വിലയിടിവും വിളനാശവും; 'ക​റു​ത്ത പൊ​ന്നി'​നെ കൈ​വി​ട്ട് ക​ർ​ഷ​ക​ർ

പു​ൽ​പ​ള്ളി: വി​ല​യി​ടി​വും കൃ​ഷി​നാ​ശ​വും കാ​ര​ണം ജി​ല്ല​യി​ലെ ക​ർ​ഷ​ക​ർ കു​രു​മു​ള​ക് കൃ​ഷി​യി​ൽ​നി​ന്ന്​ അ​ക​ലു​ന്നു. മു​ൻ​വ​ർ​ഷ​ങ്ങ​ളി​ൽ കൃ​ഷി ന​ശി​ച്ച ക​ർ​ഷ​ക​ർ​ക്ക് സ​ഹാ​യ​പ​ദ്ധ​തി​ക​ൾ ന​ട​പ്പാ​ക്കാ​ത്ത​താ​ണ് ക​ർ​ഷ​ക​രെ വ​ല​ക്കു​ന്ന​ത്. അ​ഞ്ചു വ​ർ​ഷ​ത്തി​നി​ടെ കു​രു​മു​ള​ക് ക​ർ​ഷ​ക​ർ​ക്ക് കൃ​ഷി​നാ​ശ​ത്തി​ന് ആ​നു​പാ​തി​ക​മാ​യ ന​ഷ്​​ട​പ​രി​ഹാ​രം ല​ഭി​ച്ചി​ട്ടി​ല്ല. നാ​ല് വ​ർ​ഷം മു​മ്പ് കു​രു​മു​ള​ക് ഒ​രു ക്വി​ൻ​റ​ലി​ന് 70,000 ഓ​ളം രൂ​പ വി​ല ല​ഭി​ച്ചി​രു​ന്നു.

ഇ​ന്ന് ഇ​തി​െൻറ വി​ല പ​കു​തി​യോ​ള​മാ​യി കു​റ​ഞ്ഞു. രോ​ഗ​വും കാ​ലാ​വ​സ​്​ഥാ വ്യ​തി​യാ​ന​ങ്ങ​ളും കൃ​ഷി ഉ​പേ​ക്ഷി​ക്കാ​ൻ ക​ർ​ഷ​ക​രെ നി​ർ​ബ​ന്ധി​ത​രാ​ക്കു​ന്നു. ര​ണ്ട് വ​ർ​ഷം മു​മ്പ് പ്ര​ള​യ​ത്തെ തു​ട​ർ​ന്ന് പു​ൽ​പ​ള്ളി, മു​ള്ള​ൻ​കൊ​ല്ലി പ​ഞ്ചാ​യ​ത്തു​ക​ളി​ൽ നി​ര​വ​ധി ഹെ​ക്ട​ർ സ്​​ഥ​ല​ത്തെ കു​രു​മു​ള​ക് കൃ​ഷി ന​ശി​ച്ചി​രു​ന്നു. കൃ​ഷി​ക്കു​ണ്ടാ​യ കേ​ടു​പാ​ടി​ന് അ​ർ​ഹ​മാ​യ ന​ഷ്​​ട​പ​രി​ഹാ​രം ല​ഭി​ക്കു​മെ​ന്ന്​ ക​ർ​ഷ​ക​ർ​ക്ക് പ്ര​തീ​ക്ഷ ഉ​ണ്ടാ​യി​രു​ന്നു. നൂ​റു​ക​ണ​ക്കി​ന് അ​പേ​ക്ഷ​ക​ളാ​ണ് ഇ​തു​മാ​യി ബ​ന്ധ​പ്പെ​ട്ട് പു​ൽ​പ​ള്ളി, മു​ള്ള​ൻ​കൊ​ല്ലി പ​ഞ്ചാ​യ​ത്തു​ക​ളി​ൽ എ​ത്തി​യ​ത്. എ​ന്നാ​ൽ, ക​ർ​ഷ​ക​രു​ടെ അ​പേ​ക്ഷ കൃ​ഷി​ഭ​വ​നു​ക​ളി​ൽ വാ​ങ്ങി​ച്ചു​വെ​ച്ചു എ​ന്ന​ല്ലാ​തെ തു​ട​ർ​ന​ട​പ​ടി​ക​ളൊ​ന്നും ഉ​ണ്ടാ​യി​ല്ല. കോ​ടി​ക്ക​ണ​ക്കി​ന് രൂ​പ​യു​ടെ കൃ​ഷി​നാ​ശ​മാ​ണ് 2019-20 കാ​ല​ഘ​ട്ട​ത്തി​ൽ ഉ​ണ്ടാ​യ​ത്.

