അടിസ്ഥാന സൗകര്യങ്ങളില്ല; ദുരിതം പേറി പാറക്കുന്ന് എസ്റ്റേറ്റ് മേഖല

പൊ​ഴു​ത​ന: അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​മൂ​ലം പ​തി​റ്റാ​ണ്ടു​ക​ളാ​യി ദു​രി​തം​പേ​റു​ക​യാ​ണ് തോ​ട്ടം മേ​ഖ​ല​യാ​യ പാ​റ​ക്കു​ന്നി​ലെ നൂ​റോ​ളം തൊ​ഴി​ലാ​ളി കു​ടും​ബാം​ഗ​ങ്ങ​ൾ. പൊ​ട്ടി​പ്പൊ​ളി​ഞ്ഞ പാ​ടി​ക​ൾ ന​ന്നാ​ക്കാ​ൻ മാ​നേ​ജ്‌​മെ​ന്റ് മു​ൻ​കൈ​യെ​ടു​ക്കാ​ൻ വൈ​കു​ന്ന​തു മൂ​ലം താ​മ​സി​ക്കു​ന്ന പാ​ടി​ക​ളി​ലെ ജീ​വി​തം ഏ​റെ ദു​സ്സ​ഹ​മാ​യി. ഇ​വി​ടെ നി​ല​നി​ൽ​ക്കു​ന്ന മി​ക്ക പാ​ടി​ക​ളും ത​ക​ർ​ച്ച​യി​ലാ​ണ്.

ഭി​ത്തി​ക​ൾ വി​ണ്ടു​കീ​റി മേ​ൽ​ക്കൂ​ര ത​ക​ർ​ന്ന അ​വ​സ്ഥ​യി​ലാ​ണ്​ പാ​ടി​ക​ൾ. ഇ​വ​ക്കു പു​റ​മെ പാ​റ​ക്കു​ന്ന് മാ​സ്റ്റ​ർ പ്ര​ദേ​ശ​ത്തു​നി​ന്ന് പാ​ടി​ക​ളി​ലേ​ക്ക് എ​ത്തി​പ്പെ​ടു​ന്ന​തി​നാ​യി നി​ർ​മി​ച്ച കോ​ൺ​ക്രീ​റ്റ് റോ​ഡ് ത​ക​ർ​ന്നു. ഗ​താ​ഗ​ത​യോ​ഗ്യ​മാ​യ റോ​ഡ് ഇ​ല്ലാ​ത്ത​തി​നാ​ൽ രോ​ഗി​ക​ൾ ഉ​ൾ​പ്പെ​ടെ മെ​യി​ൻ റോ​ഡി​ൽ എ​ത്തി​പ്പെ​ടു​ന്ന​ത് സാ​ഹ​സി​ക​മാ​യാ​ണ്.

പ്ര​ദേ​ശ​ത്തെ മാ​ലി​ന്യ​പ്ര​ശ്ന​വും വെ​ല്ലു​വി​ളി ഉ​യ​ർ​ത്തു​ന്നു. മാ​ലി​ന്യ​സം​സ്ക​ര​ണ സം​വി​ധാ​നം ത​കി​ടം​മ​റി​ഞ്ഞ​തോ​ടെ ക​ടു​ത്ത ദു​രി​ത​ത്തി​ലാ​ണ് നൂ​റോ​ളം വ​രു​ന്ന തൊ​ഴി​ലാ​ളി കു​ടും​ബ​ങ്ങ​ൾ. മാ​ലി​ന്യം സം​സ്ക​രി​ക്കാ​ൻ സം​വി​ധാ​നം ഇ​ല്ലാ​താ​യ​തോ​ടെ ഇ​വ പാ​ടി​ക​ൾ​ക്കു സ​മീ​പം കൂ​ട്ടി​യി​ട്ടി​രി​ക്കു​ക​യാ​ണ്. പൊ​ഴു​ത​ന പ​ഞ്ചാ​യ​ത്തി​ലെ ഒ​മ്പ​താം വാ​ർ​ഡി​ലാ​ണ് പാ​റ​ക്കു​ന്ന്.

ഇ​വി​ടെ നൂ​റി​ല​ധി​കം തോ​ട്ടം തൊ​ഴി​ലാ​ളി​ക​ളാ​ണ് താ​മ​സി​ക്കു​ന്ന​ത്. ഹാ​രി​സ​ൺ മ​ല​യാ​ളം പ്ലാ​ന്റേ​ഷ​ന്റെ കീ​ഴി​ലാ​ണ് ഇ​വ​ർ ജോ​ലി ചെ​യ്യു​ന്ന​ത്. എ​സ്റ്റേ​റ്റി​ൽ ച​പ്പ് നു​ള്ളി ജീ​വി​തം ന​യി​ക്കു​ന്ന ഇ​വ​ർ ലൈ​ഫ് ഭ​വ​ന​പ​ദ്ധ​തി​പ്ര​കാ​രം വീ​ട് ല​ഭി​ക്കു​മെ​ന്നു​ള്ള പ്ര​തീ​ക്ഷ​യി​ലാ​ണ്.