വ​ന്യ​മൃ​ഗ​ങ്ങ​ളെ ത​ട​യാ​ൻ സ്ഥാ​പി​ച്ച ഗേ​റ്റു​ക​ൾ ആ​ന ത​ക​ർ​ത്തു; പു​ന:​സ്ഥാ​പി​ക്കാ​ൻ ന​ട​പ​ടി​യി​ല്ല

പു​ൽ​പ​ള്ളി: വ​ന്യ​ജീ​വി​ക​ൾ നാ​ട്ടി​ലേ​ക്കി​റ​ങ്ങു​ന്ന​ത് ത​ട​യാ​ൻ വ​നാ​തി​ർ​ത്തി​യി​ൽ വ​നം​വ​കു​പ്പ് സ്ഥാ​പി​ച്ച ഗേ​റ്റു​ക​ൾ ആ​ന ത​ക​ർ​ത്തി​ട്ടും പു​ന​ർനി​ർ​മി​ക്കാ​ൻ അ​ധി​കൃ​ത​ർ താൽപ​ര്യ​മെ​ടു​ക്കു​ന്നി​ല്ലെ​ന്ന് പ​രാ​തി. പു​ൽ​പ​ള്ളി പ​ഞ്ചാ​യ​ത്തി​ലെ കാ​പ്പി​ക്കു​ന്ന്, മേ​ലേ​ക്കാ​പ്പ് എ​ന്നി​വി​ട​ങ്ങ​ളി​ൽ സ്ഥാ​പി​ച്ച ഗേ​റ്റു​ക​ളാ​ണ് മാ​സ​ങ്ങ​ൾ​ക്കു മു​മ്പ് കാ​ട്ടാ​ന​ക​ൾ ത​ക​ർ​ത്ത​ത്.

രൂ​ക്ഷ​മാ​യ വ​ന്യ​ജീ​വിശ​ല്യം നേ​രി​ടു​ന്ന പ്ര​ദേ​ശ​ങ്ങ​ളാ​ണ് കാ​പ്പി​ക്കു​ന്നും പ​രി​സ​ര​ങ്ങ​ളും. ജ​ന​വാ​സ മേ​ഖ​ല​യാ​ണ് ഇ​വി​ടം. ത​ക​ർ​ന്നു​കി​ട​ക്കു​ന്ന ഗേ​റ്റ് വ​ഴി കാ​ട്ട​ാന​ക​ൾ നാ​ട്ടി​ലി​റ​ങ്ങി വ​ൻ കൃ​ഷി​നാ​ശ​മാ​ണ് ഓ​രോ ദി​വ​സ​വും ഉ​ണ്ടാ​ക്കു​ന്ന​ത്. ഇ​തു സം​ബ​ന്ധി​ച്ച പ​രാ​തി​ക​ൾ​ക്ക് പ​രി​ഹാ​രം ഉ​ണ്ടാ​ക്കു​ന്നി​ല്ല എ​ന്ന​ത് മാ​ത്ര​മ​ല്ല ത​ക​ർ​ന്നു​കി​ട​ക്കു​ന്ന ഗേ​റ്റു​ക​ൾ ന​ന്നാ​ക്കാ​നും വ​ന​പാ​ല​ക​ർ ഒരു ന​ട​പ​ടി​യും സ്വീ​ക​രി​ക്കു​ന്നി​ല്ലെ​ന്നാ​ണ് പ​രാ​തി.

ഈ ​ഗേ​റ്റു​ക​ൾ​ക്കു പു​റ​മെ പു​ൽ​പ​ള്ളി​യു​ടെ മ​റ്റ് പ​ല​യി​ട​ങ്ങ​ളി​ലും ഇ​തേ​രീ​തി​യി​ൽ പ്ര​തി​രോ​ധ സം​വി​ധാ​ന​ങ്ങ​ൾ ത​ക​ർ​ന്നു​കി​ട​ക്കു​ക​യാ​ണ്. വ​ന്യ​ജീ​വിശ​ല്യ​ത്തി​ന് പ​രി​ഹാ​രം ക​ണ്ടെ​ത്തു​ന്ന​തി​നാ​യി സ്ഥാ​പി​ച്ച പ്ര​തി​രോ​ധ സം​വി​ധാ​ന​ങ്ങ​ൾ ത​ക​ർ​ന്ന​ടി​ഞ്ഞി​ട്ടും ന​ന്നാ​ക്കാ​ത്ത​തി​ൽ പ്ര​തി​ഷേ​ധം ശ​ക്ത​മാ​ണ്.