കു​റു​വ ദ്വീ​പ് അ​ട​ച്ചി​ട്ട് ഏ​ഴു​മാ​സം; പ​ക​രം ജോ​ലി​യി​ല്ലാ​തെ തൊ​ഴി​ലാ​ളി​ക​ൾ

പു​ൽ​പ​ള്ളി: വ​നം​വ​കു​പ്പി​ന് കീ​ഴി​ലു​ള്ള ഇ​ക്കോ ടൂ​റി​സം കേ​ന്ദ്ര​മാ​യ കു​റു​വ ദ്വീ​പ് അ​ട​ഞ്ഞു​കി​ട​ക്കാ​ൻ തു​ട​ങ്ങി​യി​ട്ട് ഏ​ഴു​മാ​സം പി​ന്നി​ടു​മ്പോ​ൾ തൊ​ഴി​ലാ​ളി​ക​ൾ ദു​രി​ത​ത്തി​ൽ. മു​മ്പെ​ല്ലാം ദ്വീ​പ് അ​ട​ച്ചി​ടു​മ്പോ​ൾ തൊ​ഴി​ലാ​ളി​ക​ൾ​ക്ക് വ​ന​ത്തി​ലെ ജോ​ലി​ക​ൾ ന​ൽ​കാ​റു​ണ്ടാ​യി​രു​ന്നു. എ​ന്നാ​ൽ, ഇ​പ്പോ​ൾ ജോ​ലി ന​ൽ​കാ​ൻ വ​നം വ​കു​പ്പ് ത​യാ​റാ​യി​ട്ടി​ല്ല.

കു​റു​വ​യി​ലെ താ​ൽ​ക്കാ​ലി​ക ജീ​വ​ന​ക്കാ​ര​നാ​യി​രു​ന്ന പോ​ൾ, കാ​ട്ടാ​ന​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ടി​രു​ന്നു. ഇ​തേ തു​ട​ർ​ന്നാ​ണ് കോ​ട​തി ഉ​ത്ത​ര​വി​ന്റെ അ​ടി​സ്ഥാ​ന​ത്തി​ൽ ജി​ല്ല​യി​ലെ 11ഓ​ളം ഇ​ക്കോ ടൂ​റി​സം കേ​ന്ദ്ര​ങ്ങ​ൾ അ​ട​ച്ചി​ട്ട​ത്. വ​ന​സം​ര​ക്ഷ​ണ സ​മി​തി​ക്ക് കീ​ഴി​ലു​ള്ള 30തി​ൽ​പ​രം തൊ​ഴി​ലാ​ളി​ക​ളാ​യി​രു​ന്നു കു​റു​വ​യി​ൽ ജോ​ലി ചെ​യ്തി​രു​ന്ന​ത്. ഗോ​ത്ര​വ​ർ​ഗ വി​ഭാ​ഗ​ത്തി​ൽ​പെ​ട്ട​വ​രാ​യി​രു​ന്നു ഇ​വി​ടു​ത്തെ തൊ​ഴി​ലാ​ളി​ക​ളി​ൽ ഭൂ​രി​ഭാ​ഗ​വും. പ്ര​കൃ​തി​ദ​ത്ത കാ​ഴ്ച​ക​ളാ​ണ് കു​റു​വ​യു​ടെ പ്ര​ത്യേ​ക​ത. ര​ണ്ട് കോ​ടി​യോ​ളം രൂ​പ​യാ​ണ് പ്ര​തി​വ​ർ​ഷം ദ്വീ​പി​ൽ​നി​ന്ന് വ​രു​മാ​നം ല​ഭി​ച്ച​ത്. ഈ ​തു​ക വ​നം വ​കു​പ്പി​ന്റെ വി​വി​ധ വി​ക​സ​ന കാ​ര്യ​ങ്ങ​ൾ​ക്കാ​യി ഉ​പ​യോ​ഗ​പ്പെ​ടു​ത്തി​രു​ന്നു.

ദ്വീ​പ് അ​ട​ച്ചി​ട്ട​തോ​ടെ ഇ​വി​ടെ കാ​ട്ടു​മൃ​ഗ​ങ്ങ​ൾ ചേ​ക്കേ​റി​യി​രി​ക്ക​യാ​ണ്. ല​ക്ഷ​ങ്ങ​ൾ മു​ത​ൽ​മു​ട​ക്കി നി​ർ​മി​ച്ച ച​ങ്ങാ​ട​ങ്ങ​ളും ന​ശി​ക്കു​ക​യാ​ണ്. സ​ന്ദ​ർ​ശ​ക​ർ​ക്കു​ള്ള മു​ള​പ്പാ​ല​ങ്ങ​ളും വി​ശ്ര​മ​കേ​ന്ദ്ര​ങ്ങ​ളും ന​ശി​ക്കു​ന്നു. ദ്വീ​പി​ലേ​ക്കു​ള്ള വ​ഴി​യി​ൽ ന​ട്ടു​പി​ടി​പ്പി​ച്ച മ​ര​ത്തൈ​ക​ൾ പ​രി​പാ​ലി​ക്ക​പ്പെ​ടു​ന്നി​ല്ല. ദ്വീ​പി​ലെ​ത്തു​ന്ന സ​ന്ദ​ർ​ശ​ക​രെ ആ​ശ്ര​യി​ച്ച് നി​ര​വ​ധി ക​ച്ച​വ​ട സ്ഥാ​പ​ന​ങ്ങ​ളും ഉ​ണ്ടാ​യി​രു​ന്നു.

ഇ​വ​രു​ടെ കാ​ര്യ​വും പ്ര​തി​സ​ന്ധി​യി​ലാ​യി. വ​യ​നാ​ട​ൻ ടൂ​റി​സം മേ​ഖ​ല​യെ പു​ത്ത​നു​ണ​ർ​വി​ലേ​ക്ക് ന​യി​ക്കു​ന്ന​തി​നാ​യി സ​ർ​ക്കാ​റും ടൂ​റി​സം വ​കു​പ്പും ജി​ല്ല ഭ​ര​ണ​കൂ​ട​വും ശ്ര​മി​ക്കു​മ്പോ​ൾ ഇ​ക്കോ ടൂ​റി​സം കേ​ന്ദ്ര​ങ്ങ​ൾ അ​ട​ഞ്ഞു​കി​ട​ക്കു​ക​യാ​ണ്. ഇ​ക്കാ​ര്യ​ത്തി​ൽ സ​ർ​ക്കാ​റി​ന്റെ അ​ടി​യ​ന്ത​ര ഇ​ട​പെ​ട​ൽ ഉ​ണ്ടാ​വ​ണ​മെ​ന്നാ​ണ് ആ​വ​ശ്യം.