കു​ങ്കി​യാ​ന​കൾക്കും തെ​ർ​മ​ൽ ഡ്രോ​ണിനും പിടികൊടുക്കാതെ കടുവ

പു​ൽ​പ​ള്ളി: കു​ങ്കി​യാ​ന​ക​ളെ​യ​ട​ക്കം കൊ​ണ്ടു​വ​ന്നെ​ങ്കി​ലും അ​മ​ര​ക്കു​നി​യി​ലെ ക​ടു​വ കാ​ണാ​മ​റ​യ​ത്ത്. ജ​ന​വാ​സ കേ​ന്ദ്ര​ത്തി​ലി​റ​ങ്ങി​യ ക​ടു​വ​യെ മ​യ​ക്കു​വെ​ടി വെ​ച്ച് പി​ടി​ക്കാ​നു​ള്ള ദൗ​ത്യം ഞാ​യ​റാ​ഴ്ച വി​ജ​യി​ച്ചി​ല്ല. ദൗ​ത്യം തി​ങ്ക​ളാ​ഴ്ച​യും തു​ട​രും.

കു​ങ്കി ആ​ന​ക​ളെ​യും തെ​ർ​മ​ൽ ഡ്രോ​ണും ഉ​പ​യോ​ഗി​ച്ചാ​യി​രു​ന്നു വ​നം വ​കു​പ്പി​ന്റെ നേ​തൃ​ത്വ​ത്തി​ലു​ള്ള തെ​ര​ച്ചി​ൽ ദൗ​ത്യം. ഞാ​യ​റാ​ഴ്ച അ​തി​ർ​ത്തി വ​ന​ത്തോ​ട് ചേ​ർ​ന്നു​ള്ള പ്ര​ദേ​ശ​ങ്ങ​ളും പ​രി​ശോ​ധി​ച്ചി​രു​ന്നു.

കു​ങ്കി ആ​ന​ക​ളാ​യ കോ​ന്നി സു​രേ​ന്ദ്ര​നെ​യും വി​ക്ര​മി​നെ​യും സ്ഥ​ല​ത്തെ​ത്തി​ച്ചി​രു​ന്നു. മു​ത്ത​ങ്ങ ആ​ന​പ​ന്തി​യി​ൽ നി​ന്നാ​ണ് ഇ​വ​യെ ഉ​ച്ച​ക്ക് അ​മ​ര​ക്കു​നി​യി​ൽ എ​ത്തി​ച്ച​ത്. ആ​ദ്യം കൊ​ണ്ടു​വ​ന്ന​ത് വി​ക്ര​മി​നെ​യാ​ണ്. പി​ന്നീ​ടാ​ണ് കോ​ന്നി സു​രേ​ന്ദ്ര​നെ​ത്തി​ച്ച​ത്. ക​ടു​വ ഏ​തു ഭാ​ഗ​ത്താ​ണെ​ന്ന് സ്ഥി​രീ​ക​രി​ച്ചാ​ൽ ആ​ന​ക​ളെ അ​വി​ടേ​ക്ക് തി​ര​ച്ചി​ലി​നാ​യി കൊ​ണ്ടു​പോ​കാ​നാ​ണ് പ​ദ്ധ​തി. ആ​ന​ക​ളെ അ​മ​ര​ക്കു​നി​യി​ൽത​ന്നെ പാ​ർ​പ്പി​ച്ചി​രി​ക്കു​ക​യാ​ണ്.

പ്ര​ദേ​ശ​ത്ത് മു​മ്പ് സ്ഥാ​പി​ച്ച കൂ​ടു​ക​ൾ ര​ണ്ടും മാ​റ്റി സ്ഥാ​പി​ച്ചി​ട്ടു​ണ്ട്. അ​മ​ര​ക്കു​നി അ​ങ്ങാ​ടി​യോ​ട് ചേ​ർ​ന്നു​ള്ള തോ​ട്ട​ത്തി​ൽ ഞാ​യ​റാ​ഴ്ച പു​തു​താ​യി ഒ​രു കൂ​ടും സ്ഥാ​പി​ച്ചി​ട്ടു​ണ്ട്.

