Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightWayanadchevron_rightPulpallychevron_rightവിധവയായ വീട്ടമ്മക്ക്...

വിധവയായ വീട്ടമ്മക്ക് താൽക്കാലിക വീടൊരുക്കി പൂർവ വിദ്യാർഥി കൂട്ടായ്മ

text_fields
bookmark_border
വിധവയായ വീട്ടമ്മക്ക് താൽക്കാലിക വീടൊരുക്കി പൂർവ വിദ്യാർഥി കൂട്ടായ്മ
cancel

പുൽപള്ളി: വിധവയായ വീട്ടമ്മക്ക് പൂർവ വിദ്യാർഥി കൂട്ടായ്മ താമസിക്കാനായി അഞ്ച് സെൻറ് സ്​ഥലവും താൽക്കാലിക വീടും ഒരുക്കിക്കൊടുത്തു. പുൽപള്ളി വിജയ ഹൈസ്​കൂളിലെ 1985–87 എസ്​.എസ്​.എൽ.സി കൂട്ടായ്മയിലെ അംഗങ്ങളാണ് ഇവർക്ക് വീടും സ്​ഥലവും ഒരുക്കിക്കൊടുത്തത്. വർഷങ്ങളായി ഈട്ടികവലയിൽ വാടകക്ക് താമസിച്ചിരുന്ന 80 വയസ്സുകാരി ഖദീജയുടെ ദുരവസ്​ഥ 'ഓർമിക്കാം ഒന്നിക്കാം' എന്ന കൂട്ടായ്മ നേരിട്ട് മനസ്സിലാക്കിയതിനെ തുടർന്നാണ് സഹായഹസ്​തവുമായി എത്തിയത്.

വീട്ടു വാടകക്കുപോലും വക കണ്ടെത്താൻ കഴിയാതെ ബുദ്ധിമുട്ടിയ ഈ കുടുംബം പെരുവഴിയിലേക്ക് ഇറങ്ങേണ്ടി വരുമെന്ന അവസ്​ഥയിലായിരുന്നു.ഖദീജയുടെ മകൻ കുഞ്ഞുമോൻ സംസാര–കേൾവി വൈകല്യത്തെത്തുടർന്ന് വീട്ടിൽതന്നെ കഴിയുകയാണ്. ഗ്രൂപ്പിലെ ഫ്രാൻസിസ്​ പഞ്ഞിക്കാല അഞ്ച് സെൻറ് സ്​ഥലം സൗജന്യമായി നൽകിയതോടെ കാര്യങ്ങൾ എളുപ്പമായി. കാപ്പിസെറ്റിനടുത്ത ചെത്തിമറ്റത്താണ് ഈ സ്​ഥലം. ഇവിടെയാണ് കൂട്ടായ്മയിലെ മറ്റ് അംഗങ്ങൾ ചേർന്ന് താൽക്കാലിക വീട് നിർമിച്ചു നൽകിയത്.

കർഷകനായ ഫ്രാൻസിസ്​ ഇത്തരത്തിൽ മറ്റ് രണ്ട് നിർധന കുടുംബങ്ങൾക്കും വീടിനായി സ്​ഥലം സൗജന്യമായി നൽകിയിട്ടുണ്ട്. പ്രതീക്ഷ എന്ന പ്രവാസി സംഘടനയും ഇവർക്ക് വീട് നിർമാണത്തിന് സഹായം നൽകി. അജി പുൽപള്ളി, ഫ്രാൻസിസ്​ പഞ്ഞിക്കാല, ബാബു ഐക്കര, പ്രസാദ്, ഗോപി, സി.ജെ. ബിനേഷ് തുടങ്ങിയവർ നേതൃത്വം നൽകി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Alumni Associationtemporary housingwidowed housewife
News Summary - Alumni Association provides temporary housing for a widowed housewife
Next Story