കാട്ടുപന്നിയുടെ ആക്രമണത്തിൽ ബൈക്ക് യാത്രികന് പരിക്ക്

പുൽപള്ളി: കാട്ടുപന്നിയുടെ ആക്രമണത്തിൽ ബൈക്ക് യാത്രികന് പരിക്ക്. ആശ്രമകൊല്ലി ശിവശൈലം ശശികുമാറി (62) നാണ് പരിക്കേറ്റത്. കഴിഞ്ഞ ദിവസം രാത്രി ആടിക്കൊല്ലിക്കടുത്ത കരിങ്കുറ്റി കവലയിൽ വെച്ചാണ് കാട്ടുപന്നി ആക്രമിച്ചത്.

പരിക്കേറ്റ ഇദേഹത്തെ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ചീയമ്പം 73 മുതൽ അമ്പത്താറ് വരെയുള്ള പാതയിൽ മാൻ, കാട്ടുപന്നി തുടങ്ങിയ വന്യജീവികൾ റോഡിന് കുറുകെ ചാടി ഒട്ടേറെ വാഹനാപകടങ്ങൾ സമീപകാലത്തുണ്ടായിട്ടുണ്ട്.