ജനപരാതി പരിഹാര ദിനം; 130 അപേക്ഷകൾ സ്വീകരിച്ചു

ഊട്ടി: നീലഗിരി കലക്ടറേറ്റിൽ നടന്ന ജനപരാതി പരിഹാര ദിനത്തിൽ പൊതുജനങ്ങളിൽനിന്നും ഭിന്നശേഷിക്കാരിൽനിന്നുമായി 130 അപേക്ഷകൾ സ്വീകരിച്ചു. ജില്ല കലക്ടർ ലക്ഷ്മി ഭവ്യ തൻനീരുവിന്റെ അധ്യക്ഷതയിൽ നടന്ന പരിപാടിയിൽ വിവിധ വകുപ്പ് ഉദ്യോഗസ്ഥർ പങ്കെടുത്തു. ലഭിച്ച അപേക്ഷകളിൽ ബന്ധപ്പെട്ട വകുപ്പുകൾ ഉടൻ നടപടി സ്വീകരിക്കണമെന്ന് കലക്ടർ നിർദേശം നൽകി. എല്ലാ തിങ്കളാഴ്ചയും ഇത്തരം പരാതി പരിഹാര ദിനം നടക്കുമെന്നും അറിയിച്ചു.