ഒ​രു​കാ​ല​ത്ത് കു​രു​മു​ള​കി​െൻറ പ്രൗ​ഢി​യി​ൽ അ​റി​യ​പ്പെ​ട്ട നാ​ടാ​യി​രു​ന്നു പു​ൽ​പ​ള്ളി. ഇ​ന്ന് അ​വ​സ്​​ഥ മാ​റി. കു​രു​മു​ള​ക് കൃ​ഷി പേ​രി​നു​മാ​ത്ര​മാ​യി ഒ​തു​ങ്ങി. കു​രു​മു​ള​ക്​ കൃ​ഷി പു​ന​രു​ദ്ധാ​ര​ണ​ത്തി​ന് ഒ​ട്ടേ​റെ പ​ദ്ധ​തി​ക​ൾ പ്ര​ഖ്യാ​പി​ച്ചെ​ങ്കി​ലും ഇ​തി​െൻറ ഗു​ണ​ങ്ങ​ൾ ക​ർ​ഷ​ക​ർ​ക്ക് ല​ഭി​ച്ചി​ട്ടി​ല്ല. കു​രു​മു​ള​ക് ഉ​ൽ​പാ​ദ​ന​ത്തി​ൽ ഒ​ന്നാം സ്​​ഥാ​ന​ത്താ​യി​രു​ന്ന വ​യ​നാ​ട് ഇ​പ്പോ​ൾ ര​ണ്ടാം സ്​​ഥാ​ന​ത്തേ​ക്ക് പി​ന്ത​ള്ള​പ്പെ​ട്ടു. 2004ൽ 20.995 ​ഹെ​ക്ട​ർ ആ​യി​രു​ന്നു കൃ​ഷി. 13,987 ട​ൺ കു​രു​മു​ള​കാ​യി​രു​ന്നു അ​ന്ന് ഉ​ൽ​പാ​ദ​നം. 2016ൽ ​ഇ​ത് 2595 ട​ൺ ആ​യി കു​റ​ഞ്ഞു. നി​ല​വി​ൽ ഇ​തി​െൻറ നാ​ലി​ലൊ​ന്നാ​യി കു​റ​ഞ്ഞി​രി​ക്കു​ന്നു ഉ​ൽ​പാ​ദ​നം. കു​രു​മു​ള​കി​ന് ഉ​ണ്ടാ​യി​രി​ക്കു​ന്ന രോ​ഗ​ബാ​ധ​ക​ൾ​ക്ക് ഫ​ല​പ്ര​ദ​മാ​യ പ്ര​തി​വി​ധി​ക​ൾ ക​ണ്ടെ​ത്തി​യി​ട്ടി​ല്ല. ഇ​തോ​ടൊ​പ്പം കു​രു​മു​ള​ക് ഇ​റ​ക്കു​മ​തി​യും ഇ​വി​ട​ത്തെ ക​ർ​ഷ​ക​രെ പ്ര​തി​കൂ​ല​മാ​യി ബാ​ധി​ച്ചു.

കൃ​ഷി​വ​കു​പ്പ്, സ്​​പൈ​സ​സ്​ ബോ​ർ​ഡ് എ​ന്നി​വ​യും ക​ർ​ഷ​ക​രെ അ​വ​ഗ​ണി​ക്കു​ന്നു എ​ന്നാ​ണ് പ​രാ​തി. ഗു​ണ​മേ​ന്മ​യു​ള്ള ന​ടീ​ൽ വ​സ്​​തു​ക്ക​ളു​ടെ ല​ഭ്യ​ത​ക്കു​റ​വും ക​ർ​ഷ​ക​ർ​ക്ക് തി​രി​ച്ച​ടി​യാ​യി. ക​ർ​ഷ​ക​ർ അ​തി​ജീ​വ​ന പാ​ത​യി​ലാ​ണ്. ഇ​വ​ർ​ക്ക് ആ​വ​ശ്യ​മാ​യ സ​ഹാ​യ​പ​ദ്ധ​തി​ക​ൾ കൃ​ത്യ​സ​മ​യ​ത്ത് ല​ഭ്യ​മാ​ക്കി​യാ​ൽ മാ​ത്ര​മേ കു​രു​മു​ള​ക് കൃ​ഷി​യി​ൽ ഇ​നി നേ​ട്ട​ങ്ങ​ൾ കൈ​വ​രി​ക്കാ​നാ​വൂ.