അ​മ​ര​ക്കു​നി അ​ങ്ങാ​ടി​യോ​ട് ചേ​ർ​ന്നു​ള്ള തോ​ട്ട​ത്തി​ൽ ഞാ​യ​റാ​ഴ്ച സ്ഥാ​പി​ച്ച പു​തി​യ കൂ​ട്

ക​ടു​വ കാ​ടു​ക​യ​റി​യോ? ക​ണ്ടെ​ത്താ​നാ​വാ​തെ വ​ന​പാ​ല​ക​ർ

പു​ൽ​പ​ള്ളി: അ​മ​ര​ക്കു​നി​യി​ൽ ക​ഴി​ഞ്ഞ ഒ​രാ​ഴ്ച​യാ​യി ഭീ​തി പ​ര​ത്തു​ന്ന ക​ടു​വ​യെ ക​ണ്ടെ​ത്താ​ൻ ക​ഴി​ഞ്ഞി​ല്ല. ഇ​വി​ടെ നി​ന്നും അ​ര കി​ലോ​മീ​റ്റ​ർ മാ​റി​യാ​ണ് കേ​ര​ള ക​ർ​ണാ​ട​ക വ​നം.

ക​ർ​ണാ​ട​ക വ​ന​ത്തി​ൽ നി​ന്നും ഇ​റ​ങ്ങി​യ ക​ടു​വ​യാ​ണ് ജ​ന​വാ​സ കേ​ന്ദ്ര​ത്തി​ൽ എ​ത്തി​യി​രി​ക്കു​ന്ന​തെ​ന്നാ​ണ് വ​നം വ​കു​പ്പി​ന്റെ നി​ഗ​മ​നം. കേ​ര​ള​ത്തി​ന്റെ അ​ധീ​ന​ത​യി​ലു​ള്ള വ​ന​ത്തി​ൽ നി​ന്നു​ള്ള ക​ടു​വ​യു​ടെ കാ​ൽ​പ്പാ​ടു​ക​ള​ല്ല അ​മ​ര​ക്കു​നി​യി​ൽ പ​തി​ഞ്ഞി​രി​ക്കു​ന്ന​ത്. ഒ​രാ​ഴ്ച മു​മ്പ് ര​ണ്ട് ആ​ടു​ക​ളെ ക​ടു​വ കൊ​ന്നു​തി​ന്നി​രു​ന്നു.

ക​ടു​വ​യെ പി​ടി​ക്കാ​നു​ള്ള ദൗ​ത്യ​ത്തി​ലു​ള്ള ജീ​വ​ന​ക്കാ​ർ​ക്ക് വ​നം​വ​കു​പ്പ് ഉ​ന്ന​ത ഉ​ദ്യോ​ഗ​സ്ഥ​ർ നി​ർ​ദേ​ശം ന​ൽ​കു​ന്നു

ഇ​തി​നു​ശേ​ഷം ഇ​രു​പ​തോ​ളം സ്ഥ​ല​ത്ത് കാ​മ​റ സ്ഥാ​പി​ച്ചി​രു​ന്നു. ഇ​വ​യി​ൽ ഒ​ന്നും ക​ടു​വ​യു​ടെ ചി​ത്രം പ​തി​ഞ്ഞി​ട്ടി​ല്ല. അ​തേ​സ​മ​യം നാ​ട്ടു​കാ​രി​ൽ ചി​ല​ർ ക​ടു​വ​യെ നേ​രി​ൽ കാ​ണു​ക​യും ചെ​യ്തു. ഈ​യൊ​രു അ​വ​സ്ഥ​യി​ൽ ക​ടു​വ തോ​ട്ട​ങ്ങ​ളി​ൽ നി​ന്നും മ​റ്റ് തോ​ട്ട​ങ്ങ​ളി​ലേ​ക്ക് മാ​റിപ്പോ​വു​ക​യാ​ണോ എ​ന്ന സം​ശ​യ​വും ഉ​യ​ർ​ന്നി​ട്ടു​ണ്ട്.