നും പാ​ല- അ​ടൂ​ർ ഭാ​ഗ​ങ്ങ​ളി​ലേ​ക്കു​ള്ള ദീ​ർ​ഘ​ദൂ​ര സ​ർ​വി​സു​ക​ൾ കെ.​എ​സ്.​ആ​ർ.​ടി.​സി നി​ർ​ത്ത​ലാ​ക്കി​യ​തി​ൽ പ്ര​തി​ഷേ​ധം ഉ​യ​രു​ന്നു.

സി.​പി.​എം, കോ​ൺ​ഗ്ര​സ്, ആം ​ആ​ദ്മി പാ​ർ​ട്ടി തു​ട​ങ്ങി​യ സം​ഘ​ട​ന​ക​ൾ ഇ​തി​നെ​തി​രെ രം​ഗ​ത്തു​വ​ന്നു. കു​ടി​യേ​റ്റ കാ​ലം മു​ത​ൽ പെ​രി​ക്ക​ല്ലൂ​രി​ൽ നി​ന്നും ദീ​ർ​ഘ​ദൂ​ര സ​ർ​വിസു​ക​ൾ ഉ​ണ്ടാ​യി​രു​ന്നു. പു​ല​ർ​ച്ചെ 3.30 ന് ​ആ​രം​ഭി​ക്കു​ന്ന ബ​സ്​ സ​ർ​വി​സ്​ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലും മ​റ്റും പോ​കു​ന്ന​വ​ർ​ക്ക് ഏ​റെ സ​ഹാ​യ​ക​ര​മാ​ണ്. രാ​ത്രി ഒ​മ്പ​തി​ന് പു​റ​പ്പെ​ടു​ന്ന അ​ടൂ​ർ ബ​സ് പു​ൽ​പ​ള്ളി​യി​ൽ നി​ന്നു​ള്ള അ​വ​സാ​ന ബ​സ്​ സ​ർ​വി​സാ​ണ്. വി​ദ്യാ​ർ​ഥി​ക​ൾ അ​ട​ക്ക​മു​ള്ള​വ​ർ​ക്ക് ഏ​റെ സൗ​ക​ര്യ​പ്ര​ദ​മാ​യ സ​ർ​വി​സു​ക​ളാ​ണ് നി​ർ​ത്ത​ലാ​ക്കി​യി​രി​ക്കു​ന്ന​ത്.

പെ​രി​ക്ക​ല്ലൂ​ർ കെ.​എ​സ്.​ആ​ർ.​ടി.​സി ഡി​പ്പോ ആ​രം​ഭി​ക്കു​ന്ന​തി​നു​ള​ള ന​ട​പ​ടിക്ര​മ​ങ്ങ​ൾ ന​ട​ക്ക​വേ ഇ​ത്ത​ര​ത്തി​ൽ ഒ​രു തീ​രു​മാ​നം ഉ​ണ്ടാ​യ​ത് നാ​ടി​നോ​ടു​ള്ള വെ​ല്ലു​വി​ളി​യാ​ണ്. ജി​ല്ല​യി​ൽ ത​ന്നെ ഏ​റ്റ​വും കൂ​ടു​ത​ൽ വ​രു​മാ​ന​മു​ള്ള ര​ണ്ട് ഷെ​ഡ്യൂ​ളു​ക​ളാ​ണ് റ​ദ്ദാ​ക്കി​യ​താ​യി അ​റി​യി​ച്ചി​രി​ക്കു​ന്ന​ത്.

സ്വ​കാ​ര്യ ബ​സ്​ മേ​ഖ​ല​യെ പ്രീ​ണി​പ്പി​ക്കാ​നാ​ണ് ഈ ​തീ​രു​മാ​നം. വ​ർ​ഷ​ങ്ങ​ളാ​യി സ​ർവി​സ്​ ന​ട​ത്തി​ക്കൊ​ണ്ടി​രി​ക്കു​ന്ന ബ​സു​ക​ൾ നി​ർ​ത്തു​ന്ന​തി​നെ​തി​രെ പെ​രി​ക്ക​ല്ലൂ​രി​ൽ ജ​ന​പ്ര​തി​നി​ധി​ക​ളു​ടെ നേ​തൃ​ത്വ​ത്തി​ൽ യോ​ഗം ചേ​ർ​ന്നു. സ​ർ​വി​സു​ക​ൾ പു​നഃ​സ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് പ്ര​ക്ഷോ​ഭം ആ​രം​ഭി​ക്കു​മെ​ന്നും മു​ന്ന​റി​യി​പ്പ് ന​ൽ​കി.