കാ​മ്പ​സു​ക​ളി​ൽ വീ​ണ്ടും ആ​ഘോ​ഷാ​ര​വം

പു​ൽ​പ​ള്ളി: മ​ഹാ​മാ​രി ഒ​രു​ക്കി​യ ​പ്ര​തി​സ​ന്ധി​ക​ളി​ൽ​നി​ന്ന്​ പ​തി​വു​രീ​തി​ക​ളി​​ലേ​ക്ക്​ മാ​റു​ന്ന​തി​നി​ടെ കാ​മ്പ​സു​ക​ളി​ൽ ആ​ഹ്ലാ​ദ​വും ആ​ര​വ​ങ്ങ​ളും കോ​ർ​ത്തി​ണ​ക്കി വീ​ണ്ടും ക്രി​സ്മ​സ്​-​പു​തു​വ​ർ​ഷ ആ​ഘോ​ഷ​ങ്ങ​ൾ.

ര​ണ്ടു വ​ർ​ഷ​ത്തെ ഇ​ട​വേ​ള​ക്കു​ശേ​ഷ​മാ​ണ്​ ജി​ല്ല​യി​ലെ കാ​മ്പ​സു​ക​ളി​ൽ ആ​ഘോ​ഷ പ​രി​പാ​ടി​ക​ൾ തി​രി​ച്ചെ​ത്തി​യ​ത്. കോ​വി​ഡ് ഇ​ള​വു​ക​ൾ വ​ന്ന​തോ​ടെ കാ​മ്പ​സു​ക​ൾ വീ​ണ്ടും ആ​ഘോ​ഷ​ത്തി​മി​ർ​പ്പി​ലാ​ണ്.

ക​ഴി​ഞ്ഞ ര​ണ്ടു ദി​വ​സ​മാ​യി കാ​മ്പ​സു​ക​ൾ ക്രി​സ്​​മ​സ്​ ന​വ​വ​ത്സ​ര പ​രി​പാ​ടി​ക​ളാ​ൽ സ​ജീ​വ​മാ​യി​രു​ന്നു. കോ​വി​ഡ് നി​യ​ന്ത്ര​ണ​ങ്ങ​ൾ നി​ല​നി​ന്ന​തി​നാ​ൽ ക​ഴി​ഞ്ഞ ര​ണ്ടു വ​ർ​ഷ​മാ​യി ആ​ഘോ​ഷ​പ​രി​പാ​ടി​ക​ൾ എ​ങ്ങും ന​ട​ന്നി​രു​ന്നി​ല്ല. ഇ​ള​വു​ക​ൾ വ​ന്ന​തോ​ടെ കാ​മ്പ​സു​ക​ളും ഉ​ണ​ർ​ന്നു.

ക്രി​സ്​​മ​സ്​ ന​വ​വ​ത്സ​ര ആ​ഘോ​ഷ​പ​രി​പാ​ടി​ക​ളാ​ൽ സ​മ്പ​ന്ന​മാ​ണ് കാ​മ്പ​സു​ക​ൾ. പു​ൽ​ക്കൂ​ട് നി​ർ​മാ​ണം, ക​രോ​ൾ​ഗാ​ന മ​ത്സ​രം, കേ​ക്ക് മു​റി​ക്ക​ൽ, മ​റ്റു ക​ലാ​പ​രി​പാ​ടി​ക​ൾ എ​ന്നി​വ​യെ​ല്ലാം കോ​ള​ജു​ക​ളി​ൽ ന​ട​ന്നു.

കോ​വി​ഡ് കാ​ല​ത്തെ വി​ര​സ​ത മാ​റ്റാ​ൻ ഇ​ത്ത​രം പ​രി​പാ​ടി​ക​ൾ സ​ഹാ​യി​ക്കു​ന്നു​ണ്ടെ​ന്ന്​ വി​ദ്യാ​ർ​ഥി​ക​ളും അ​ധ്യാ​പ​ക​രും പ​റ​യു​ന്നു. ഓ​ൺ​ലൈ​ൻ ക്ലാ​സു​ക​ളി​ൽ​നി​ന്ന് സാ​ധാ​ര​ണ ക്ലാ​സു​ക​ളി​ലേ​ക്ക് വി​ദ്യാ​ർ​ഥി​ക​ൾ വ​ന്ന​തോ​ടെ ത​ന്നെ ക​ലാ​ല​യ​ങ്ങ​ൾ ഉ​ണ​ർ​ന്നി​രു​ന്നു.

മാ​സ്​​ക്ക​ണി​ഞ്ഞ ആ​ഘോ​ഷ​ങ്ങ​ളോ​ടെ പ​ഴ​യ ക​ളി​ചി​രി​ക​ളി​ലേ​ക്ക്​ പ​തി​യെ തി​രി​ച്ചെ​ത്തു​ക​യാ​ണ്​ കാ​മ്പ​സു​ക​ൾ.