വ​ന്യ​മൃ​ഗ​ശ​ല്യം രൂ​ക്ഷം; ക​റു​വാ​ൻ​ത്തോ​ടു​കാ​ർ പ​ലാ​യ​നം തു​ട​ങ്ങി

പൊ​ഴു​ത​ന: വ​ന്യ​മൃ​ഗ​ശ​ല്യ​ത്തി​ൽ പൊ​റു​തി​മു​ട്ടി ക​റു​വാ​ൻ​ത്തോ​ട് നി​വാ​സി​ക​ൾ. ക​ഴി​ഞ്ഞ​ദി​വ​സം എ​ത്തി​യ ആ​ന​ക്കൂ​ട്ടം മ​ല​യോ​ര മേ​ഖ​ല​യാ​യ ക​റു​വാ​ൻ​ത്തോ​ട് പ്ര​ദേ​ശ​ത്ത് മ​ണി​ക്കൂ​റു​ക​ളോ​ളം ഭീ​തി പ​ര​ത്തി​യാ​ണ് കാ​ട് ക​യ​റി​യ​ത്.

ജ​ന​വാ​സ കേ​ന്ദ്ര​മാ​യ ക​റു​വാ​ൻ​ത്തോ​ട് ഭാ​ഗ​ത്തോ​ട് ചേ​ർ​ന്നു​കി​ട​ക്കു​ന്ന കു​റി​ച്യ​ർ​മ​ല വ​ന​ത്തി​ൽ​നി​ന്നു​മാ​ണ് ആ​ന​ക​ൾ കാ​ടി​റ​ങ്ങു​ന്ന​ത്. പ​ക​ൽ സ​മ​യ​ത്തു​പോ​ലും പു​റ​ത്തി​റ​ങ്ങാ​ൻ ക​ഴി​യാ​ത്ത സ്ഥി​തി​യാ​ണ്.

വ​ന്യ​മൃ​ഗ​ശ​ല്യം നാ​ൾ​ക്കു​നാ​ൾ വ​ർ​ധി​ച്ചു​വ​രു​ന്ന​തോ​ടെ പ​ല​രും ഗ്രാ​മം വി​ട്ടൊ​ഴി​യു​ക​യാ​ണ്. 2018 വ​രെ നൂ​റു​ക​ണ​ക്കി​ന് കു​ടും​ബ​ങ്ങ​ൾ ഇ​വി​ടെ താ​മ​സി​ച്ചി​രു​ന്നു. ഇ​ന്ന് പ​ല​രും സ്ഥ​ലം​മാ​റി പോ​യി. വാ​ട​ക​ക്ക് വീ​ട് എ​ടു​ത്ത​ാണ് പ​ല കു​ടും​ബ​ങ്ങ​ളും താ​മ​സി​ക്കു​ന്ന​ത്. വ​ന​ത്തോ​ട് ചേ​ർ​ന്നാ​ണ് ഇ​വി​ടെ അം​ഗ​ൻ​വാ​ടി​യും ഭു​താ​നം ആ​ദി​വാ​സി കോ​ള​നി​യു​മു​ള്ള​ത്.

കാ​ട്ടു​നാ​യ്ക്ക വി​ഭാ​ഗ​ക്കാ​രാ​യ ഏ​ഴ് കു​ടും​ബ​ങ്ങ​ളാ​ണ് കോ​ള​നി​യി​ലു​ള്ള​ത്. ഭീ​തി​യോ​ടെ​യാ​ണ്​ ഈ ​കു​ടും​ബ​ങ്ങ​ൾ ക​ഴി​യു​ന്ന​ത്. കാ​ർ​ഷി​ക വി​ള​ക​ൾ ന​ശി​പ്പി​ക്കു​ന്ന​ത് പ​തി​വാ​യ​തോ​ടെ പ​ല​രും കൃ​ഷി ഉ​പേ​ക്ഷി​ച്ചു.

കാ​ടി​റ​ങ്ങു​ന്ന കാ​ട്ടാ​ന​ക്കൂ​ട്ട​ത്തെ ത​ട​യാ​ൻ വൈ​ദ്യു​തി വേ​ലി​ക​ൾ സ്ഥാ​പി​ച്ചെ​ങ്കി​ലും ഫ​ലം ചെ​യ്യു​ന്നി​ല്ല.

തോ​ട്ട​ങ്ങ​ളി​ലെ ച​ക്ക, മാ​ങ്ങ ഉ​ൾ​പ്പെ​ടെ​യു​ള്ള പ​ഴ​ങ്ങ​ൾ തേ​ടി​യാ​ണ് ആ​ന​യും മ​റ്റും കാ​ടി​റ​ങ്ങു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു. മ​ണി​ക്കൂ​റു​ക​ൾ ക​ഴി​ഞ്ഞാ​ണ് ആ​ന​ക​ൾ കാ​ടു​ക‍യ​റു​ന്ന​ത്. ആ​വ​ശ്യ​ത്തി​ന് വ​ന​പാ​ല​ക​രി​ല്ലാ​ത്ത​തും തി​രി​ച്ച​ടി​യാ​കു​ക​യാ​ണ്.