തി​രു​പ്പി​റ​വി വരവേൽക്കാൻ പു​ൽ​ക്കൂ​ടുകൾ

പു​ൽ​പ​ള്ളി: ഉ​ണ്ണി​യേ​ശു​വി​ന്‍റെ തി​രു​പ്പി​റ​വി​യെ വ​ര​വേ​ൽ​ക്കാ​ൻ നാ​ടെ​ങ്ങും ഒ​രു​ങ്ങു​മ്പോ​ൾ പു​ൽ​പ​ള്ളി വൈ.​എം.​സി.​എ ഓ​ഡി​റ്റോ​റി​യ​ത്തി​ന് സ​മീ​പം നി​ർ​മി​ച്ച പു​ൽ​ക്കൂ​ട് ശ്ര​ദ്ധേ​യ​മാ​കു​ന്നു. ഉ​ണ്ണി​യേ​ശു​വി​ന്‍റെ ജ​ന​നം പ്ര​തി​പാ​ദി​ക്കു​ന്ന ച​രി​ത്ര​മാ​ണ് ഇ​വി​ടെ പു​നഃ​സൃ​ഷ്​​ടി​ച്ച​ത്.

പു​ൽ​പ​ള്ളി വൈ.​എം.​സി.​എ​യു​ടെ നേ​തൃ​ത്വ​ത്തി​ലാ​ണ് ഭീ​മ​ൻ പു​ൽ​ക്കൂ​ട് ഒ​രു​ക്കി​യ​ത്. കാ​ലി​ത്തൊ​ഴു​ത്തും മ​ല​നി​ര​ക​ളും ഗു​ഹ​ക​ളും ന​ദി​ക​ളും പ​ർ​വ​ത​ങ്ങ​ളും മ​രു​ഭൂ​മി​യും എ​ല്ലാം ഇ​വി​ടെ ഒ​രു​ക്കി​യി​ട്ടു​ണ്ട്. അ​ല​ങ്കാ​ര​മാ​യി ന​ക്ഷ​ത്ര​ങ്ങ​ളും മ​ര​ങ്ങ​ളു​മെ​ല്ലാം പു​ൽ​ക്കൂ​ടി​ന് സ​മീ​പം ഒ​രു​ക്കി​യി​ട്ടു​ണ്ട്. ക്രി​സ്​​തു​വി​ന്‍റെ ജ​ന​ന സ്​​ഥ​ല​വു​മാ​യി ബ​ന്ധ​പ്പെ​ട്ട പ​ല സ്​​ഥ​ല​ങ്ങ​ളും ഇ​വി​ടെ ആ​വി​ഷ്ക​രി​ച്ചി​ട്ടു​ണ്ട്.

ഗ​ലീ​ലി, ജ​റൂസ​ലം, ന​സ്ര​ത്ത്, യൂ​ദ​യ, ബ​ത്​​ല​ഹേം എ​ന്നി​വ​യെ​ല്ലാം ഇ​തി​ൽ ഉ​ൾ​പ്പെ​ടു​ന്നു. നി​ര​വ​ധി ആ​ളു​ക​ളാ​ണ് പു​ൽ​ക്കൂ​ടും അ​നു​ബ​ന്ധ കാ​ര്യ​ങ്ങ​ളും കാണാൻ ഇ​വി​ടെ​യെ​ത്തു​ന്ന​ത്. ബ​ത്തേ​രി​യി​ൽ ഹോം​ഗാ​ർ​ഡാ​യി ജോ​ലി നോ​ക്കു​ന്ന പു​ൽ​പ​ള്ളി സ്വ​ദേ​ശി ബി​ജു വ​ർ​ഗീ​സി​ന്‍റെ നേ​തൃ​ത്വ​ത്തി​ലാ​ണ് പു​ൽ​ക്കൂ​ട് നി​ർ​മി​ച്ച​ത്. ര​ണ്ടാ​ഴ്ച​യി​ല​ധി​കം ചെല​വ​ഴി​ച്ചാ​ണ് പു​ൽ​ക്കൂ​ട് നി​ർ​മി​ച്ച​ത്.