സ​ന്ദ​ർ​ശ​ക​​രു​ടെ മ​നം നി​റ​ച്ച് ചേ​കാ​ടി​യി​ൽ ഫാം ​ടൂ​റി​സം

പു​ൽ​പ​ള്ളി: കാ​ർ​ഷി​ക സം​സ്​​കൃ​തി​യും ഗോ​ത്ര​പൈ​തൃ​ക​ങ്ങ​ളും എ​ക്കാ​ല​വും നെ​ഞ്ചോ​ട് ചേ​ർ​ത്തു​പി​ടി​ക്കു​ന്ന പു​ൽ​പ​ള്ളി ചേ​കാ​ടി​യി​ൽ ഫാം ​ടൂ​റി​സ​വു​മാ​യി ക​ർ​ഷ​ക​ർ രം​ഗ​ത്ത്. സ​ർ​ക്കാ​ർ ന​ട​പ്പാ​ക്കാ​ൻ ഒ​രു​ങ്ങു​ന്ന സ്​​ട്രീ​റ്റ് ടൂ​റി​സം പ​ദ്ധ​തി​യി​ൽ ഇ​ടം പി​ടി​ച്ച സം​സ്​​ഥാ​ന​ത്തെ 10 കേ​ന്ദ്ര​ങ്ങ​ളി​ൽ ഒ​ന്നാ​ണ് ചേ​കാ​ടി . 90 ശ​ത​മാ​ന​വും ഗോ​ത്ര​വി​ഭാ​ഗ​ങ്ങ​ൾ തി​ങ്ങി​പ്പാ​ർ​ക്കു​ന്ന ചേ​കാ​ടി പ്ര​കൃ​തി ഭം​ഗി​യാ​ൽ സ​മ്പ​ന്ന​മാ​ണ്.

കൃ​ഷി​യെ ഹൃ​ദ​യ​ത്തോ​ടു ചേ​ർ​ത്തു​നി​ർ​ത്തു​ന്ന നാ​ടാ​ണ് ചേ​കാ​ടി. നൂ​റ്റാ​ണ്ടു​ക​ളാ​യി കൃ​ഷി​യെ സം​ര​ക്ഷി​ച്ചു​പോ​രു​ന്നു. വി​ഷം തൊ​ടാ​ത്ത പ​ച്ച​ക്ക​റി​ക​ളും ഇ​വി​ടെ ല​ഭി​ക്കും. ചേ​കാ​ടി​യി​ലെ ക​ർ​ഷ​ക​നാ​യ വി​ശ്വ​മ​ന്ദി​രം അ​ജ​യ​കു​മാ​ർ നാ​ട​ൻ നെ​ല്ലി​ന​മാ​യ ഗ​ന്ധ​ക​ശാ​ല അ​രി​യു​ടെ ഉ​പ്പു​മാ​വും നെ​യ്ച്ചോ​റും നാ​ട​ൻ കോ​ഴി​ക്ക​റി​യു​മെ​ല്ലാം ഇ​വി​ടെ​യെ​ത്തു​ന്ന ടൂ​റി​സ്റ്റു​ക​ൾ​ക്കാ​യി ന​ൽ​കു​ന്നു​ണ്ട്. ഈ​യ​ടു​ത്ത് ആ​രം​ഭി​ച്ച ഈ ​സം​രം​ഭം വി​ജ​യ​പ്ര​ദ​മാ​ണെ​ന്നാ​ണ് അ​ദ്ദേ​ഹം പ​റ​യു​ന്ന​ത്. പു​ല്ലു​മേ​ഞ്ഞ ചെ​റി​യ ഹ​ട്ടു​ക​ളും നാ​ട​ൻ പൂ​ച്ചെ​ടി​ക​ളു​മെ​ല്ലാം ഇ​തി​നോ​ടു​ട് ചേ​ർ​ന്നു​ണ്ട്. വ​യ്ക്കോ​ൽ മേ​ഞ്ഞ ചെ​റി​യ കു​ടി​ലു​ക​ൾ സ​ന്ദ​ർ​ശ​ക​രെ ഏ​റെ ആ​ക​ർ​ഷി​ക്കു​ന്നു.

സ്വാ​ഭാ​വി​ക വ​ന​ത്തി​ലൂ​ടെ​യു​ള്ള യാ​ത്ര​യും വി​ശാ​ല​മാ​യ പാ​ട​ശേ​ഖ​ര​ങ്ങ​ളു​മെ​ല്ലാം ഇ​വി​ടെ​യെ​ത്തു​ന്ന​വ​രു​ടെ മ​നം ക​വ​രു​ന്നു. പ​ര​മ്പ​രാ​ഗ​ത നെ​ല്ലി​ന​മാ​യ ഗ​ന്ധ​ക​ശാ​ല കൃ​ഷി ഏ​റ്റ​വും കൂ​ടു​ത​ലു​ള്ള പ്ര​ദേ​ശം കൂ​ടി​യാ​ണി​ത്. നൂ​റോ​ളം ആ​ദി​വാ​സി കു​ടും​ബ​ങ്ങ​ളാ​ണ് ചേ​കാ​ടി​യി​ലു​ള്ള​ത്. ബാ​ക്കി​യു​ള്ള​വ​ർ ചെ​ട്ടി വി​ഭാ​ഗ​മാ​ണ്. മൂ​ന്ന് ഭാ​ഗ​വും വ​ന​വും ഒ​രു ഭാ​ഗം ക​ബ​നി​യു​മാ​ണ്. സ്​​ട്രീ​റ്റ് ടൂ​റി​സം പ​ദ്ധ​തി വൈ​കാ​തെ ആ​രം​ഭി​ക്കു​മെ​ന്നാ​ണ് സൂ​ച​ന.