ബസ് തൊഴിലാളികൾ സമരത്തിലേക്ക്

പുൽപള്ളി: ജില്ലയിലെ സ്വകാര്യ ബസ് തൊഴിലാളികളുടെ കൂലിവർധനവും ബോണസും ആവശ്യപ്പെട്ട് സെപ്റ്റംബർ ആദ്യവാരം അനിശ്ചിതകാല സമരം ആരംഭിക്കുമെന്ന് സംയുക്ത യൂനിയൻ ഭാരവാഹികൾ വ്യക്തമാക്കി.

തൊഴിലാളികളുടെ ന്യായമായ ആവശ്യങ്ങൾ ബസ് ഓണേഴ്സ് അസോസിയേഷൻ അംഗീകരിക്കാത്തതിൽ ഇവർ പ്രതിഷേധിച്ചു. പി.പി. ആലി അധ്യക്ഷത വഹിച്ചു. വിവിധ ട്രേഡ് യൂനിയൻ നേതാക്കളായ എം.എസ്. സുരേഷ് ബാബു, പി.കെ. അച്യുതൻ, വി.ജെ. ബാബു, വർഗീസ്, വിനോദ്, സുരേന്ദ്രൻ എന്നിവർ സംസാരിച്ചു.